Friday, July 18, 2025
Kbank Laos โอน รับ จ่าย

ງານວາງສະແດງສິນຄ້າທຸລະກິດປ້າຍ ເພື່ອຊ່ວຍນັກທຸລະກິດປ້າຍລາວ ຂະຫຍາຍເຄືອຂ່າຍທາງການຄ້າກັບສາກົນ

ທ້າຍອາທິດຜ່ານມາ, ທີ່ນະຄອນຫລວງວຽງຈັນ, ບໍລິສັດ ໄອບຣິກ ຈຳກັດ ຈາກປະເທດໄທ ຮ່ວມກັບກຸ່ມຄົນຮັກປ້າຍເມືອງລາວ ໄດ້ຈັດງານຖະແຫລງຂ່າວ ເພື່ອເຊີນຊວນບັນດາບໍລິສັດປ້າຍຂອງ ສປປ ລາວ ເຂົ້າຮ່ວມງານວາງສະແດງສິນຄ້າ ໄຊເອເຊຍເອັກໂປ 2018 (Sign Asia Expo 2018) ແລະ ເອພີພີພີເອັກໂປ ໄທແລນ (APPPEXPO Thailand), ຊຶ່ງຈະຈັດຂຶ້ນໃນເດືອນພະຈິກ ທີ່ຈະມາເຖິງນີ້ ທີ່ປະເທດໄທ.

ງານວາງສະແດງສິນຄ້າຄັ້ງນີ້, ຊຶ່ງເປັນປີທີ 16 ຈະຈັດຂຶ້ນໃນລະຫວ່າງ ວັນທີ 8-11 ພະຈິກ 2018 ທີ່ອິມແພກເມືອງທອງທານີ ປະເທດໄທ, ຊຶ່ງຄາດວ່າຈະມີ 400 ກວ່າຍີ່ຫໍ້ດັງ, 75.000 ລາຍການ ກ່ຽວກັບງານປ້າຍ, ສື່ໂຄສະນາ ແລະ ການພິມດີຈີຕອນ ທີ່ຄັດເລືອກມາເປັນຢ່າງດີ ເຂົ້າຮ່ວມວາງສະແດງສິນຄ້າ.

ທ່ານ ກະເສມ ບຸດສະດີປຣະເສີດ ຜູ້ອຳນວຍການຝ່າຍການຕະຫລາດ ແລະ ການຂາຍໄອບຣິກ ເຜີີຍວ່າ: ບໍລິສັດ ເປັນຜູ້ນຳດ້ານການ ຈັດງານວາງ ສະແດງສິນຄ້າທຸລະກິດປ້າຍ ແລະ ໂຄສະນາທຳອິດຂອງປະເທດໄທ ພາຍໃຕ້ຊື່: ໄຊເອເຊຍເອັກໂປ ທີ່ຈັດຂຶ້ນຢ່າງຕໍ່ເນື່ອງທຸກໆປີ ແລະ ໄດ້ຮັບການຕອບຮັບທີ່ດີໃນແຕ່ລະຄັ້ງ.

ງານນີ້, ປຽບເໝືອນປະຕູທີ່ເປີດໄປສູ່ໂອກາດທາງທຸລະກິດ ທັງໃນປະເທດ ແລະ ຕ່າງ ປະເທດ ແລະ ມຸ່ງໝັ້ນທີ່ຈະພັດທະນາສັກກະຍະພາບ ຂອງຄົນວົງການປ້າຍ ແລະ ໂຄສະນາ ດ້ວຍການຈັດພື້ນທີ່ສະແດງ ນະວັດຕະກຳເຄື່ອງພິມດີຈີຕອນ ແລະ ວັດສະດຸຊັ້ນນຳ, ພ້ອມທັງເປັນເວທີສຳ ລັບການຖ່າຍທອດຄວາມຮູ້, ເຕັກນິກ ແລະ ປະສົບການຈາກຜູ້ຊ່ຽວຊານ ເພື່ອສ້າງໂອກາດໃນການເລີ່ມຕົ້ນທຸລະກິດ ຕໍ່ຍອດຄວາມຮູ້, ສ້າງມິດຕະພາບໃໝ່ ແລະ ຂະຫຍາຍເຄືອຂ່າຍ ທາງການຄ້າສຳລັບທຸລະກິດປ້າຍ ແລະ ສື່ໂຄສະນາ.

ທ່ານ ວົງນໍາ ວົງວິໄລ ປະທານບໍລິສັດຂຸນຕາປ້າຍ ກ່າວວ່າ: ໜຶ່ງໃນຈຸດປະສົງ ຂອງການຖະແຫລງຂ່າວໃນຄັ້ງນີ້, ເພື່ອເປັນການຊ່ວຍບັນດາບໍລິສັດ ຫລື ນັກທຸລະກິດປ້າຍຂອງພວກເຮົາ ສ້າງເປັນກຸ່ມ ກໍຄື ສ້າງເປັນສະມາຄົມຂຶ້ນມາ. ເຖິງເວລາແລ້ວທີ່ພວກເຮົາຈະໄດ້ ຮ່ວມຕົວກັນ ເພື່ອຊ່ວຍກັນພັດທະນາຄຸນນະພາບ ແລະ ທຸລະກິດປ້າຍຂອງລາວ ໃຫ້ມີຄວາມຍືນຍົງ ແລະ ສາມາດແຂ່ງຂັນກັບສາກົນໄດ້.

Cr.KPL
#InsideLaos

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.