ຫວ່າງໆມໍ່ໆຜ່ານມານີ້,ໄດ້ມີພິທີວາງສີລາເລີກໂຄງການກໍ່ສ້າງຕຶກສົງຢູ່ໂຮງໝໍເມືອງໄຊພູທອງ ແຂວງສະຫວັນນະເຂດ ນໍາໂດຍຍາທ່ານ ທອງດໍາ ຈັນທະວົງຄະນະ ອພສ ແຂວງ ທັງເປັນ ປະທານ ອພສ ເມືອງໄຊພູທອງ, ໂດຍໃຫ້ກຽດເຂົ້າຮ່ວມໃນການວ່າງສີລາເລິກ ຂອງທ່ານ ຄໍາວິໃສ ຜຸຍະວົງ ກໍາມະການພັກແຂວງ ເລຂາພັກເມືອງ ເຈົ້າເມືອງ ໄຊພູທອງ ມີບັນດາຮອງເຈົ້າເມືອງ,ກໍາມະການພັກເມືອງ,ຫົວໜ້າ-ຄະນະຫ້ອງການ, ເລຂາ-ນາຍບ້ານ ນັກທຸລະກິດແລະ ພໍ່ແມ່ປະຊາຊົນພ້ອມດ້ວຍ ພະນັກງານແພດໝໍເຂົ້າຮ່ວມຢ່າງພ້ອມພຽງ.
ສໍາລັບໂຄງການກໍ່ສ້າງຕຶກໂຮງໝໍສົງພາຍໃນໂຮງໝໍເມືອງໄຊພູທອງໃນຄັ້ງນີ້ ຈຸດປະສົງກໍ່ເພື່ອເຮັດໃຫ້ສະດວກໃນການຮັກສາສຸຂະພາບຂອງພະສົງພາຍໃນເມືອງ ພ້ອມນີ້ຍັງເປັນການປະກອບສ່ວນອັນສໍາຄັນໃນການສ້າງສາທາລະນຸປະການພາຍໃນເມືອງຂອງພະສົງ.
ອີກດ້ານໜຶ່ງກໍ່ເພື່ອຕອບສະ
ໜອງແນວທາງນະໂຍບາຍຂອງພັກ-ລັດຖະບານຕໍ່ການພັດທະນາວຽກງານ3 ສ້າງ, ສະນັ້ນເປົ້າໝາຍຫຼັກເພື່ອສ້າງຕຶກໂຮງໝໍສົງພາຍໃນໂຮງໝໍເມືອງໄຊພູທອງຄັ້ງນີ້, ມີເນື້ອທີ່ທັງໝົດ 200 ຕາແມັດ,ເຊິ່ງລັກສະນະຂອງອາຄານແມ່ນເປັນອາຄານຊັ້ນດຽວ,ກໍ່ສ້າງແບບເບຕົງເສີມເຫລັກ,ມີຂະໜາດ 10×20 ແມັດ ,ໄດ້ແບ່ງອອກເປັນ 1 ຫ້ອງແພດ,ປະກອບມີ 4 ຫ້ອງນອນ , ເຊິ່ງເປັນຫ້ອງຕຽງຄູ່ ມີ 8 ຕຽງນອນ,ມີລະບົບນໍ້າຕິດ ແລະ ໄຟຟ້າ ແອຄົບຊຸດ, ເຊິ່ງລວມມູນຄ່າໃນການກໍ່ສ້າງທັງໝົດ 655 ລ້ານກວ່າກີບ ເຊິ່ງຈະໄດ້ເລີ່ມລົງມື 27 ພະຈິກ 2018 ເປັນຕົ້ນໄປ ແລະ ຄາດວ່າຈະໃຫ້ສໍາເລັດໃນກາງປີ 2019 ໂດຍແມ່ນຕົ້ນທຶນຂອງພະສົງ ແລະ ເຈົ້າສັດທາພາຍໃນທົ່ວເມືອງ ແລະ ບັນດານັກທຸລະກິດປະກອບການ.
ສ່ວນດ້ານການກໍ່ສ້າງແມ່ນໄດ້ລະດົມແຮງງານຂອງແຕ່ລະບ້ານເປັນຜູ້ກໍ່ສ້າງ ໄດ້ມີວິຊາການກວດກາຕິດຕາມ
ສະນັ້ນ,ເຊີນຮ່ວມສົມທົບທຶນກໍ່ສ້າງອາຄານດັ່ງກ່າວເພື່ອບູຊາພຣະຣັດຕະນະໄຕຣ ແລະ ສ້າງບຸນກຸສົນໃນຄັ້ງນີ້ ເພື່ອເຮັດໃຫ້ຕຶກໂຮງໝໍສົງໄດ້ສໍາເລັດຕາມແຜນກໍານົດໂດຍໄວ້./
Cr.ວິທະຍຸກະຈາຍສຽງ ແຂວງສະຫວັນນະເຂດ
#insidelaos