Friday, April 18, 2025

ທະນາຄານໂລກ ສະໜອງທຶນ 10 ລ້ານໂດລາ ປັບປຸງສະພາບແວດລ້ອມໃນການດຳເນີນທຸລະກິດ ຢູ່ ສປປ ລາວ

ພິທີເຊັນສັນຍາເງິນກູ້ຢືມຈາກທະນາຄານໂລກຈຳນວນ 10 ລ້ານໂດລາສະຫະລັດ ລະຫວ່າງລັດຖະບານລາວ ແລະທະນາຄານໂລກ ສໍາລັບໂຄງການສົ່ງເສີມຄວາມສາມາດໃນການເເຂ່ງຂັນ ແລະ ການຄ້າ ຂອງ ສປປ ລາວ ໄດ້ຈັດຂຶ້ນໃນມື້ນີ້ ທີ່ນະຄອນຫຼວງວຽງຈັນ ໂດຍມີ ທ່ານ ນາງ ທິບພະກອນ ຈັນທະວົງສາ ຮອງລັດຖະ ມົນຕີກະຊວງການເງິນ ແລະທ່ານ ນິໂກລາ ປອນຕາຣາ ຫົວໜ້າຫ້ອງການທະນາຄານໂລກປະຈຳ ສປປ ລາວ.


ເພື່ອປັບປຸງສະພາບແວດລ້ອມໃນການດຳເນີນທຸລະກິດ ເປັນຕົ້ນແມ່ນການຄຸ້ມຄອງທຸລະກິດ, ອຳນວຍຄວາມສະດວກດ້ານການຄ້າ ແລະ ປັບປຸງຄວາມສາມາດໃນການແຂ່ງຂັນ. ການປັບປຸງເຫຼົ່ານີ້ ຈະມີຜົນປະໂຫຍດໃຫ້ແກ່ປະຊາຊົນລາວທົ່ວໄປ ເນື່ອງຈາກວ່າການປັບປຸງເຫຼົ່ານັ້ນຈະຊຸກຍູ້ໃຫ້ມີການສ້າງວຽກເຮັດງານທຳເພີ່ມຂຶ້ນ, ແລະນຳໄປສູ່ການເເຂ່ງຂັນຫຼາຍຂຶ້ນ, ລາຄາສິນຄ້າກໍຈະຄ່ອຍຫຼຸດລົງແລະເພີ່ມທາງເລືອກໃຫ້ຜູ້ບໍລິໂພກ.


ນອກນີ້ໂຄງການ ຍັງມີທຶນສົມທົບເພື່ອຊ່ວຍສົ່ງເສີມທຸລະກິດ ເພື່ອຊ່ວຍປັບປຸງຄວາມສາມາດໃນການເເຂ່ງຂັນຂອງບໍລິສັດເຊິ່ງຈະຊ່ວຍວິສາຫະກິດສ່ວນບຸກຄົນເຂົ້າເຖິງການບໍລິການດ້ານການພັດທະນາທຸລະກິດ, ແນໃສ່ປັບປຸງການບໍລິຫານພາຍໃນບໍລິສັດ ແລະຮັບນະວັດຕະກຳໃໝ່ໆ. ນີ້ເເມ່ນການສືບຕໍ່ຈາກບົດຮຽນຂອງທຶນສົມທົບເພື່ອຊ່ວຍສົ່ງເສີມທຸລະກິດພາຍໃຕ້ໂຄງການພັດທະນາການຄ້າໄລຍະສອງ ທີ່ສະໜັບສະໜູນໂດຍທະນາຄານໂລກນັບຕັ້ງເເຕ່ປີ 2013 ເປັນຕົ້ນມາ ແລະ ຈັດຕັ້ງປະຕິບັດນະໂຍບາຍຂອງລັດຖະບານ ກ່ຽວກັບການຄ້າ ແລະການເຊື່ອມໂຍງເຂົ້າສາກົນດ້ານການຄ້າ.

ໄລຍະເວລາໃນການຈັດຕັ້ງປະຕິບັດໂຄງການແມ່ນເລີ່ມແຕ່ປີ 2018 ຫາປີ 2022 ໂດຍໂຄງການ ໄດ້ຮັບທຶນກູ້ຢືມແບບຜ່ອນຜັນຈໍານວນ 10 ລ້ານໂດລາສະຫະລັດ ຈາກສະມາຄົມພັດທະນາສາກົນ (ພາຍໃຕ້ທະນາຄານໂລກ) ແລະ ທຶນຊ່ວຍເຫຼືອລ້າຫຼາຍຝ່າຍຈາກບັນດາຜູ້ໃຫ້ທຶນອື່ນອີກຈຳນວນ 3 ລ້ານໂດລາສະຫະລັດ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.

VietJet ລົງນາມໃນຂໍ້ຕົກລົງ 300 ລ້ານໂດລາສະຫະລັດ ເພື່ອສົ່ງເສີມການຂະຫຍາຍຕົວຂອງກອງທັບເຮືອ, ລວມຍອດມູນຄ່າການຄ້າຂອງອາເມລິກາເຖິງ 64 ຕື້ໂດລາສະຫະລັດ

(ນະຄອນຫຼວງວຽງຈັນ, 11 ເມສາ 2025) – ສາຍການບິນ VietJet ແລະ AV Air Finance ໄດ້ລົງນາມໃນຂໍ້ຕົກລົງດ້ານການເງິນລວມມູນຄ່າ 300 ລ້ານໂດລາສະຫະລັດ. ພິທີລົງນາມຄັ້ງນີ້ໄດ້ມີການພົບປະຂອງທ່ານຮອງນາຍົກລັດຖະມົນຕີຫວຽດນາມ Ho Duc Phuc  ແລະ ບັນດາເຈົ້າໜ້າທີ່ຂັ້ນສູງລັດຖະບານຫວຽດນາມ ເພື່ອແນ່ໃສ່ເພີ່ມທະວີການພົວພັນດ້ານເສດຖະກິດ ແລະ ການຄ້າຂອງ ຫວຽດນາມ - ອາເມລິກາ.