ບໍ່ດົນມານີ້, ມີພິທີ ມອບ-ຮັບ ໂຄງການກໍ່ສ້າງວົງວຽນ 5 ແຍກທົ່ງນາໄກ່-ທາງປູແຮ່ທາງເຂົ້າສະໜາມບິນ ແລະ ໂຄງການກໍ່ສ້າງເດີນສະໜາມຫລວງ ເມືອງວຽງໄຊ ພາຍຫລັງໄດ້ລົງມືກໍ່ສ້າງ ມາແຕ່ກາງເດືອນກຸມພາ 2018 ແລະ ມາຮອດປະຈຸບັນແມ່ນສໍາເລັດໂດຍພື້ນຖານ.
ສຳລັບໂຄງການກໍ່ສ້າງວົງວຽນ 5 ແຍກທົ່ງນາໄກ່-ທາງປູແຮ່ເຂົ້າ ສະໜາມບິນ ປະກອບມີ 3 ໜ້າວຽກຄື: ກໍ່ສ້າງວົງວຽນ, ກໍ່ສ້າງຮູບປັ້ນຈໍາລອງໂຕໄກ່ ແລະ ທາງປູແຮ ໂດຍແມ່ນບໍລິສັດ ລາວລາດ ສະວົງພັດທະນາກໍ່ສ້າງ ຈໍາກັດ ເປັນຜູ້ຮັບເໝົາ ໃນມູນຄ່າ 700 ລ້ານກີບ ໂດຍນໍາໃຊ້ທຶນລັດຖະບານ 100%. ສ່ວນໂຄງການກໍ່ສ້າງສະໜາມຫລວງເມືອງວຽງໄຊ ປະກອບມີ 3 ໜ້າວຽກຄື: ກໍ່ ສ້າງ ສະຖານທີ່ເດີນຜາມໄຊ, ທາງປູຍາງ 2 ຊັ້ນອ້ອມເດີນສະໜາມຫລວງ ແລະ ກັນເຈື່ອນເຂດສະໜາມຫລວງ ເຊິ່ງມີມູນຄ່າທັງໝົດ 5,2 ຕື້ກວ່າກີບ ເຊິ່ງນຳໃຊ້ທຶນລັດຖະບານລາວ 100% ໂດຍແມ່ນ ບໍລິສັດ ພອນຈະເລີນ ເປັນຜູ້ຮັບເໝົາກໍ່ສ້າງ.
ສອງໂຄງການດັ່ງກ່າວ ກໍເປັນໂຄງການທີ່ນອນຢູ່ໃນ 9 ກິດຈະກຳ ໃນການພັດທະນາເມືອງວຽງໄຊ ເພື່ອກຽມໃສ່ງານສະເຫລີມສະຫລອງເມືອງວຽງໄຊ ຄົບຮອບ 50 ປີທີ່ຈະຈັດຂຶ້ນ ໃນທ້າຍເດືອນ ພະຈິກ 2018 ທີ່ຈະມາເຖິງນີ້.
#insidelaos
Cr.KPL
Hits: 5
