ມື້ວານນີ້, ບັນດາສະມາຊິກພັກ, ພະນັກງານ-ລັດຖະກອນ ທົ່ວສະພາແຫ່ງຊາດ ໄດ້ຮັບຟັງປາຖະກະຖາ ກ່ຽວກັບວັນສ້າງຕັ້ງເມືອງວຽງໄຊ-ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ (30 ພະຈິກ 1968-30 ພະຈິກ 2018) ເພື່ອເປັນການເສີມຂະຫຍາຍມູນເຊື່ອ ແຫ່ງການຊີ້ນຳ-ນຳພາຮອບດ້ານຂອງພັກ, ມູນເຊື່ອຕໍ່ສູ້ພິລະອາດຫານຂອງກອງທັບ ແລະ ປະຊາຊົນລາວບັນດາ ເຜົ່າ ແລະ ມູນເຊື້ອດຸໝັ່ນຂະຫຍັນພຽນ ໃນການອອກແຮງງານສ້າງສາພັດທະນາຊີວິດການເປັນຢູ່ ຂອງປະຊາຊົນລາວ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດ ກ້າວຂຶ້ນສູ່ຈຸດໝາຍທີ່ໄດ້ກຳນົດໄວ້ຢ່າງມີໄຊ.
ໃຫ້ກຽດປາຖະກະຖາຄັ້ງນີ້, ໂດຍ ສະຫາຍ ທອງສະຫວັດ ໄຂຄຳພິທູນ ອະດີດກຳມະການສູນການພັກ, ຫົວໜ້າຫ້ອງວ່າກາສູງການພັກ ເຊິ່ງໄດ້ບັນລະຍາຍ ກ່ຽວກັບຄວາມໝາຍຄວາມສຳຄັນ ຂອງການສ້າງຕັ້ງເມືອງ ວຽງ ໄຊ-ຖານ ທີ່ໝັ້ນ ຂອງການປະຕິວັດລາວ, ເມືອງວຽງໄຊ-ສູນກາງການຊີ້ນຳຂອງພັກຕໍ່ພາ ລະກິດຕໍ່ສູ້ກູ້ຊາດ ຕ້ານລັດທິລ່າເມືອງຂຶ້ນແບບເກົ່າ ແລະ ແບບໃໝ່, ປົດປ່ອຍປະເທດຢ່າງສົມບູນ ແລະ ການສືບຕໍ່ເສີມຂະຫຍາຍ ມູນເຊື້ອ ວິລະຊົນ ເມືອງວຽງໄຊ-ຖານທີ່ໝັ້ນຂອງການປະຕິວັດລາວ ໃນພາລະກິດປະຕິວັດຕະຫລອດໄປ.
ແມ່ນເພື່ອສຶກສາອົບຮົມມູນເຊື້ອຄວາມປີຊາສາມາດ, ຄວາມສະຫລາດສ່ອງໃສ ຂອງພັກປະຊາຊົນປະຕິວັດລາວ ໃນການນຳພາການປະຕິວັດ, ເປັນການລະນຶກຈົດຈຳໄຊ ຊະນະອັນຍິ່ງ ໃຫຍ່ ຂອງກອງທັບ ແລະ ປະຊາຊົນລາວບັນດາເຜົ່າ, ກໍຄື ຜົນງານອັນລ້ຳເລີດ ແລະ ຄຸນງາມຄວາມດີອັນໃຫຍ່ຫລວງຂອງການນຳຮຸ້ນກ່ອນ, ໂດຍສະເພາະ ແມ່ນປະທານ ໄກສອນ ພົມວິຫານ ແລະ ຜູ້ນຳຄົນອື່ນໆ ທີ່ໄດ້ ນຳພາ ພາລະ ກິດຕໍ່ ສູ້ປົດປ່ອຍຊາດ, ການສ້າງເມືອງວຽງໄຊເປັນຖານທີ່ໝັ້ນອັນແຂງແກ່ນ ເພື່ອເຮັດສຳເລັດການປະຕິວັດຊາດ ປະຊາທິປະໄຕ ນຳເອົາປະເທດກ້າວຂຶ້ນສູ່ສັງກາດໃໝ່.
#insidelaos
Cr.KPL