ຂະແໜງພາສີ ຈັດເກັບລາຍຮັບເຂົ້າງົບປະມານທົ່ວປະເທດ ນັບແຕ່ຕົ້ນປີ ມາຮອດທ້າຍເດືອນກັນຍາ ສາມາດປະຕິບັດລາຍຮັບໄດ້ແລ້ວ 4.590 ຕື້ກີບ ເທົ່າກັບ 63,76% ຂອງແຜນການປີ 2018 ທຽບໃສ່ໄລຍະດຽວກັນຂອງປີຜ່ານເພີ່ມຂຶ້ນ 4,05% ຄິດເປັນເງິນເທົ່າກັບ 178 ຕື້ກີບ, ລາຍຮັບສ່ວນໃຫຍ່ໄດ້ມາຈາກການນຳເຂົ້ານ້ຳມັນເຊື້ອໄຟກວມເອົາອັດຕາສູງກວ່າໝູ່, ຮອງລົງມາພາຫະນະ, ເຄື່ອງອຸປະໂພກ-ບໍລິໂພກ ແລະ ສິນຄ້າປະເພດອື່ນໆ.
ທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີ ກະຊວງການເງິນ ໃຫ້ສໍາພາດວ່າ: ສະພາບໂດຍລວມການຈັດຕັ້ງປະຕິບັດວຽກງານຂອງຂະແໜງພາສີ ໃນທົ່ວປະເທດຈັດເກັບລາຍຮັບ ໃນປີ 2018 ກົມພາສີ ໄດ້ຮັບຕົວເລກໝອບໝາຍ ໃຫ້ຈັດເກັບລາຍຮັບທັງໝົດ 7.200 ຕື້ກີບ, ແຕ່ຜ່ານການຈັດຕັ້ງປະຕິບັດຕົວຈິງ ນັບແຕ່ວັນທີ 1 ມັງກອນ 2018 ຫາ ວັນທີ 23 ກັນຍາ 2018 ສາມາດຈັດເກັບລາຍຮັບເຂົ້າງົບປະມານແຫ່ງລັດໄດ້ແລ້ວ 4.590 ຕື້ກີບ ເທົ່າກັບ 63,76% ຂອງແຜນການປີ 2018 ທຽບໃສ່ໄລຍະດຽວກັນຂອງປີຜ່ານເພີ່ມຂຶ້ນ 4,05% ຄິດເປັນເງິນເທົ່າກັບ 178 ຕື້ກີບ.
Cr.facebook.com/908732372663877
Hits: 4
