ຄະນະກຳມະການອາຫານ ແລະຢາ (ອຢ) ປະເທດໄທ ສັ່ງຖອດຖອນທະບຽນ ແລະໃບອະນຸຍາດ ຜະລິດຕະພັນຢາຈູດກັນຍຸງ ເຣນເຈີ ສະເກົ້າ ແລະອາທ ພລັສ ທີ່ນຳເຂົ້າຈາກ ສປ.ຈີນ ໂດຍບໍລິສັດ ທະນັດກອນ ອິນເຕີເນຊັ່ນແນວ ຈຳກັດ ເນື່ອງຈາກວ່າ, ກວດສອບແລ້ວ ບໍ່ພົບສານສຳຄັນ d-Allethrin ຕາມທີ່ໄດ້ຂຶ້ນທະບຽນໄວ້.
ນອກຈາກນີ້, ຍັງກວດພົບສານອັນຕະລາຍ 3 ຊະນິດຄື: Bioallethrin, Meperfluthrin, Heptafluthrin ເຊິ່ງເຈົ້າຂອງຜະລິດຕະພັນບໍ່ໄດ້ຂໍຂຶ້ນທະບຽນເພື່ອນຳເຂົ້າ.
ດັ່ງນັ້ນ, ອຢ. ຈຶ່ງຂໍໃຫ້ຜູ້ນຳເຂົ້າຮຽກຄ່າເກັບຄືນຜະລິດຕະພັນຢາຈູດກັນຍຸງ 2 ຊະນິດດັ່ງກ່າວ ແລະຮວບຮວມສົ່ງຄືນໄປຍັງປະເທດຜູ້ຜະລິດ ຫຼືຖ້າບໍ່ປະສົງກັບຄືນໄປຍັງປະເທດຜູ້ຜະລິດ ຫ້ແຈ້ງ ອຢ. ຮູ້ ເພື່ອຄວບຄຸມແລະທຳລາຍ.
ສຳລັບຜູ້ຂາຍຄວນຕ້ອງສົ່ງຄືນຕົວແທນຈຳໜ່າຍ ຫຼືຂາຍຄືນໃຫ້ກັບຜູ້ນຳເຂົ້າ ສຳລັບຜູ້ບໍລິໂພກບໍ່ຄວນໃຊ້ ແລະຫ້າມສົ່ງຕໍ່ໃຫ້ກັບບຸກຄົນອື່ນ ເພື່ອໃຊ້ຈູດກັນຍຸງ.
ທີ່ມາ :isranews.org