ມໍ່ໆມານີ້,ໂຮງໝໍແມ່ ແລະ ເດັກເກີດໃໝ່ ຮ່ວມກັບໂຮງໝໍຣາດຊະວິຖີ ປະເທດໄທ ຈັດກອງປະຊຸມວິຊາການ ແລະ ປະຕິບັດການຜ່າຕັດຜ່ານທໍ່ພະຍາດຍິງ, ໂດຍການນຳໃຊ້ເຄື່ອງຈັກຜ່າຕັດຜ່ານທໍ່ຍີ່ຫໍ້ Kart Storz ຈາກປະເທດເຢຍລະມັນ, ເຊິ່ງມີຈຸດປະສົງ ເພື່ອຍົກລະດັບເຕັກນິກ ແລະ ເພີ່ມທັກສະໃນການຜ່າຕັດຜ່ານທໍ່ພະຍາດຍິງ ໃຫ້ບັນດາແພດໝໍຜ່າຕັດຜ່ານທໍ່ລາວ. ກອງປະຊຸມຄັ້ງນີ້, ໄດ້ຮັບການສະໜັບສະໜູນຈາກບໍລິສັດ ຊີບີເອຟຟາຣມາ ຈຳກັດ.
ທ່ານ ດຣ.ພັດ ເກິ່ງຊາເນດ ອຳນວຍການໂຮງໝໍແມ່ ແລະ ເດັກເກີດໃໝ່ ກ່າວວ່າ: ກອງປະ ຊຸມຄັ້ງນີ້, ໄດ້ນຳພາຜ່າຕັດຜ່ານທໍ່ກ້ອນເບົ້າຮວຍໄຂ່ ແລະ ຍົກມົດລູກ ໃຫ້ຄົນເຈັບ 4 ກໍລະນີ ຢູ່ໂຮງໝໍແມ່ ແລະ ເດັກເກີດໃໝ່.
ການຜ່າຕັດພະຍາດຍິງຜ່ານທໍ່ ແມ່ນກຳລັງໄດ້ຮັບການປະຕິບັດຢ່າງແຜ່ຫລາຍ ໃນບັນດາປະເທດທົ່ວໂລກ ເພາະເປັນເຕັກນິກທີ່ທັນສະໄໝໃໝ່ ທີ່ໄດ້ນຳໃຊ້ເຄື່ອງຈັກຜ່າຕັດຜ່ານທໍ່ ເພື່ອທຳການ ຜ່າຕັດ ເຮັດໃຫ້ການປິ່ນປົວໄດ້ຮັບຜົນສູງ, ຄົນເຈັບຟື້ນໂຕໄວ, ບໍ່ມີບາດແຜໃຫຍ່ຢູ່ໜ້າທ້ອງ, ໄລຍະການຟື້ນຕົວ ແລະ ນອນໂຮງໝໍສັ້ນ.
#insidelaos
Cr.KPL
Hits: 12
