ທ້າຍອາທິດຜ່ານມາ, ນັກກິລາເຕະບານຊາຍທີມຊາດລາວ ຊຸດໃຫຍ່ 24 ຄົນ ພ້ອມດ້ວຍຄະນະນຳ ແລະ ຄູເຝິກ 7 ທ່ານ ເດີນທາງເຂົ້າຮ່ວມການແຂ່ງຂັນບານເຕະ ລາຍການ ບັງກາບັນດູ ໂກນ ຄັບ 2018 ຫຼື (Bangabandhu Gold Cup 2018) ຢູ່ປະເທດບັງກລາເທດ ວັນທີ 1-12 ຕຸລາ 2018 ນຳໂດຍທ່ານ ຄຳແພງ ວົງຂັນຕີ ຫົວໜ້າຄະນະ ຜູ້ຈັດການທີມ ແລະ ທ່ານ ໄມວອງ ຫົວໜ້າຄູເຝິກຊາວສິງກະໂປ.
ງານນີ້ ມີ 6 ປະເທດເຂົ້າຮ່ວມ ແບ່ງເປັນ 2 ກຸ່ມຄື: ກຸ່ມ A ມີ ເນປານ ປາເລສຕາຍ ແລະ ທາຈິກິດສະຖານ ກຸ່ມ B ບັງກະລາເທດ ລາວ ຟີລິບປິນ ສ່ວນຕາຕະລາງການແຂ່ງຂັນວັນທີ 1 ຕຸລາ 2018 ເວລາ 18:30 ໂມງ ທີມຊາດລາວ ພົບກັບ ບັງກລາເທດ ວັນທີ 3 ຕຸລາ 2018 ເວລາ 18:30 ໂມງ ທີມຊາດລາວ ພົບກັບ ຟີລິບປິນ ທັງ 2 ນັດ ຈະແຂ່ງຂັນຢູ່ສະໜາມ SYLHET ZILA STADIUM ເພື່ອຈະເອົາອັນດັບ 1 ແລະ ອັນດັບ 2 ຜ່ານເຂົ້າສູ່ຮອບຮອງຊະນະເລີດ ເຊິ່ງຈະແຂ່ງຂັນວັນທີ 9-10 ຕຸລາ 2018 ແລະ ນັດຊີງຊະນະເລີດ ວັນທີ 12 ຕຸລາ 2018.
ຈົບການແຂ່ງຂັນລາຍການນີ້ແລ້ວ ທີມຊາດລາວຈະເດີນທາງກັບນະຄອນຫຼວງວຽງຈັນ ເພື່ອລົງແຂ່ງຂັນນັດອຸ່ນເຄື່ອງ 1 ນັດ ວັນທີ 16 ຕຸລາ 2018 ພົບກັບ ທີມຊາດມົງໂກລີ ຢູ່ສະໜາມກີລາແຫ່ງຊາດ (ຫຼັກ 16).
Cr.VientianeMai