ທະນາຄານພັດທະນາອາຊີ (ADB) ໄດ້ສະໜອງເງິນກູ້ດອກເບ້ຍຕ່ຳ ເພື່ອຊ່ວຍປັບປຸງມາດຕະຖານການດໍາລົງຊີວິດຂອງປະຊາຊົນ ຢູ່ບ້ານຍໍ້, ເມືອງແບງ, ແຂວງອຸດົມໄຊ ໂດຍອຳນວຍຄວາມສະດວກ ໃນການຝຶກອົບຮົມວິຊາຊີບ ແລະ ການມີວຽກເຮັດທີ່ໝັ້ນຄົງ, ເຊິ່ງ ADB ໄດ້ເຮັດວຽກຢ່າງໃກ້ຊິດ ກັບພະນັກງານຂັ້ນແຂວງ ເພື່ອຊ່ວຍປັບປຸງສະພາບການດຳລົງຊີວິດຂອງປະຊາຊົນທ້ອງຖິ່ນ ໂດຍສະເພາະຄອບຄົວທີ່ມີລາຍຮັບຕ່ຳ.
ທ່ານ ໄມຈັນ ອ້ວນຈັນທະວົງ ນາຍບ້ານຍໍ້, ເມືອງແບງ ໄດ້ໃຫ້ສຳພາດ ໃນໂອກາດທີ່ສື່ມວນຊົນ ລົງຢ້ຽມຢາມໂຄງການພັດທະນາການທ່ອງທ່ຽວແບບຍືນຍົງ ຂອງທະນາຄານພັດທະນາອາຊີ ເມື່ອອາທິດຜ່ານມາໄດ້ໃຫ້ຮູ້ວ່າ: ຄອບຄົວທີ່ຜະລິດເຄື່ອງປັ້ນດິນເຜົາ, ຄອບຄົວຕ່ຳຫູກທໍໄໝແບບດັ້ງເດີມ ແມ່ນໄດ້ມີຊີວິດການເປັນຢູ່ທີ່ດີຂຶ້ນ. ໂຄງການ ADB ໄດ້ສ້າງໂອກາດໃຫ້ເຂົາເຈົ້າ ໄດ້ມີວຽກເຮັດງານທຳທີ່ດີ, ເຮັດໃຫ້ເຂົາເຈົ້າມີແຫລ່ງລາຍຮັບທີ່ໝັ້ນຄົງຫລາຍຂຶ້ນ.
ທີ່ມາ: facebook.com/945136115690169
Hits: 5
