Saturday, July 20, 2024
Lenovo

ຊົມ​ເຊີຍ! ສປປ ລາວ ຈະເປັນເຈົ້າພາບຈັດກອງປະຊຸມລັດຖະມົນຕີຕ່າງປະເທດ ແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 4 ທີ່ແຂວງຫຼວງພະບາງ

ເພື່ອ​ສືບ­ຕໍ່​ຈັດ​ຕັ້ງ​ຜັນ​ຂະ­ຫຍາຍ​ຜົນ​ຂອງ​ກອງ​ປະ­ຊຸມ​ຜູ້­ນຳ​ແມ່­ນ້ຳ​ຂອງ-ແມ່­ນ້ຳ​ລ້ານ​ຊ້າງ ຄັ້ງ​ທີ 2 ທີ່​ໄດ້​ຈັດ​ຂຶ້ນ​ໃນ​ເດືອນ​ມັງ­ກອນ 2018 ທີ່​ກຳ­ປູ­ເຈຍ ແລະ ຈັດ​ຕັ້ງ​ປະ­ຕິ­ບັດ​ແຜນ​ປະ­ຕິ­ບັດ​ງານ 5 ປີ ​ຂອງ​ຂອບ​ການ​ຮ່ວມ​ມື​ແມ່­ນ້ຳ​ຂອງ-ແມ່­ນ້ຳ​ລ້ານ​ຊ້າງ 2018-2022 ສປປ ລາວ ໃນ​ນາມ​ປະ­ທານ​ຮ່ວມ​ຂອງ​ຂອບ​ການ​ຮ່ວມ​ມື​ດັ່ງ­ກ່າວ ສຳ­ລັບ​ປີ 2018-2020 ຈະ​ໄດ້​ຮັບ​ກຽດ​ເປັນ​ເຈົ້າ­ພາບ​ຈັດ​ກອງ​ປະ­ຊຸມ​ລັດ­ຖະ­ມົນ­ຕີ​ຕ່າງ­ປະ­ເທດ ແມ່­ນ້ຳ​ຂອງ-ແມ່­ນ້ຳ​ລ້ານ​ຊ້າງ ຄັ້ງ​ທີ 4 (the 4th Mekong-Lancang Cooperation Foreign Ministers’ Meeting) ຂຶ້ນ​ລະ­ຫວ່າງ​ວັນ​ທີ 15-17 ທັນ­ວາ 2018 ທີ່​ນະ­ຄອນ­ຫຼວງ​ພະ​ບາງ.

    ກອງ​ປະ­ຊຸມ​ຄັ້ງ​ນີ້ ຈະ​ດຳ­ເນີນ​ໄປ​ພາຍ​ໃຕ້​ການ​ເປັນ​ປະ­ທານ​ຮ່ວມ​ໂດຍ​ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ ກະ­ຊວງ​ການ​ຕ່າງ­ປະ­ເທດ ແຫ່ງ ສປປ ລາວ ແລະ ທ່ານ ຫວັງ ອີ້ ທີ່​ປຶກ­ສາ​ແຫ່ງ​ລັດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ແຫ່ງ ສາ­ທາ­ລະ­ນະ​ລັດ ປະ­ຊາ­ຊົນ​ຈີນ ເຊິ່ງ​ຈະ​ມີ​ຄະ­ນະ​ຜູ້​ແທນ​ຂັ້ນ​ສູງ ນຳ​ໂດຍ​ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ​ການ​ຕ່າງ­ປະ­ເທດ ຫຼື ທຽບ​ເທົ່າ ຈາກ​ບັນ­ດາ​ປະ­ເທດ​ແມ່­ນ້ຳ​ຂອງ ຄື: ສປປ ລາວ ກຳ­ປູ­ເຈຍ ສປ ຈີນ ມຽນ​ມາ ໄທ ແລະ ສສ ຫວຽດ­ນາມ ຫຼາຍ​ກວ່າ 120 ທ່ານ​ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້ ຈະ​ໄດ້​ທົບ​ທວນ​ຄວາມ​ຄືບ​ໜ້າ ແລະ ຕີ​ລາ­ຄາ​ຄືນ​ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ແຜນ​ງານ ແລະ ໂຄງ­ການ​ຕ່າງໆ​ຂອງ​ຂອບ​ຮ່ວມ​ມື​ແມ່­ນ້ຳ​ຂອງ-ແມ່­ນ້ຳ​ລ້ານ​ຊ້າງ ແລະ ປຶກ­ສາ​ຫາ­ລື​ບັນ­ດາ​ແຜນ​ງານ​ໃນ­ຕໍ່­ໜ້າ ແລະ ຮັບ­ຮອງ​ເອົາ ໃນ​ກອງ​ປະ­ຊຸມ​ລັດ­ຖະ­ມົນ­ຕີ​ຕ່າງ­ປະ­ເທດ​ແມ່­ນ້ຳ​ຂອງ-ແມ່­ນ້ຳ​ລ້ານ​ຊ້າງ ຄັ້ງ​ທີ 4 ທີ່​ແຂວງ​ຫຼວງ​ພະ​ບາງ​ນີ້ ເພື່ອ​ເປັນ​ການ​ກະ­ກຽມ​ໃຫ້​ແກ່​ກອງ​ປະ­ຊຸມ​ຂັ້ນ​ລັດ­ຖະ­ມົນ­ຕີ ກໍ່​ຈະ​ຈັດ​ກອງ​ປະ­ຊຸມ​ໜ່ວຍ​ງານ​ຮ່ວມ​ດ້ານ​ການ​ທູດ ແລະ ກອງ​ປະ­ຊຸມ​ເຈົ້າ​ໜ້າ­ທີ່​ອາ­ວຸ­ໂສ.

    ສຳ­ລັບ​ຂອບ​ຮ່ວມ​ມື​ແມ່­ນ້ຳ​ຂອງ-ແມ່­ນ້ຳ​ລ້ານ​ຊ້າງ​ຜ່ານ​ມາ ໄດ້​ມີ​ການ​ຈັດ​ກອງ​ປະ­ຊຸມ​ລະ­ດັບ​ຜູ້­ນຳ ຄັ້ງ​ປະ­ຖົມ​ມະ­ລຶກ​ຂຶ້ນ​ໃນ​ປີ 2016 ມາ​ເຖິງ​ປັດ­ຈຸ­ບັນ ກອງ​ປະ­ຊຸມ​ລັດ­ຖະ­ມົນ­ຕີ​ຕ່າງ­ປະ­ເທດ​ຂອບ​ການ​ຮ່ວມ​ມື​ແມ່­ນ້ຳ​ຂອງ-ແມ່­ນ້ຳ​ລ້ານ​ຊ້າງ ຖື​ວ່າ​ເປັນ​ກອງ​ປະ­ຊຸມ​ທີ່​ມີ​ຄວາມ​ສຳ­ຄັນ​ໜຶ່ງ ແນ­ໃສ່​ປະ­ກອບ­ສ່ວນ​ເຂົ້າ​ໃນ​ການ​ສ້າງ​ປະ­ຊາ​ຄົມ​ອາ​ຊຽນ ແລະ ຂະ​ບວນ​ການ​ເຊື່ອມ​ໂຍງ​ຂອງ​ພາກ​ພື້ນ ສ້າງ​ປະ­ຊາ​ຄົມ​ຮ່ວມ​ຊາ­ຕາ­ກຳ​ປະ­ເທດ​ແມ່­ນ້ຳ​ຂອງ-ແມ່­ນ້ຳ​ລ້ານ​ຊ້າງ ກໍ່​ຄື ສປປ ລາວ ເຮົາ ໃຫ້​ມີ​ສັນ­ຕິ­ພາບ ຄວາມ​ຈະ­ເລີນ​ຮຸ່ງ­ເຮືອງ ແລະ ຄວາມ​ສີ­ວິ­ໄລ.

ທີ່​ມາ: ວຽງ​ຈັນ​ໃໝ່

ຮູບ​ປະ​ກອບ: https://s.isanook.com/la

#insidelaos

#ອິນ​ໄຊ​ລາວ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ