ບໍ່ດົນຜ່ານມາ, ທີ່ແຂວງບຶງການ, ກົມຊັບພະຍາກອນນໍ້າ ກະຊວງ ຊັບພະຍາກອນທໍາມະຊາດ ແລະ ສິ່ງແວດ ລ້ອມ ແຫ່ງປະເທດໄທ ໄດ້ຈັດກອງປະຊຸມແລກປ່ຽນຂໍ້ມູນລະດັບຊາດ ຄັ້ງທີ 2 ກ່ຽວກັບການປຶກສາຫາລືລ່ວງໜ້າຂອງໂຄງການເຂື່ອນໄຟຟ້າພະລັງນໍ້າ ນໍ້າຂອງປາກລາຍ ເພື່ອເປັນການໃຫ້ຂໍ້ມູນ ແລະ ຊີ້ແຈງບັນດາຂໍ້ກັງວົນ ຂອງຜູ້ທີ່ມີສ່ວນຮ່ວມ ຕາມທີ່ໄດ້ລະບຸໄວ້ໃນຂະ ບວນການແຈ້ງໃຫ້ຊາບ ການປຶກສາຫາລືລ່ວງໜ້າ ແລະ ການຕົກລົງ (PNPCA) ໃນກອບຂອງສັນຍາແມ່ນໍ້າຂອງ 1995.
ການປຶກສາຫາລືຄັ້ງນີ້, ແມ່ນໄດ້ຍົກເອົາບັນຫາທີ່ກຸ່ມປະຊະຊົນຈາກບັນດາແຂວງ ທີ່ອາໃສຢູ່ລຽບຕາມແຄມແມ່ ນໍ້າຂອງຢູ່ຝັ່ງໄທ ມີຄວາມກັງວົນ ເຊິ່ງບັນຫາສ່ວນໃຫຍ່ແມ່ນ ແຜນການຄຸ້ມຄອງການຜະລິດ ແລະ ບໍລິຫານຈັດການນໍ້າ, ຄວາມປອດໄພຂອງເຂື່ອນ, ການອອກແບບທາງຜ່ານຂອງປາ, ຄຸນນະ ພາບນໍ້າ, ການໄຫລຂອງຕະກອນ, ການເຊາະເຈື່ອນຂອງດິນຕາມແຄມນໍ້າຂອງ ແລະ ການຫລຸດລົງຂອງຈໍານວນປະຊາກອນແລະ ຊະນິດຂອງປາ.
ທີ່ມາ: facebook.com/421087478095038