Saturday, July 20, 2024
Lenovo

ໃນປີ 2018 ນີ້, ມີ 130 ໂຄງການ ທີ່ສ້ອມແປງທາງຫຼວງແຫ່ງຊາດ ຍາວກວ່າ 5,800 ກິໂລແມັດ

ວຽກ​ງານ​ສ້ອມແປງ​ທາງ​ຫຼວງ​ແຫ່ງ​ຊາດ (ແບບ​ມີ​ກຳນົດ) ປີ 2018 ກົມ​ຂົວ​ທາງ ກະຊວງ​ໂຍທາ​ທິ​ການ ແລະ ຂົນສົ່ງ (ຍທຂ) ມີ​ທັງ​ໝົດ 130 ສັນຍາ​ຂຶ້ນ​ກັບ 25 ໂຄງການ ມູນ​ຄ່າ 596.98 ຕື້​ກີບ ຄວາມ​ຍາວ 5,827 ກິໂລແມັດ ກຳນົດ​ເວລາ​ຈັດ​ຕັ້ງ​ປະຕິບັດ​ສັນຍາ 5 ເດືອນ ຮອດ​ທ້າຍ​ເດືອນ​ມິຖຸນາ ສະເລ່ຍ​ຄວາມ​ຄືບ​ໜ້າ​ໄດ້​ທັງ​ໝົດ 86.40% ສຳເລັດ 100% ມີ 89 ສັນຍາ ແລະ 41 ສັນຍາ ແມ່ນ​ບໍ່​ສຳເລັດ​ຕາມ​ແຜນການ. ໃນ​ນັ້ນ ຈັດ​ຕັ້ງ​ປະຕິບັດ​ໄດ້ 60% ຂຶ້ນ​ໄປ​ມີ 22 ສັນຍາ ນອນ​ໃນ 13 ໂຄງການ, ປະ­ຕິ­ບັດ​ໄດ້​ຕ່ຳ​ກວ່າ 60% ມີ 17 ໂຄງການ ນອນ​ໃນ 8 ໂຄງການ, ພ້ອມ​ນັ້ນ ບໍ່​ໄດ້​ລົງມື​ຈັດ​ຕັ້ງ​ປະຕິບັດ 2 ສັນຍາ ໃນ 2 ໂຄງການ (ໂຄງການ​ທີ 17 ແຂວງ​ຄຳ​ມ່ວນ ເສັ້ນທາງ​ເລກ​ທີ 11 ແລະ ໂຄງການ​ທີ 18 ແຂວງ​ສະຫວັນ​ນະ​ເຂດ ທາງ​ເລກ 9A+11) ເຊິ່ງ​ລັດຖະບານ​ເຫັນ​ດີ​ໃຫ້​ຍົກເລີກ​ສັນຍາ ແລະ ເປີດ​ກວ້າງ​ປະມູນ​ໃໝ່​ໃນ​ປີ 2019.

ກົມ​ຂົວ​ທາງ ຈັດ​ກອງ​ປະຊຸມ​ສະຫຼຸບ​ຕີ​ລາ­ຄາ​ຖອດ​ຖອນ​ບົດຮຽນ​ດ້ານ​ດີດ້ານ​ອ່ອນ ການຈັດຕັ້ງ​ປະຕິບັດ​ວຽກ​ສ້ອມແປງ​ທາງ​ຫຼວງ​ແຫ່ງ​ຊາດ ປະຈຳ​ປີ 2018 ແລະ ແຜນການ​ປີ 2019 ໄດ້​ຈັດ​ຂຶ້ນ​ວັນ​ທີ 16 ພະຈິກ 2018 ທີ່​ກະຊວງ ຍທຂ ທ່ານ ບຸນ​ຈັນ ສິນ​ທະ​ວົງ ລັດຖະມົນຕີ​ກະຊວງ ຍທຂ ບັນດາ​ຫົວໜ້າ​ກົມ ຫ້ອງການ ແລະ ພະນັກງານວິຊາ​ການ​ກ່ຽວຂ້ອງ​ທັງ​ສູນ​ກາງທ້ອງຖິ່ນ​ເຂົ້າ​ຮ່ວມ.

ທ່ານ ແພງ ດວງ​ເງິນ ຫົວໜ້າ​ກົມ​ຂົວ​ທາງ ກ່າວ​ວ່າ: ການ​ຈັດ​ກອງ​ປະຊຸມ​ຄັ້ງ​ນີ້ ເພື່ອ​ສະຫຼຸບ​ການຈັດຕັ້ງ​ປະຕິບັດ​ວຽກ​ງານ​ສ້ອມແປງ​ເສັ້ນທາງ ໃນ​ຂອບ​ເຂດ​ທົ່ວ​ປະເທດ ເຊິ່ງ​ໃນ​ປີ 2018 ກົມ​ຂົວ​ທາງ ໄດ້​ມີ​ບົດບາດ​ສຳຄັນ​ໃນ​ການຈັດຕັ້ງ​ປະຕິບັດ​ປັບປຸງ​ສ້ອມແປງ ແລະ ບູລະນະ​ເສັ້ນທາງ​ໃຫ້​ມີ​ຄຸນະພາບ ສາມາດ​ນຳ​ໃຊ້​ໄດ້​ທຸກ​ລະດູ ໂດຍ​ລັດຖະບານ ກໍ່​ຄື ກະຊວງ ຍທຂ ໄດ້​ຕິດຕາມ​ໃຫ້​ທິດ​ຊີ້​ນຳ​ຢ່າງ​ໃກ້ຊິດ ເຮັດ​ໃຫ້​ຫຼາຍ​ໂຄງການ​ມີ​ຄວາມ​ຄືບ​ໜ້າ ແລະ ປະສົບ​ຜົນສຳເລັດ ແຕ່​ເຖິງ​ຢ່າງໃດ​ກໍ່​ດີ ຍັງ​ມີ​ອີກ​ຫຼາຍ​ໂຄງການ​ທີ່​ບໍ່​ສາມາດ​ບັນລຸ​ແຜນການ​ວາງ​ໄວ້ ສືບ​ເນື່ອງ​ຈາກ​ປັດ​ໄຈ​ຫຼາຍ​ດ້ານ​ພົ້ນ​ເດັ່ນ ແມ່ນ​ບັນຫາ​ການ​ເກັບ​ກຳ​ຂໍ້​ມູນ​ທີ່​ເລິກເຊິ່ງ ວຽກ​ງານ​ການ​ຮັບ​ເໝົາ​ຂອງ​ບໍລິສັດ​ຍັງ​ມີ​ຄວາມ​ສັບສົນ ໂດຍ​ສະເພາະ ບໍລິສັດ​ຮັບ​ເໝົາ​ດຽວ ແຕ່​ຮັບຜິດຊອບ​ຫຼາຍ​ສັນຍາ ລວມ​ທັງ​ບັນ­ຫາ​ການ​ນຳ​ໃຊ້​ເຄື່ອງມື​ກົນ​ຈັກ​ທີ່​ບໍ່​ທັນ​ສະໄໝ​ເທົ່າ​ທີ່​ຄວນ ເປັນຕົ້ນ.
#insidelaos
Cr.Vientianemai

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.