ແຂວງສາລະວັນ ຈັດກອງປະຊຸມທົບທວນຄືນ ການຈັດຕັ້ງປະຕິບັດວຽກງານການລົງທຶນຂອງນັກລົງທຶນທັງພາຍໃນ ແລະ ຕ່າງປະເທດ, ຜູ້ປະກອບການ ແລະ ບໍລິສັດຕ່າງໆທີ່ມາລົງທຶນຢູ່ແຂວງສາລະວັນ, ພ້ອມປຶກສາຫາລື, ແກ້ໄຂບັນດາປະກົດການຫຍໍ້ທໍ້ທີ່ເກີດຂຶ້ນ ໃນຂົງເຂດການລົງທຶນ ແລະ ຊອກວິທີແກ້ໄຂບັນຫາໃຫ້ຖືກຕ້ອງ, ຊັດເຈນ, ມີຄວາມສອດຄ່ອງ ແລະ ເປັນເອກະພາບກັນ.
ຜູ້ຕາງໜ້າບໍລິສັດ, ຜູ້ປະກອບການທີ່ເຂົ້າມາລົງທຶນ ໄດ້ປະກອບຄຳຄິດຄຳເຫັນ ແລະ ຊອກວິທີທາງແກ້ໄຂ ບັນດາຂໍ້ຫຍຸ້ງຍາກຕໍ່ກັບການລົງທຶນ ແລະ ມີການຊີ້ແຈ້ງຈາກຂະແໜງການທີ່ກ່ຽວຂ້ອງ ເພື່ອນຳໄປແກ້ໄຂ ແລະ ເອື້ອອຳນວຍຄວາມສະດວກຮ່ວມກັນ ຮັດໃຫ້ການລົງທຶນດຳເນີນໄປບົນຫລັກການຄວາມຖືກຕ້ອງ, ສອດຄ່ອງ, ຊັດເຈນ ແລະ ເປັນເອກະພາບກັນ ຊຸກຍູ້ການພັດທະນາເສດຖະກິດ-ສັງຄົມແລ້ວ ຍັງເປັນການສ້າງວຽກເຮັດງານທຳ ໃຫ້ກັບປະຊາຊົນ ເຮັດໃຫ້ມີການຜະລິດຫລາຍຂຶ້ນ ຂອງປະຊາຊົນ.
ການລົງທຶນຂອງເອກະຊົນທັງພາຍໃນ ແລະ ຕ່າງປະເທດ ທີ່ມາລົງທຶນຢູ່ແຂວງສາລະວັນ ສ່ວນໃຫຍ່ແມ່ນສົນໃຈລົງທຶນສຳປະທານທີ່ດິນປູກພືດ ແລະ ຕົ້ນໄມ້ອຸດສາຫະກຳ, ການປຸງແຕ່ງຜົນຜະລິດກະສິກຳ ເພື່ອສ້າງ ມູນຄ່າເພີ່ມ, ສ່ວນການລົງທຶນໃນຂະແໜງການ ບໍລິການແມ່ນມີໜ້ອຍ ແລະ ການສົ່ງອອກສ່ວນຫລາຍຍັງແມ່ນຜົນຜະລິດເປັນວັດຖຸດິບ, ສ່ວນການລົງທຶນດ້ານການປຸງແຕ່ງຍັງມີບໍ່ຫລາຍ.
ມາຮອດປັດຈຸບັນ ການລົງທຶນກິດ ຈະການສຳປະທານໃນທົ່ວແຂວງ ມີທັງໝົດ 132 ໂຄງການ ມີມູນຄ່າ 3.633 ຕື້ກວ່າກີບ ຫລື ເທົ່າກັບ 454 ລ້ານກວ່າໂດລາສະຫະລັດ.
Cr.KPL