Tuesday, April 22, 2025

ພິ​ທີ​ເປີດ​ໂຄງ​ການກໍ່ສ້າງອາຄານໂຮງໝໍມະໂຫສົດຫຼັງໃຫມ່ ເຊິ່ງ​ໄດ້​ຮັບ​ການ​ຊ່ວຍ​ເຫຼືອ​ຈາກ ສ.ປ ຈີນ.

ພິທີເປີດໂຄງການກໍ່ສ້າງອາຄານໂຮງໝໍມະໂຫສົດຫຼັງໃໝ່ມີຂຶ້ນຢ່າງເປັນທາງການ ໃນວັນທີ 14 ທັນວາ 2018 ນີ້ ທີ່ໂຮງໝໍມະໂຫສົດ, ນະຄອນຫຼວງວຽງຈັນ ເປັນກຽດເຂົ້າຮວ່ມໃນພິທີ ມີທ່ານ ບຸນກອງ ສີຫາວົງ ລັດຖະມົນ ຕີ ກະຊວງສາທາລະນະສຸກ, ຮສ. ດຣ. ພູທອນ ເມືອງປາກ ຮອງລັດຖະມົນ ກະຊວງສາທາລະນະສຸກ, ທ່ານ ວາງ ຊີຮຸ່ຍ ທີ່ປຶກສາດ້ານເສດຖະກິດ – ການຄ້າສະຖານທູດຈີນປະຈໍາສປປ.ລາວ.

ຮສ. ດຣ. ພູທອນ ເມືອງປາກ ຮອງລັດຖະມົນ ກະຊວງສາທາລະນະສຸກ ກ່າວວ່າ ໂຄງການກໍ່ສ້າງໂຮງໝໍມະໂຫ ສົດ ຊຶ່ງໄດ້ຮັບການຊ່ວຍເຫລືອລ້າຈາກ ປະຊາຊົນ ແລະ ລັດຖະບານ ສປ ຈີນ ເປັນໂຄງການໃຫຍ່ ແລະ ສຳຄັນຍິ່ງ. ພາຍຫລັງທີ່ມີການ ຈັດພິທີວາງຫິນສີລາລຶກ ໃນປີ 2017 ຜ່ານມາ ປະຊາຊົນໃນທົ່ວປະເທດ ກໍຄືບັນດາອົງການຈັດຕັ້ງສາກົນ, ຕ່າງປະເທດ ກໍຮັບຊາບທົ່ວເຖິງ ແລະ ມີຄວາມຫວັງ, ມີຄວາມດີໃຈທີ່ຈະມີໂຮງໝໍທີ່ທັນ ສະໄໝເກີດຂຶ້ນ.ໂຄງການກໍ່ສ້າງໂຮງໝໍມະໂຫສົດເປັນໂຄງການໃຫຍ່ກວ່າໝູ່, ຕຽງຫຼາຍກວ່າໝູ່, ມູນຄ່າລົງ
ທຶນຫຼາຍກວ່າໝູ່, ມາດຕະຖານໃນການກໍ່ສ້າງສູງກວ່າໝູ່ໃນບັນດາໂຄງການຊ່ວຍເຫຼືອສ້າງໂຮງໝໍ ຂອງ ສ.ປ ຈີນ ໃຫ້ແກ່ບັນດາປະເທດຕ່າງໆຜ່ານມາ ແລະ ກໍເປັນໂຄງການທີ່ມີຄວາມໝາຍສໍາຄັນເຊິ່ງ ປະມຸກລັດ ຂອງ ສ.ປ.ປ ລາວ ແລະ ສ.ປ ຈີນ ໄດ້ໃຫ້ກຽດເຂົ້າຮ່ວມເປັນປະທານເປີດພິທີວາງສີລາລຶກໄປແລ້ວໃນວັນທີ່ 14 ພະຈິກ 2017.

ທ່ານ ເສີນເຣີ້ນ ຕາງໜ້າ ກຸ່ມບໍລິສັດ ວິສະວະກໍາ ສາກົນ ຈົງຢວນ ຈໍາກັດ (IPPR) ກ່າວວ່າໂຄງການກໍ່ສ້າງໂຮງ ໝໍມະໂຫສົດແມ່ນຈະມີການມ້າງອາຄານເກົ່າສ່ວນໜຶ່ງເພື່ອກໍ່ສ້າງອາຄານໜຶ່ງມີຕຽງ 600 ຕຽງ ແລະ ທີ່ທັນສະ ໄໝ ແລະ ມີການຄຸ້ມຄອງເປັນວິທະຍາ. ເນື້ອທີ່ທັງໝົດຂອງໂຄງການແມ່ນ 30.300 ຕາແມັດ, ເນື້ອທີ່ການກໍ່ສ້າງແມ່ນ 54.800 ຕາແມັດ ໃນນັ້ນການກໍ່ສ້າງໃຕ້ດິນປະມານ 10.000 ຕາແມັດ,ອາຄານຕົ້ນຕໍ ລວມມີອາ ຄານກວດກາສັງລວມ 5 ຊັ້ນ, ອາຄານເຕັກນິກ 4 ຊັ້ນ,ອາຄານນອນຄົນເຈັບ 8 ຊັ້ນ, ອາຄານພະຍາດຊຶມເຊື້ອແຖບຮ້ອນ 4 ຊັ້ນ, ອາຄານຫໍລາຍງານ 1 ຊັ້ນ ແລະ ຫ້ອງໃຕ້ດິນເປັນຕົ້ນ,ທັງໝົດມີຫົກພາກສ່ວນ.

ໃນການອອກແບບການກໍ່ສ້າງ, ກຸ່ມບໍລິສັດ ວິສະວະກໍາ ສາກົນ ຈົງຢວນ ຈໍາກັດ (IPPR) ຈະອອກແບບຕາມຊົງລາວ ແລະ ຫຼຸດຜ່ອນຜົນກະທົບທາງດ້ານສິ່ງແວດລ້ອມໃຫ້ຫຼາຍທີ່ສຸດ, ແຕ່ລະຂັ້ນຕອນຂອງການກໍ່ສ້າງກໍ່ປະຕິບັດຕາມຫຼັກການຮັກສາສິ່ງແວດລ້ອມ,ເປັນສີຂຽວ ແລະ ປະຢັດພະລັງງານ.

ເມື່ອສ້າງສໍາເລັດແລ້ວ ໂຮງໝໍມະໂຫສົດຈະເປັນໂຮງໝໍແຫ່ງໜຶ່ງທີ່ມີອຸປະກອນ ແລະ ເຄື່ອງຈັກທັນສະໄໝທີ່ ສຸດ, ມີບົດບາດໃນການປິ່ນປົວ ແລະ ການແພດສົມບູນກວ່າເກົ່າ, ສາມາດຮັບຄົນເຈັບຕະຫຼອດ 24 ຊົ່ວໂມງ.
ທ່ານ ກ່າວອີກວ່າ ໂຄງການດັ່ງກ່າວຈະຊ່ວຍຊຸກຍູ້ສົ່ງເສີນການພັດທະນາເສດຖະກິດ ແລະ ເປັນຂີດຫຼັກໝາຍອັນສໍາຄັນໃນປະຫວັດສາດມິດຕະພາບ ລາວ-ຈີນ, ຜູ້ພັດທະນາຈະຖືໂຄງການນີ້ເປັນໂອກາດເພື່ອເປີດ ແລະ ຄົ້ນຄວ້າວິທີການຮ່ວມມືແບບໃໝ່ທາງດ້ານການແພດລະຫວ່າງສອງປະເທດລາວ-ຈີນ.

#insidelaos

#ອິນ​ໄຊ​ລາວ

ທີ່​ມາ: KPL

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.