Tuesday, July 23, 2024
Lenovo

ທ້າຍ​ເດ​ືອນ​ຕຸ​ລານີ້​ຕຸ​ລານີ້ ກຽມ​ພົບ​ກັບງານມະຫະກຳສືມີຫັດຖະກຳລາວ

ສະ­ມາ­ຄົມ​ຫັດ­ຖະ­ກຳ​ລາວ ຈັດ​ພິ­ທີ​ຖະ­ແຫຼງ​ຂ່າວ​ກ່ຽວ​ກັບ​ງານ​ມະ​ຫະ​ກຳ​ສີ­ມື​ຫັດ­ຖະ­ກຳ​ລາວ ປີ 2018 ຂຶ້ນ​ທ້າຍ​ອາ​ທິດ​ຜ່ານ​ມາ ຢູ່​ໂຮງ­ແຮມ​ແລນ​ມາກ ໂດຍ​ມີ​ທ່ານ ຫານ​ຊະ­ນະ ສີ​ສານ ປະ­ທານ​ສະ­ມາ­ຄົມ​ຫັດ­ຖະ­ກຳ​ລາວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ການ​ຈັດ​ງານ​ຄັ້ງ​ນີ້ ເພື່ອ​ເປັນ​ການ​ສົ່ງ­ເສີມ​ການ​ຕະ­ຫຼາດ​ໃຫ້​ສິນ­ຄ້າ​ຫັດ­ຖະ­ກຳ ພ້ອມ​ທັງ​ເປັນ​ການ​ເຕົ້າ­ໂຮມ​ຄວາມ​ສາ­ມັກ­ຄີ​ຊ່າງ​ຫັດ­ຖະ­ກຳ​ທຸກ​ຊົນ­ເຜົ່າ​ຢູ່​ທຸກ​ທ້ອງ­ຖິ່ນ​ທົ່ວ​ປະ­ເທດ ເພື່ອ​ພ້ອມ​ກັນ​ອະ­ນຸ​ຮັກ​ສີ­ໄມ້­ລາຍ­ມື​ດ້ານ​ຫັດ­ຖະ­ກຳ ຂຸດ​ຄົ້ນ​ທ່າ­ແຮງ​ທາງ​ດ້ານ​ຫັດ­ຖະ­ກຳ​ຢູ່​ທຸກ​ທ້ອງ­ຖິ່ນ ທັງ​ເປັນ​ການ​ເສີມ​ຂະ­ຫຍາຍ​ພູມ​ປັນ­ຍາ​ດ້ານ​ຫັດ­ຖະ­ກຳ​ຂອງ​ຊົນ­ເຜົ່າ​ຕ່າງໆ ຜະ­ລິດ​ເຄື່ອງ​ຫັດ­ຖະ­ກຳ​ໃຫ້​ມີ​ຫຼາຍ​ສີ­ສັນ ມີ​ຄວາມ​ສວຍ​ງາມ ປາ­ນີດ ເປັນ​ເອ­ກະ­ລັກ​ຂອງ​ຊົນ­ເຜົ່າ ​ຍັງ​ເປັນ​ການ​ສ້າງ​ໂອ­ກາດ​ໃຫ້​ຊາວ​ຫັດ­ຖະ­ກຳ​ໄດ້​ມາ​ພົບ​ປະ­ກັນ ເພື່ອ​ແລກ­ປ່ຽນ​ບົດ­ຮຽນ ປະ­ສົບ​ການ​ດ້ານ​ການ​ຜະ­ລິດ​ຫັດ­ຖະ­ກຳ ທັງ​ໄດ້​ພົບ​ປະ​ລູກ​ຄ້າ ແລະ ຫາ​ຄູ່​ຄ້າ​ລາຍ​ໃໝ່ ເປັນ​ການ​ສົ່ງ­ເສີມ​ປີ​ທ່ອງ​ທ່ຽວ​ລາວ 2018 ແລະ ສ້າງ​ຜະ­ລິດ​ຕະ​ພັນ​ທ່ອງ​ທ່ຽວ​ໃຫ້​ມີ​ສິ່ງ​ໃໝ່ໆ​ຕື່ມ​ອີກ.

ງານຈະ​ຈັດ​ຂຶ້ນ​ວັນ​ທີ 27 ຕຸ­ລາ-4 ພະ­ຈິກ 2018 ຢູ່​ສູນ​ການ​ຄ້າ​ລາວ-ໄອ​ເຕັກ ເຊິ່ງ​ມີ​ຫ້ອງ​ວາງ­ສະ­ແດງ​ຫຼາຍ​ກວ່າ 200 ຫ້ອງ ເຊິ່ງ​ສິນ­ຄ້າ​ທີ່​ນຳ​ມາ​ຮ່ວມ​ວາງ­ສະ­ແດງ​ມີ​ຜະ­ລິດ​ຕະ​ພັນ​ແຜ່ນ­ແພ ເຄື່ອງ​ປ່າ​ຂອງ​ດົງ ເຄື່ອງ​ເງິນ-ວັດ­ຖຸ​ມີ­ຄ່າ ຜະ­ລິດ​ຕະ​ພັນ​ຈາກ​ໄມ້​ເສດ ຜະ­ລິດ​ຕະ​ພັນ​ວັດ­ທະ­ນະ­ທຳ ເຄື່ອງ​ປັ້ນ­ດິນ­ເຜົາ ຜະ­ລິດ​ຕະ​ພັນ​ກະ­ສິ­ກຳ ສິນ­ຄ້າ ODOP ເຄື່ອງ​ອຸ­ປະ­ໂພກ-ບໍ­ລິ­ໂພກ​ທົ່ວ​ໄປ ພາຍ​ໃນ​ງານ​ຈະ​ມີ​ກິດ­ຈະ­ກຳ ແຂ່ງ­ຂັນ​ຜະ­ລິດ​ຕະ​ພັນ​ດີ­ເດັ່ນ ໃນ​ຫົວ­ຂໍ້ “SOZAI Project” ຂະ­ແໜງ​ຜະ­ລິດ​ຕະ​ພັນ​ທີ່​ສາ­ມາດ​ສົ່ງ​ເຂົ້າ​ແຂ່ງ­ຂັນ​ມີ​ຜະ­ລິດ​ຕະ​ພັນ​ແຜ່ນ­ແພ ຜະ­ລິດ​ຕະ​ພັນ​ໄມ້­ໄຜ່ ເຄື່ອງ​ເງິນ-ຂອງ​ມີ­ຄ່າ ແລະ ເຄື່ອງ​ປັ້ນ­ດິນ­ເຜົາ ໂດຍ​ຜູ້​ຊະ­ນະ​ເລີດ​ຈະ​ໄດ້​ເປັນ​ຕົວ​ແທນ​ຂອງ​ລາວ ເຂົ້າ​ຮ່ວມ​ງານ SOZAI Exhibition@Tokyo International Gift Show 2019 ພ້ອມ​ທັງ​ໄດ້​ຫ້ອງ​ວາງ­ສະ­ແດງ ໂດຍ​ບໍ່​ໄດ້​ເສຍ​ຄ່າ ນອກ​ນີ້​ຍັງ​ຈະ​ມີ​ການ​ຄັດ​ເລືອກ​ຮ້ານ​ງາມ ໃນ​ຫົວ­ຂໍ້ “ວັດ­ທະ­ນະ­ທຳ​ລາວ​ກັບ​ທຳ​ມະ​ຊາດ ຕິດ​ພັນ​ກັບ​ການ­ທ່ອງ­ທ່ຽວ” ການ​ສາ­ທິດ​ຂັ້ນ​ຕອນ​ການ​ຜະ­ລິດ​ສິນ­ຄ້າ​ຫັດ­ຖະ­ກຳ ສຳ​ມະ​ນາ​ກ່ຽວ​ກັບ​ໂຄງ­ການ “SOZAI PROJECT” ແລະ ກິດ­ຈະ­ກຳ​ຕ້ອນ­ຮັບ​ປີ​ທ່ອງ​ທ່ຽວ​ລາວ ຕື່ມ​ອີກ.

Cr.KPL
ພາບ​ປະ​ກອບ: mage.vovworld.vn

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.