Saturday, July 20, 2024
Lenovo

ລາວບໍ່​ນ້ອຍ​ໜ້າ! ມີຜູ້ຕິດເຊື້ອພະຍາດໄຂ້ຍຸງລາຍ 6 ພັນກວ່າກໍລະນີ ເສຍຊີວິດ 19 ຄົນ

ໃນທົ່ວໂລກ ມີຜູ້ຕິດເຊື້ອພະຍາດໄຂ້ຍຸງລາຍຫລາຍກວ່າ 390 ລ້ານຄົນ, ລວມມີທະວີບເອີຣົບຕາເວັນອອກ ແລະ ອາເມລິກາ. ໃນປີ 2018 ຢູ່ ສປປ ລາວ ເຫັນວ່າ ມີຜູ້ຕິດເຊື້ອ 6 ພັນກວ່າກໍລະນີ ແລະ ເສຍຊີວິດ 19 ຄົນ, ໃນນີ້ ແຂວງ ອັດຕະປື ແມ່ນມີອັດຕາການຕິດເຊື້ອຫລາຍກວ່າໝູ່ ຮອງລົງມາແມ່ນນະຄອນຫລວງວຽງຈັນ, ແຂວງຈຳປາສັກ ແລະ ສະຫວັນນະເຂດ.

ເຊິ່ງສາເຫດທີ່ເຮັດໃຫ້ການຕິດເຊື້ອຍັງສູງ ຍ້ອນຄວາມແອອັດເພີ່ມຂຶ້ນຢູ່ໃນເຂດຕົວເມືອງ, ຊານເມືອງ, ປະລິ ມານຂີ້ເຫຍື້ອເພີ່ມຂຶ້ນ, ຂະບວນການອະນາໄມຍັງເຮັດບໍ່ທັນໄດ້ດີເທົ່າທີ່ຄວນ. ສໍາລັບກໍລະນີເສຍຊີວິດສ່ວນ ໃຫຍ່ ແມ່ນຍ້ອນອາການພະຍາດໄຂ້ຍຸງລາຍເບື້ອງຕົ້ນຄ້າຍຄືໄຂ້ຫວັດຖືເບົາບໍ່ໄປໂຮງໝໍ ຂໍ້ມູນດັ່ງກ່າວ, ແມ່ນໄດ້ລາຍງານໃນກອງປະຊຸມສະຫລຸບການຈັດຕັ້ງປະຕິບັດ ກິດຈະກຳການຕ້ານພະຍາດໄຂ້ຍຸງລາຍ ປີ 2018 ແລະ ການວາງແຜນ ປີ 2019 ກ່ຽວກັບການຄວບຄຸມພະຍາດໄຂ້ຍຸງລາຍໃນຂອບເຂດທົ່ວປະເທດ, ຊຶ່ງຈັດຂຶ້ນໃນວັນທີ 2 ມັງກອນ 2019 ທີ່ແຂວງວຽງຈັນ.

ທີ່​ມາ: ຂ​ປ​ລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ