ໃນມື້ນີ້, ຢູ່ຫ້ອງວ່າການປະທານປະເທດ ໄດ້ຈັດປາຖະກະຖາວັນສ້າງຕັ້ງກອງທັບ ປະຊາລາວ ຄົບຮອບ 70 ປີ (20/01/1949-20/01/2019) ໃຫ້ກຽດປາຖະກະຖາ,ໂດຍ ທ່ານ ພົນຈັດຕະວາ ແກ່ນສີ ມະນີວົງ ພະນັກ ງານປະຕິວັດ ອາວຸໂສບຳນານ, ອະດີດຮອງຫົວໜ້າກົມໃຫຍ່ການເມືອງກອງທັບ, ໂດຍການເຂົ້າຮ່ວມຂອງ ທ່ານ ຄຳເມິງ ພົງທະດີ ກຳມະການສູນກາງພັກ, ເລຂາຄະນະພັກ, ລັດຖະມົນຕີ, ຫົວໜ້າຫ້ອງວ່າການປະທານປະ ເທດ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ໃນໂອກາດນີ້, ທ່ານ ພົນຈັດຕະວາ ແກ່ນສີ ມະນີວົງ ໄດ້ກ່າວບາງຕອນສຳຄັນວ່າ: ຜ່ານຂະ ບວນການຕໍ່ສູ້ກູ້ຊາດ ຂອງປະຊາຊົນລາວບັນດາເຜົ່າຜູ້ຮັກຊາດ ກອງທັບປະຊາຊົນລາວໄດ້ຮັບການສ້າງຕັ້ງຂຶ້ນ ໃນວັນທີ 20 ມັງກອນ 1949, ຜ່ານການສູ້ຮົບມີໄຊ ແລະ ເຕີບໃຫຍ່ຂະຫຍາຍຕົວ ພາຍໃຕ້ການນຳພາອັນປີຊາສາມາດ ສະຫລາດສ່ອງໃສຂອງພັກປະຊາຊົນປະຕິວັດລາວ ກອງທັບປະຊາຊົນລາວ ໄດ້ຜ່ານຜ່າອຸປະສັກນາໆປະການ, ບໍ່ຈັກວ່າເທົ່າໃດ ແລະ ເຕັມໄປດ້ວຍການເສຍສະຫລະອັນໃຫຍ່ຫລວງ ໃນພາລະກິດປົດປ່ອຍຊາດ, ເຮັດສຳເລັດພາລະກຳປະຫວັດສາດ ທີ່ພັກ ແລະ ປະຊາຊົນມອບໝາຍໃຫ້ຢ່າງມີໄຊ, ສາມາດຕີເອົາຊະນະຈັກກະພັດຜູ້ຮຸກຮານ, ພ້ອມລູກແຫລ້ງຕີນມືຂອງພວກເຂົາ, ກອງທັບປະຊາຊົນລາວ ສາມາດປົດປ່ອຍປະເທດຊາດໄດ້ຢ່າງສົມບູນ, ສະຖາປະນາ ເປັນສາ ທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ຢ່າງສະຫງ່າຜ່າເຜີຍ.
#insidelaos
#ອິນໄຊລາວ
Cr.KPL