ຕອນເຊົ້າມື້ນີ້ 16 ທັນວາ, ພາຍໃຕ້ການເປັນປະ ທານຮ່ວມລະຫວ່າງທ່ານ ສົງການ ຫຼວງມຸນິທອນ ຫົວໜ້າກົມເສດຖະກິດກະຊວງການຕ່າງປະເທດ ສປປ ລາວ ແລະ ທ່ານ ເສິນ ສຽວຕົງ ຜູ້ຊ່ວຍລັດ ຖະມົນຕີກະຊວງການຕ່າງປະເທດ ສປຈີນ ມີບັນ ດາປະເທດລຸ່ມແມ່ນໍ້າຂອງຄື: ຫວຽດນາມ, ກໍາປູເຈຍ,ໄທ ແລະ ມຽນມາ ເຂົ້າຮ່ວມ.
ກອງປະຊຸມຄັ້ງນີ້, ຈຸດປະສົງເພື່ອຖະແຫຼງຂ່າວຮ່ວມຂອງບັນດາລັດຖະມົນຕີຕ່າງປະເທດ ຊື່ງຈະຈັດຂຶ້ນໃນວັນທີ 17 ທັນວາ 2018 ນີ້.
ໃນຖະແຫຼງການຮ່ວມມີບັນຫາສໍາຄັນເພື່ອທົບທວນການຈັດຕັ້ງປະຕິບັດໂຄງການຕ່າງໆທີ່ບັນດາຜູ້ນາໄດ້ຮັບຮອງເອົາຢູ່ກອງປະຊຸມສຸດຍອດຄັ້ງທີ 01 ແລະຄັ້ງທີ 02.
ນອກຈາກນັ້ນກໍ່ຍັງມີບັນດາໂຄງການຢູ່ພາຍໃຕ້ກອງທຶນພິເສດຈຳນວນໜຶ່ງ ຊຶ່ງທຸກປະເທດສະມາຊິກ ໄດ້ມີໂຄງການເປັນຂອງຕົນເອງໃນການຈັດຕັ້ງປະ ຕິບັດ.
ສຳລັບ ສປປລາວ ມີ 13 ໂຄງການ ໃນນັ້ນ, ມີໂຄງ ການທີ່ກໍາລັງຈັດຕັ້ງປະຕິບັດ, ຈໍານວນໜື່ງກໍ່ກໍາລັງກະກຽມຈັດຕັ້ງປະຕິບັດ.ພ້ອມກັນນັ້ນກໍ່ຍັງໄດ້ຮັບຊາບບັນດາໂຄງການໃໝ່ ຊື່ງຈະໄດ້ຮັບຮອງເອົາ ເພື່ອຈັດຕັ້ງປະຕິບັດໃນປີ 2019.
ກອງປະຊຸມຍັງຈະປຶກສາຫາລືເຖິງທິດທາງການຮ່ວມມໃນອະນາຄົດຂອງຂອບການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ ເພື່ອສືບຕໍ່ຂະຫຍາຍຂອບການຮ່ວມມືໃຫ້ກວ້າງຂວາງກວ່າເກົ່າ ເພື່ອພ້ອມ ກັນນຳເອົາຜົນປະໂຫຍດມາສູ່ບັນດາປະເທດແມ່ນໍ້າລ້ານຊ້າງ-ແມ່ນໍ້າຂອງ ໂດຍສະເພາະແມ່ນການຮ່ວມມືດ້ານເສດຖະກິດ ການເຊື່ອມໂຍງຢູ່ໃນພາກພື້ນ.
ນອກຈາກນີ້, ເພື່ອເປັນການສືບຕໍ່ຈັດຕັ້ງປະບັດຂໍ້ ຕົກລົງຂອງກອງປະຊຸມສຸດຍອດຂອງຜູ້ນຳຄັ້ງທີສອງຢູ່ນະຄອນຫຼວງພະນົມເປັນ ໃນປີ 2017.
ສປປລາວ ຈະສືບຕໍ່ຜັນຂະຫຍາຍຂໍ້ຕົກລົງຂອງຜູ້ນຳ ທັງເປັນການກະກຽມກອງປະຊຸມສຸດຍອດຄັ້ງທີ 03 ໃນປີ 2020 ທີ່ ສປປລາວ ຈະເປັນເຈົ້າພາບຈັດຂຶ້ນ ໂດຍຮ່ວມກັບ ສປຈີນ.
Cr.Sourioudong Sundara