Wednesday, July 17, 2024
Lenovo

ລັດຖະມົນຕີສາທາ ສະເໜີທິດທາງ ການປັບປຸງຄຸນນະພາບ ແລະການບໍລິການປິ່ນປົວຕໍ່​ສ​ະ​ພາ​ແຫ່ງ​ຊາດ (ລໍ​ເບິ່ງ​ຜົນ​ໃນ​ອະ​ນາ​ຄົດ​ວ່າ​ຈະ​ໄດ້​ຜົນ​ຮັບ​ແນວ​ໃດ?)

ທ່ານ ບຸນກອງ ສີຫາວົງ ລັດຖະມົນຕີ ກະຊວງສາທາ ລະນະສຸກ ໄດ້ຊີ້ແຈງຕໍ່ກອງປະຊຸມ ສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VIII ໂດຍທ່ານໄດ້ສະເໜີທິດທາງແກ້ໄຂ ໃນການປັບປຸງຄຸນນະພາບ ການບໍລິການປິ່ນປົວຢູ່ໂຮງໝໍ ແລະ ສຸກສາລາ, ເຊິ່ງໃນໄລຍະຜ່ານມາ ມີສຽງຈົ່ມວ່າຈາກສັງຄົມ ຕໍ່ກັບການປິ່ນປົວຂອງ ບັນດາແພດໝໍຢູ່ລາວ ບໍ່ມີຄຸນນະພາບ, ພະນັງງານແພດ-ໝໍບາງຄົນ ບໍ່ມີຈັນຍາບັນ-ຈັນຍາທຳ, ປິ່ນປົວແບບເລືອກປະຕິບັດ ແລະ ອື່ນໆ.


ຕໍ່ບັນຫາດັ່ງກ່າວ, ກະຊວງສາທາລະນະສຸກ ໄດ້ມີທິດທາງໃນການແກ້ໄຂ ໂດຍຈະສຸມໃສ່ສຶກສາອົມຮົມແນວຄິດການເມືອງ ໃຫ້ແກ່ພະນັກງານແພດໝໍ ໂດຍສະແດງສະແດງອອກ ໃນຈັນຍາບັນ, ຈັນຍາທຳ ແລະ ດ້ານວິຊາສະເພາະໃຫ້ດີຂຶ້ນ; ປັບປຸງຄືນການຈັດຕັ້ງ ພະລະບົດບາດ, ຕຳແໜ່ງງານ ແລະ ປະເມີນພະນັກງານ ທັງດ້ານຈຳນວນ ແລະ ຄຸນນະພາບ; ຊັບຊ້ອນຈຳນວນແພດໝໍ ໃຫ້ສອດກັບ ຄວາມຕ້ອງການ ຂອງຈຸດສຸມພັດທະນາ ຊົນນະບົດ ແລະ ຈຸດສຸມວິຊາສະເພາະ ຂອງຂະແໜງການ; ປະຕິບັດນະໂຍບາຍຊຸກຍູ້ຈູງໃຈ ໃຫ້ນາມມະຍົດແພດແຫ່ງຊາດ, ແພດປະຊາຊົນ, ຕຳແໜ່ງວິຊາການ ແລະ ຊຸກຍູ້ຜູ້ທີ່ເຮັດວຽກ ຢູ່ເຂດຫາງໄກສອກຫລີກ ພ້ອມປະຕິບັດວິໄນ ຕໍ່ຜູ້ກະທຳຜິດ; ລົງທຶນໃສ່ພື້ນຖານໂຄງລ່າງ, ປັບປຸງລະບົບການຮຽນ-ການສອນ ພາກທິດສະດີ ແລະ ພາກປະຕິບັດຕົວຈິງ ໃຫ້ກົມກຽວກັນ, ປັບປຸງລະບຽບ ແລະ ລະບົບການບໍລິການຄົນເຈັບ ຢູ່ສະຖານທີ່ຂອງລັດ ແລະ ເອກະຊົນ ໃຫ້ຊັດເຈນຮັດກຸມຂຶ້ນກວ່າເກົ່າ; ປັບປຸງລະບົບການໂຄສະນາ ຂໍ້ມູນຂ່າວສານ ດ້ານການແພດ ຢ່າງກວ້າງຂວາງ, ເອົາໃຈໃສ່ປັບປຸງວຽກງານ ກວດກາພາຍໃນ  ແລະ ປະຕິບັດຜົນ ຂອງການກວດສອບ ໃຫ້ມັນຖືກຕ້ອງ, ພ້ອມທັງຈະປະຕິຮູບການ ບໍລິການປິ່ນປົວໃຫ້ໄປສູ່ທັນສະໄໝ.


ໂອກາດດຽວກັນ, ບັນດາສະມາຊິກສະພາແຫ່ງຊາດ ໄດ້ສະເໜີໃຫ້ລັດຖະບານ ກໍຄື ກະຊວງສາທາລະນະສຸກ ເຂັ້ມງວດກ່ຽວກັບການຄຸ້ມຄອງໂຮງໝໍ ແລະ ຮ້ານຂາຍຢາເອກະຊົນ ໃຫ້ໄປຕາມລະ ບຽບກົດໝາຍ, ຕິດຕາມກວດກາການ ໂຄສະນາຊັບພະຄຸນ ຂອງຢາປົວພະຍາດເກີນ ຂອບເຂດ, ບັນຫາການບໍລິການ ຂົນສົ່ງຄົນເຈັບຈາກໂຮງໝໍເມືອງ ໄປໂຮງໝໍແຂວງ ຍັງມີລັກສະນະຊັກຊ້າ ແລະ ບັນຫາສຳຄັນ ອື່ນໆຈຳນວນໜຶ່ງ.

#insidelaos

Cr.KPL

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.