Saturday, July 20, 2024
Lenovo

ບໍ່​ທຳ​ມະ​ດາ! ເມືອງແບງ ມີຜົນສໍາເລັດໃນວຽກງານພັດທະນາເສດຖະກິດຫຼາຍ​ດ້ານ

ໃນຕະຫອດໄລຍະ 1 ປີ ຜ່ານມານີ້ ທາງຄະນະພັກ, ຄະນະນໍາຂອງເມືອງແບງ ແຂວງອຸດົມໄຊ ໄດ້ເອົາໃຈໃສ່ເຄື່ອນໄຫວຊີ້ນຳ ນຳພາ ພະນັກງານ, ລັດຖະກອນ ຕະຫລອດຮອດ ປະຊາຊົນທົ່ວເມືອງ ຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ ຢ່າງຕັ້ງໜ້າ ເຊິ່ງເຮັດໃຫ້ມີຜົນສຳເລັດໃນຫລາຍດ້ານ.

ໂດຍສະເພາະແມ່ນ ວຽກງານກະສິກຳ ແລະ ປ່າໄມ້ ເຊິ່ງສາມາດກໍ່ສ້າງຊົນລະ ປະທານ ໄດ້ 1 ໂຄງການ ເຊິ່ງປະກອບມີ 3 ຈຸດຄື ນ້ຳແບງ, ນ້ຳແມດ ແລະ ນ້ຳລໍ.ຊຸກຍູ້ສົ່ງເສີມຊາວກະສິກອນ ປູກພືດເປັນສິນຄ້າ ເຊັ່ນ ຫມາກໂມ, ຫມາກຖົ່ວ, ນາແຊງ ແລະ ຜັກປະເພດຕ່າງໆ ກວມເນື້ອທີ ເກືອບ 5 ຮ້ອຍເຮັກຕາ, ຂຸດຄົ້ນລາຍຮັບເຂົ້າງົບປະມານ ໄດ້ທັງຫມົດ 28,4 ຕື້ກວ່າກີບ, ຄຸ້ມຄອງລາຍຈ່າຍໄດ້ທັງຫມົດ 28,2 ຕື້ກີບ; ສົ່ງເສີມສິນຄ້າຜ້າຝ້າຍພື້ນເມືອງ ຕິດພັນກັບການສະເຫລີມສະຫລອງ ປີທ່ອງທ່ຽວລາວ, ສ້າງຕັ້ງກຸ່ມຫັດຖະກຳ ພາຍໃນເມືອງໄດ້ຈຳນວນ 10 ກຸ່ມ, ອອກໃບທະບຽນ ວິສາຫະກິດຖາວອນໄດ້ 39 ຖະບຽນ; ກໍ່ສ້າງ ແລະ ຍົກລະດັບເສັ້ນທາງບ້ານນາຫວານນ້ອຍ, ແກ້ໄຂ, ສ້ອມແປງສຸກເສີນທາງຫລວງແຫ່ງຊາດ; ໄດ້ຮັບການລົງທຶນ ຂອງລັດຈຳນວນ 3 ໂຄງການໃນມູນຄ່າ 1,4 ຕື້ກວ່າກີບ, ທຶນແກ້ໄຂຄວາມທຸກຍາກ 3 ໂຄງການ ມູນຄ່າ 700 ກວ່າລ້ານກີບ.

ປີ 2018 ຜ່ານມາ ໄດ້ອອກໃບຕາດິນປຸກສ້າງ ແລະ ດິນກະສິກຳ ໄດ້ 1,732 ຕອນ, ເນື້ອທີ່ 300 ກວ່າເຮັກຕາ, ຈົດທະບຽນຫລັກຊັບຄ້ຳປະກັນຈຳນວນ 145 ຕອນ, ອອກໃບຕາດິນລັດ ລວມຫມູ່ໄດ້ 8 ຕອນ; ສຳເລັດໃນການຂະຫຍາຍຕາ ຂ່າຍໄຟ້າ 0,4 ກິໂລໂວນ ເຂົ້າບ້ານປະຊາຊົນ,ຕິດຕັ້ງກົງເຕີໄຟ້າໄດ້ 124 ໜ່ວຍ.

ທີ່​ມາ: ຂ​ປ​ລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.