Wednesday, July 9, 2025
Kbank Laos โอน รับ จ่าย

5 ວິທີເຫັນ “ຜີ” ງ່າຍໆ ໃນມື້ຮັນໂລວີນ (ບໍ່ເຊື່ອ! ຕ້ອງທົດລອງ)

ວັນທີ່ 31 ຕຸລາ ຂອງທຸກໆປີ ເປັນວັນຮັນໂລວີນ (Halloween) ເປັນມື້ທີ່ຄົນຕາເວັນຕົກ ນິຍົມກັນຕ່າງໂຕເປັນຜີ ຫຼືວ່າປີສາດ ພາໝູ່ຄູ່ໄປສັງສັນລ້ຽງສະຫຼອງກັນ ເຖິງວ່າປະເພນີນີ້, ຈະບໍ່ແມ່ນວັດທະນະທຳຂອງບ້ານເຮົາກໍຕາມ ແຕ່ກໍມີຄົນລາວຈຳນວນຫຼາຍ ທີ່ໃຊ້ມື້ນີ້ ເປັນມື້ແຫ່ງຄວາມມ່ວນຊື່ນ ເພື່ອສ້າງຄວາມສາມັກຄີ, ຮັກແພງລະຫວ່າງກັນແລະກັນ.

ອິນໄຊລາວ ຂໍນຳສະເໜີ 5 ວິທີທີ່ຈະເຫັນຜີໃນມື້ຄືນ ທີ່ 31 ນີ້ ຫວັງວ່າທຸກໆຄົນຈະເອົາໄປນຳໃຊ້ກັນເດີ!.

1. ກົ້ມເບິ່ງຜີທາງຫວ່າງຂາ
ໃຫ້ທົດລອງເຮັດໃນເວລາທ່ຽງຄືນ ຫຼືຕອນເດິກໆ ກ່ອນເຮັດກໍຄວນຕັ້ງຈິດອະທິດຖານ ຍ່າງອ້ອມເມນຄົນຕາຍ ຫຼືໂລງສົບ ຈັກ 3 ຮອບ ຄືເຂັມໂມງ ແລ້ວມາຢຸດຕໍ່ໜ້າ ປິ່ນຫຼັງໃສ່ ແລ້ວກົ້ມເບິ່ງທາງຫວ່າງຂາ ເຊື່ອກັນວ່າຜີຈະມາປາກົດໂຕໃຫ້ເຫັນ.

2. ເອົາຂີ່ເຖົ່າຄົນຕາຍປ້າຍດວງຕາ.
ເອົາຜົງຂີ້ເຖົ່າທີ່ໄດ້ຈາກການຈູດເຜົາຄົນຕາຍມາທາບໍລິເວນດວງຕາໃຫ້ທົ່ວ ແລ້ວໄປບ່ອນທີ່ຢາກເຫັນດວງວິນຍານ ເບິ່ງບ່ອນທີ່ຊິເຫັນ ເຊື່ອກັນວ່າ ເຮົາຈະເຫັນວິນຍານໃນບໍລິເວນນັ້ນຢ່າງແນ່ນອນ!.

3. ນອນຄາບທູບສີດຳ
ເລືອກເອົາມື້ສິນດັບ ເປັນມື້ເລີ່ມປະຕິບັດການ ນອນລົງພື້ນພ້ອມນົບຫັນຫົວໄປທາງທິດຕາເວັນຕົກ ເອົາທູບສີດຳ 3 ອັນມາຄາບ ຫຼັບຕາແລ້ວຈົ່ມນະໂມຍ້ອນຫຼັງ 16 ຈົບ, ເມື່ອແລ້ວໆ ມືນຕາຂຶ້ນ ແລ້ວເຈົ້າຊິເຫັນໃນສິ່ງທີ່ຢາກເຫັນ.

4. ໃຊ້ນ້ຳຕາໝາທາຕາ
ຄວາມເຊື່ອຂອງຜູ້ເຖົ້າຜູ້ແກ່ເຊື່ອວ່າ ແມວດຳເປັນແມວອັບປະມຸງຄຸນ ນຳພາມາແຕ່ແນວບໍ່ດີ ແຕ່ມີອີກຄວາມເຊື່ອໜຶ່ງວ່າ ດວງຕາຂອງໝາ ມັກຈະເບິ່ງເຫັນໃນສິ່ງທີ່ມະນຸດບໍ່ເຫັນຫຼາຍ ດັ່ງນັ້ນ, ການນຳເອົານ້ຳຕາຂອງໝາ (ດຳ) ມາທາຕາ ແລ້ວຕັ້ງຈິດອະທິດຖານວ່າ ຢາກເຫັນຜີ ເຮົາກໍຈະເຫັນຢ່າງແນ່ນອນ!.

5. ເອົາເສື້ອຄົນຕາຍມາໃສ່.
ນຳເອົາເສື້ອຜ້າຂອງຄົນຕາຍ ແລະກັ້ນຫາຍໃຈພ້ອມ ເຮັດແບບນີ້ຢູໃນວັດ ແລ້ວເຈົ້າຊິເຫັນເຈົ້າຂອງເສື້ອຜ້າທີ່ຕາຍໄປແລ້ວ!.

ອິນໄຊລາວ ຂໍອວຍພອນໃຫ້ທຸກໆທ່ານທີ່ນຳໃຊ້ວິທີເຫຼົ່ານີ້, ເຫັນຜີກັນເດີ 555! ແລ້ວນຳເອົາມາເລົ່າໃຫ້ຟັງແດ່.


ທີ່ມາ: www.thairath.co.th

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.

4 ພະຍາດຮ້າຍ ທີ່ມັກມາກັບລະດູຝົນ.

ລະດູຝົນເປັນຊ່ວງເວລາທີ່ທຸກຄົນລໍຖ້າ ເພາະຝົນຈະມາຊ່ວຍບັນເທົາຄວາມຮ້ອນ, ເຮັດໃຫ້ອາກາດເຢັນສະບາຍ ພ້ອມທັງເປັນສັນຍານເຕືອນໃຫ້ເຂົ້າສູ່ລະດູການເຮັດນາ, ທຳການຜະລິດຕ່າງໆ... ແຕ່ໃນຂະນະດຽວກັນ, ລະດູຝົນກໍເປັນໄລຍະທີ່ເຊື້ອພະຍາດຕ່າງໆ ແຜ່ລະບາດໄດ້ງ່າຍທີ່ສຸດ ແລະ ເປັນອັນຕະລາຍຕໍ່ສຸຂະພາບຂອງພວກເຮົາ.