Thursday, July 18, 2024
Lenovo

ປະກາດແລ້ວ! ຜົນການແຂ່ງຂັນຮູບເງົາທົ່ວປະເທດ ເພື່ອສະເຫຼີມສະຫຼອງປີທ່ອງທ່ຽວລາວ 2018.

ທ້າຍ​ອາ​ທິດ​ຜ່ານ​ມານີ້, ຢູ່ທີ່ກົມຮູບເງົາ, ນະຄອນຫຼວງວຽງຈັນ ໄດ້ຈັດພິທີປະກາດຜົນການແຂ່ງຂັນຮູບເງົາທົ່ວປະເທດ ເພື່ອສະເຫຼີມສະຫຼອງປີທ່ອງທ່ຽວລາວ 2018.


ທ່ານ ວິທູນ ສຸນດາຣາ ຫົວໜ້າກົມຮູບເງົາ ໄດ້ຂຶ້ນກ່າວສະຫຼຸບຜົນການດຳເນີນໂຄງການແຂ່ງຂັນຮູບເງົາສັ້ນທົ່ວປະເທດວ່າ ໂຄງການດັ່ງກ່າວແມ່ນຈັດຂຶ້ນຕາມການຊີ້ນຳຂອງກະຊວງຖະແຫຼງຂ່າວ, ວັດທະ ນະທຳ ແລະທ່ອງທ່ຽວ ເພື່ອເປັນການສ້າງຂະບວນການສະເຫຼີມສະເຫຼີມສະຫຼອງປີທ່ອງທ່ຽວລາວ 2018 ໂດຍມີການແຂ່ງຂັນຮູບເງົາສັ້ນ ແລະຮູບເງົາສາລະຄະດີທົ່ວປະເທດ ພາຍໃຕ້ຫົວຂໍ້ “ງາມເດບ້ານເຮົາ” ແລະແຂ່ງຂັນຄລິບຮູບເງົາວິດີໂອທົ່ວປະເທດ ພາຍໃຕ້ຫົວຂໍ້ “ ສິ່ງທີ່ຢາກບອກ”.


ເຊິ່ງຜົນງານທີ່ໄດ້ຮັບລາງວັນຊະນະເລີດປະເພດສາລະຄະດີ ໄດ້ແກ່ເລື່ອງທີ່ມີຊື່ວ່າ “ມະຫັດສະຈັນເມືອງງອຍ” ສົ່ງເຂົ້າຮ່ວມແຂ່ງຂັນໃນນາມພະແນກຖະແຫຼງຂ່າວວັດທະນະທຳ ແລະທ່ອງທ່ຽວແຂວງຫຼວງພະບາງ. ປະເພດຮູບເງົາສັ້ນ ໄດ້ແກ່ເລື່ອງທີ່ມີຊື່ວ່າ “ສົດໃສ”, ສົ່ງເຂົ້າຮ່ວມແຂ່ງຂັນໃນນາມພາກວິຊາສື່ສານມວນຊົນ, ຄະນະອັກສອນສາດ, ມຊ ແລະປະເພດຄລິບຮູບເງົາສັ້ນ ລາງວັນຊະນະເລີດໄດ້ແກ່ເລື່ອງ “ນາທີຫຼວງພະບາງ” ຈາກນັກສຶກສາຄະນະວິສະວະກຳສາດ, ມຊ. ສຳລັບລາງວັນປະເພດສາລະຄະດີ ແລະຮູບເງົາສັ້ນດີເດັ່ນ ແມ່ນໄດ້ຮັບເງິນສົດລາງວັນລະ 8.000.000 ກີບ ພ້ອມດ້ວຍຂັນລາງວັນ ແລະໃບຢັ້ງຢືນ, ສ່ວນປະເພດຄລິບຮູບເງົາສັ້ນ ລາງວັນທີ 1 ຈະໄດ້ຮັບເງິນສົດ 2.000.000 ກີບ ພ້ອມດ້ວຍຂັນລາງວັນ ແລະໃບຢັ້ງຢືນ. ນອກຈາກນີ້, ແຕ່ລະປະເພດກໍຍັງມີລາງວັນຮອງຊະນະເລີດອັນດັບທີ 1 ແລະອັນດັບທີ 2.

ໃນຂະນະດຽວກັນນີ້, ກົມຮູບເງົາຍັງໄດ້ຈັດພິທີສະເຫຼີມສະຫຼອງວັນມໍລະດົກ ພາບ-ສຽງໂລກ ຄົບ ຮອບ 38 ປີ (27 ຕຸລາ 1980 – 27 ຕຸລາ 2018) ເພື່ອໃຫ້ມວນຊົນ ແລະສັງຄົມໄດ້ເຫັນເຖິງຄວາມ ໝາຍຄວາມສຳຄັນຂອງມໍລະດົກພາບ-ສຽງ ທີ່ມີຄຸນຄ່າທາງປະຫວັດສາດ, ການເມືອງ, ວັດທະນະທຳ, ສັງຄົມ, ຮີດຄອງປະເພນີ, ວິຖີຊີວິດຂອງຄົນ ແລະວິວັດທະນາການຂອງສັງຄົມ ແລະທຳມະຊາດ.

Cr.CRI-FM 93.0

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.