ໃນໂອກາດທີ່ຂະບວນຄາລາວານ ກະຊວງວິທະຍາສາດ ແລະ ເຕັກໂນໂລຊີ ໄດ້ເດີນທາງເພື່ອຫວນຄືນບົນດິນແດນ ເມືອງວຽງໄຊ ຖານທີ່ໝັ້ນຂອງການປະຕິວັດລາວ ແລະ ຈັດກອງປະຊຸມ ສຳມະນາວິທະຍາສາດ ກ່ຽວກັບການປະຕິວັດ ອຸດສາຫະກຳ ຄັ້ງທີ 4 ຈັດຂຶ້ນຢູ່ຖໍາຊ້າງລອດ ເມືອງວຽງໄຊ ໃນວັນທີ 13 ພະຈິກ 2018 ນີ້, ທ່ານ ບໍ່ວຽງຄຳ ວົງດາລາ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ໄດ້ນຳເອົາເຄື່ອງຄອມພິວເຕີ ແລະ ເຄື່ອງປິ່ນເຕີຈຳນວນ 5 ຊຸດ, ມູນຄ່າ 24 ລ້ານກີບ, ເຄື່ອງອຸປະກອນໄຟຟ້າແສງຕາເວັນ 94 ຊຸດ ປະກອບມີໄຟເຍື່ອງທາງ 3 ຊຸດ, ດອກໄຟອະເນກປະສົງ 20 ຊຸດ, ຕະກຽງ 56 ຊຸດ, ໝວກແສງຕາເວັນ 16 ໜ່ວຍລວມມູນຄ່າ 26 ລ້ານກີບ ແລະ ເຄື່ອງນຸ່ງຫົ່ມກັນໜາວຈຳນວນ 1.000 ຜືນ ລວມມູນຄ່າທັງໝົດ 50 ລ້ານກີບ ມາມອບໃຫ້ແຂວງຫົວພັນ.
ທ່ານ ວັນໄຊ ແພງຊຸມມາ ເຈົ້າແຂວງຫົວພັນ ໄດ້ກ່າວສະແດງຄວາມຂອບໃຈມາຍັງ ກະຊວງວິທະຍາສາດ ແລະ ເຕັກໂນໂລຊີ ທີ່ໄດ້ປະກອບສ່ວນ ໃຫ້ການຊ່ວຍເຫລືອ ແຂວງຫົວພັນ ໃນຄັ້ງນີ້, ສຳລັບເຄື່ອງນຸ່ງຫົ່ມກັນໜາວ ແມ່ນຈະໄດ້ນຳໄປແຈກຍາຍໃຫ້ 10 ເມືອງທົ່ວແຂວງ ໂດຍສະເພາະບັນດາ ທ່ານນັກວິລະຊົນແຫ່ງຊາດ, ນັກຮົບເກົ່າປະຕິວັດອາວຸດໂສ ທີ່ໄດ້ປະກອບ ສ່ວນເຂົ້າໃນພາລະກິດຕໍ່ສູ້ກູ້ຊາດໃນສະໄໝສົງຄາມ.
Cr.KPL
#insidelaos
Hits: 3
