ການປະກວດນັກຮ້ອງສຽງດີ ເພື່ອສ້າງບັນຍາກາດເບີກບານມ່ວນຊື່ນ ພາຍໃນງານສະເຫຼີມສະຫຼອງບຸນກິນຈຽງເຜົ່າມົ້ງຢູ່ເທດສະສະບານແຂວງອຸດົມໄຊປະຈຳປີ 2019 ທັງເປັນການອານຸລັກຮັກສາ ແລະ ສົ່ງເສີມສິລະປະວັນນະຄະດີຂອງເຜົ່າມົ້ງ ໄດ້ຈັດຂຶ້ນໃນຕອນຄໍ່າຂອງວັນທີ 10 ແລະ ມາຮອດຕອນຄໍ່າຂອງວັນທີ 11 ມື້ວານນີ້, ກໍໄດ້ອັດລົງດ້ວຍຜົນສຳເລັດ ຢູ່ທີ່ສະໜາມກິລາຂອງແຂວງ.
ໂດຍມີນັກຮ້ອງສະໝັກຫຼີ້ນມາຈາກບັນດາບ້ານພາຍໃນເມືອງໄຊ ແລະ ຕ່າງເມືອງຈຳນວນໜຶ່ງເຂົ້າມາຮ່ວມທັງໝົດ 31 ຄົນ ຍີງ 8 ຄົນ. ຜ່ານການແຂງຂັນ ຜົນປາກົດວ່າ ຊະນະເລີດໄດ້ແກ່ນາງ ເນັງເລົ້າ ມາຈາກບ້ານຫຼັກ 32 ເມືອງໄຊ, ທີ2 ໄດ້ແກ່ ທ້າວ ປໍກີ້ວ້າງ ຈາກບ້ານດອນໄຊ, ທີ3 ແມ່ນທ້າວ ຈືວ້າງ ບ້ານພູຂຽວ, ທີ4 ແມ່ນ ທ້າວ ເລັ້ງຊົງ ບ້ານພູຂຽວ ແລະ ທີ5 ແມ່ນທ້າວ ຫຼ້າເຮີ ບ້ານພູຂຽວ. ສຳລັບລາງວັນ ຊະນະເລີດໄດ້ຮັບເງິນສົດ 700,000 ກີບ, ທີ2 ໄດ້ຮັບ 500,000 ກີບ ແລະ ທີ3 ໄດ້ຮັບ 300,000ກີບ ສ່ວນທີ4 ແລະ ທີ 5 ແມ່ນໄດ້ຮັບລາງວັນຊົມເຊີຍເງິນສົດຜູ້ລະ 200,000 ກີບ.
#insidelaos
#ອິນໄຊລາວ
ທີ່ມາ: facebook.com/100010898682890
Hits: 2
