Saturday, July 20, 2024
Lenovo

ສະຫລອງ 50 ປີສາຍສຳພັນ ການຮ່ວມມື ພະລັງງານ ລາວ-ໄທ

 ຢູ່ໂຮງໝໍມິດຕະພາບ 150 ຕຽງ ນະຄອນຫລວງວຽງຈັນ,ໄດ້ຈັດງານສະເຫລີມສະຫລອງ 50 ປີ ສາຍສຳພັນ ແລະ ການຮ່ວມມື ພະລັງງານ ລາວ-ໄທ (16/12/1967-16/12/2018), ໃຫ້ກຽດເປັນປະທານ ຂອງ ທ່ານ ຄຳມະນີ ອິນທິລາດ ລັດຖະມົນຕີ ກະຊວງ ພະລັງງານ ແລະ ບໍ່ແຮ່ ແຫ່ງ ສປປ ລາວ ແລະ ທ່ານ ສິຣິ ຈິຣະພົງພັນ ລັດຖະມົນຕີ ວ່າ ການ ກະຊວງ ພະລັງງານ ແຫ່ງ ຣາຊະອານາຈັກໄທ, ມີບັນດາ ທ່ານອຳນວຍການໂຮງໝໍມິດຕະ ພາບ 150 ຕຽງ, ຜູ້ວ່າຣາຊະການ ແຂວງ ໜອງຄາຍ ແລະ ບັນດາແຂກທີ່ຖືກເຊີນ ເຂົ້າຮ່ວມ.

ໃນໂອກາດດັ່ງກ່າວ, ທ່ານ ຄຳມະນີ ອິນທິລາດ ກ່າວວ່າ: ມີຄວາມຍິນດີເປັນຢ່າງຍິ່ງ ທີ່ໄດ້ມາຮ່ວມໃນງານສະ ເຫລີມສະຫລອງ 50 ປີ ສາຍສຳພັນ ແລະ ການຮ່ວມມື ພະລັງງານ ລາວ-ໄທ ພາຍໃຕ້ບັນຍາກາດແຫ່ງມິດຕະ ພາບ ທີ່ເປັນມູນເຊື້ອອັນດີງາມ, ຊຶ່ງປະຊາຊົນ 2 ຊາດ ລາວ-ໄທ ໄດ້ພ້ອມກັນຖະນຸຖະໜອມ ແລະ ປົກປັກຮັກ ສາມາເປັນເວລາຍາວນານ, ຈຸດພິເສດ ແລະ ເງື່ອນໄຂທີ່ອຳນວຍຄວາມສະດວກໄດ້ກາຍເປັນພື້ນຖານ ເຮັດໃຫ້ການພົວພັນຮ່ວມມື ລາວ-ໄທ ດ້ານພະລັງງານໄດ້ຮັບການພັດທະນາ ໃຫ້ຂະຫຍາຍຕົວຢ່າງມີຄຸນນະພາບໃໝ່ ແລະ ນຳເອົາຜົນປະໂຫຍດມາສູ່ປະຊາຊົນສອງຊາດ ລາວ-ໄທ ເປັນຢ່າງດີຕະຫລອດມາ.

#insidelaos

Cr.KPL

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.