Friday, July 19, 2024
Lenovo

ລົງນາມໂຄງການແກ້ໄຂມະເຮັງທໍ່ນ້ຳບີຢູ່ລາວ

ພິທີລົງນາມຈັດຕັ້ງປະຕິບັດໂຄງການແກ້ໄຂບັນຫາມະເຮັງທໍ່ນ້ຳບີຢູ່ລາວລະຫວ່າງທ່ານນາງແສງຈັນກຸນນາວົງຫົວໜ້າສະຖາບັນສາທາລະນະສຸກສາດແລະການແພດເຂດຮ້ອນກະຊວງສາທາລະນະສຸກ ສປປ ລາວແລະທ່ານນາງລຳປາງແມນມາກຮອງອະທິການບໍດີມະຫາວິທະຍາໄລຂອນແກ່ນປະເທດໄທ, ໄດຈັດຂຶ້ນວັນທີ 27 ພະຈິກນີ້ ທີ່ນະຄອນຫຼວງວຽງຈັນ


ການແກ້ໄຂບັນຫາມະເຮັງທໍ່ນ້ຳບີຢູ່ລາວແມ່ນໂຄງການທາງດ້ານສຸຂະພາບໜຶ່ງທີ່ຈະຈັດຕັ້ງປະຕິບັດໂດຍສະຖາບັນສາທາລະນະສຸກສາດແລະການແພດເຂດຮ້ອນແລະສະຖາບັນຄົ້ນຄວ້າມະເຮັງທໍ່ນ້ຳບີມະຫາວິທະຍາໄລຂອນແກ່ນ, ການຈັດຕັ້ງປະຕິບັດໂຄງການນີ້ ຈຸດປະສົງເພື່ອໃຫ້ການປິ່ນປົວ ແລະດູແລຄົນເຈັບທີ່ເປັນມະເຮັງທໍ່ນ້ຳບີຢ່າງມີຄຸນນະພາບ, ໂຄງການດັ່ງກ່າວມີໄລຍະເວລາຈັດຕັ້ງປະຕິບັດ 3 ປີ ແລະຈະໄດ້ປະຕິບັດຢູ່ບັນດາແຂວງທີ່ມີການຊຸກຊຸງມສູງຂອງການຕິດພະຍາດໃບໄມ້ໃນຕັບຊຶ່ງເປັນສາເຫດຫຼັກຂອງການເກີດເປັນມະເຮັງທໍ່ນ້ຳບີເປັນຕົ້ນແຂວງພາກກາງແລະພາກໃຕ້.


ປະຈຸບັນການເປັນມະເຮັງທໍ່ນ້ຳບີ ແມ່ນພົບເຫັນຫຼາຍທີ່ສຸດຢູ່ບັນດາປະເທດອາຊີຕາເວັນອອກສຽງໃຕ້: ປະເທດໄທ, ສປປ ລາວຫຼາຍກວ່າຂົງເຂດອື່ນຂອງໂລກ, ການເກີດມະເຮັງທໍ່ນ້ຳບີ ແມ່ນສຳພັນກັບການຕິດເຊື້ອພະຍາດໃບໄມ້ໃນຕັບທີ່ມີອັດຕາຊຸກຊຸມສູງ, ພະຍາດໃບໄມ້ໃນຕັບປະຈຸບັນມີເຖິງ 35-40 ລ້ານຄົນໃນ 4 ປະເທດອາຊຽນເຊັ່ນ: ສປປ ລາວ, ກຳປູເຈຍ, ຫວຽດນາມແລະພາກຕາເວັນອອກສ່ຽງເໜືອຂອງປະເທດໄທ ສົ່ງຜົນໃຫ້ເກີດກໍລະນີມະເຮັງທໍ່ນ້ຳບີສູງທີ່ສຸດໃນໂລກ.


ໂຄງການດັ່ງກ່າວຈັດຕັ້ງປະຕິດບັດເປັນເວລາ 3 ປີປະກອບມີຫຼາຍກິດຈະກຳເປັນຕົ້ນ ການສ້າງບຸກຄະລາກອນເພື່ອຮັບໃຊ້ໃຫ້ແກ່ການປິ່ນປົວທີ່ມີຄຸນນະພາບແລະດູແລຄົນເຈັບທີ່ເປັນມະເຮັງທໍ່ນ້ຳບີໂດຍສະເພາະແມ່ນການສ້າງແພດຊ່ຽວຊານຂົງເຂດການຜ່າຕັດມະເຮັງຕັບແລະທໍ່ນ້ຳບີ, ນັກລັງສີວິທະຍາ, ແພດຟື້ນຟູຊີບແລະວາງຢາສະຫຼົບ, ການຄົ້ນຄວ້າຫາກໍລະນີມະເຮັງທໍ່ນ້ຳບີໃນຊຸມຊົນທີ່ມີຄວາມສ່ຽງສູງການຄົ້ນຄວ້າດັ່ງກ່າວ ຈະສົ່ງຜົນໃຫ້ສາມາດບົ່ງບອກມະຕິການເປັນມະເຮັງແຕ່ຂັ້ນເລີ່ມຕົ້ນຈະເຮັດໃຫ້ການປິ່ນປົວໄດ້ຮັບປະສິດທິຜົນສູງຂຶ້ນ, ພ້ອມທັງສ້າງຄວາມເຂົ້າໃຈກ່ຽວກັບການຕິດພະຍາດໃບໄມ້ໃນຕັບແລະການເກີດມະເຮັງທໍ່ນ້ຳບີໃນຊຸມຊົນໃຫ້ດີຂຶ້ນຊຶ່ງເປັນວິທີປ້ອງກັນທີ່ມີປະສິດທິຜົນ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ