Saturday, July 20, 2024
Lenovo

ຮູ້​ໄວ້! ລາວເຮົາມີສາຍພົວພັນການທູດກັບ 141 ປະເທດແລ້ວ!

ທ້າຍ​ປີ 2018 ​ແລ້ວນີ້, ທີ່ກະ­ຊວງ​ການ​ຕ່າງ­ປະ­ເທດ ໄດ້​ຈັດ​ກອງ​ປະ­ຊຸມ​ເພື່ອ​ສະ­ຫຼຸບ​ການ­ເຄື່ອນ­ໄຫວ​ວຽກ​ງານ​ປະ­ຈຳ​ປີ 2018 ແລະ ທິດ​ທາງ​ແຜນ­ການ​ປະ­ຈຳ​ປີ 2019 ຈັດ​ຂຶ້ນ​ທີ່​ກະ­ຊວງ​ຂອງ​ຕົນ ເປັນ​ປະ­ທານ​ຂອງ​ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ມີ​ບັນ­ດາ​ຮອງ​ລັດ­ຖະ­ມົນ­ຕີ ຄະ­ນະ​ກົມ ພະ­ນັກ­ງານ​ອາ­ວຸ­ໂສ​ບຳ­ນານ ພ້ອມ​ດ້ວຍ​ພະ­ນັກ­ງານ​ຫຼັກ​ແຫຼ່ງ​ເຂົ້າ​ຮ່ວມ.

    ທ່ານ ໂພ​ໄຊ ໄຂ​ຄຳ​ພິ­ທູນ ຫົວ­ໜ້າ​ຫ້ອງ­ການ​ກະ­ຊວງ​ການ​ຕ່າງ­ປະ­ເທດ ໄດ້​ສະ­ຫຼຸບ​ຕີ​ລາ­ຄາ​ການ­ເຄື່ອນ­ໄຫວ​ວຽກ​ງານ​ການ​ຕ່າງ­ປະ­ເທດ ໂດຍ​ໄດ້​ຍົກ​ໃຫ້​ເຫັນ​ສະ­ພາບ​ແວດ​ລ້ອມ​ໃນ​ພາກ​ພື້ນ ແລະ ສາ­ກົນ​ທີ່​ພວມ​ຜັນ​ແປ​ໄປ​ຢ່າງ​ສັບ­ສົນ​ສະ­ຫຼັບ​ສັບ​ຊ້ອນ​ມີ​ທັງ​ການ​ຕໍ່­ສູ້​ແກ້ງ​ແຍ້ງ ມີ​ທັງ​ກາ­ລະ​ໂອ­ກາດ ແລະ ສິ່ງ​ທ້າ​ທາຍ ແຕ່​ທ່າ​ອ່ຽງ​ໂດຍ​ລວມ​ຍັງ​ແມ່ນ​ການ​ເສີມ​ສ້າງ​ສັນ­ຕິ­ພາບ​ການ​ຮ່ວມ​ມື​ເພື່ອ​ການ​ພັດ­ທະ­ນາ ແລະ ການ​ເຊື່ອມ​ໂຍງ ໃນ​ສະ­ພາບ​ການ​ດັ່ງ­ກ່າວ​ປະ­ເທດ​ເຮົາ ໄດ້​ສືບ­ຕໍ່​ເຄື່ອນ​ໄຫວ​ການ​ຕ່າງ­ປະ­ເທດ​ຢ່າງ​ຫ້າວ­ຫັນ ໂດຍ​ຢຶດ​ໝັ້ນ​ແນວ­ທາງ​ການ​ຕ່າງ­ປະ­ເທດ “ສັນ­ຕິ­ພາບ ເອ­ກະ­ລາດ ມິດ­ຕະ­ພາບ ແລະ ການ​ຮ່ວມ​ມື” ຢ່າງ​ສະ­ເໝີ​ຕົ້ນ​ສະ­ເໝີ​ປາຍ ເຄື່ອນ​ໄຫວ​ການ​ຕ່າງ­ປະ­ເທດ​ແບບ “ປ້ອງ​ກັນ​ເຫດ ແລະ ບຸກ​ທະ­ລຸ​ເພື່ອ​ປົກ​ປັກ​ຮັກ­ສາ ແລະ ສ້າງ­ສາ​ພັດ­ທະ­ນາ​ປະ­ເທດ​ຊາດ” ໂດຍ​ຢຶດ​ເອົາ​ເນື້ອ​ໃນ​ຈິດ­ໃຈ ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ X ຂອງ​ພັກ ແລະ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ຊາດ 5 ປີ ຄັ້ງ​ທີ VIII ຂອງ​ລັດ­ຖະ­ບານ ເຮັດ​ໃຫ້​ການ­ເຄື່ອນ­ໄຫວ​ຕ່າງ­ປະ­ເທດ ສືບ­ຕໍ່​ຍາດ​ໄດ້​ຜົນ­ສຳ­ເລັດ​ທີ່​ພົ້ນ​ເດັ່ນ​ຫຼາຍ​ດ້ານ ສາ­ມາດ​ຮັກ­ສາ​ສະ­ພາບ​ແວດ​ລ້ອມ​ພາຍ​ນອກ​ທີ່​ເອື້ອ​ອຳ­ນວຍ ແລະ ຍາດ​ແຍ່ງ​ຜົນ​ປະ­ໂຫຍດ​ມາ​ໃຫ້​ປະ­ເທດ​ຊາດ ໃນ​ປີ 2018 ລາວ​ເຮົາ​ໄດ້​ເຄື່ອນ​ໄຫວ​ການ​ທູດ​ຂັ້ນ​ສູງ​ຢ່າງ​ສະ​ໝ່ຳ​ສະ­ເໝີ ໃນ​ນັ້ນ ໄດ້​ເຄື່ອນ​ໄຫວ​ການ​ຕ່າງ­ປະ­ເທດ​ລະ­ດັບ​ປະ­ມຸກ​ລັດ 3 ຄັ້ງ ລະ­ດັບ​ຫົວ­ໜ້າ​ລັດ­ຖະ­ບານ 12 ຄັ້ງ ແລະ ລະ­ດັບ​ລັດ­ຖະ­ມົນ­ຕີ​ຕ່າງ­ປະ­ເທດ 32 ຄັ້ງ ຜ່ານ​ການ­ເຄື່ອນ­ໄຫວ​ວຽກ​ງານ​ການ​ຕ່າງ­ປະ­ເທດ ລາວ​ເຮົາ​ໄດ້​ຮັບ​ການ​ພັດ­ທະ­ນາ​ຢ່າງ​ຕັ້ງ­ໜ້າ ການ​ພົວ­ພັນ​ຮ່ວມ​ມື​ກັບ​ຕ່າງ­ປະ­ເທດ ໄດ້​ຮັບ​ການ​ຂະ­ຫຍາຍ­ຕົວ​ທັງ​ລວງ​ກວ້າງ ແລະ ລວງ​ເລິກ ສືບ­ຕໍ່​ບາດ­ກ້າວ​ແຫ່ງ​ການ​ເຊື່ອມ​ໂຍງ​ພາກ​ພື້ນ ແລະ ສາ­ກົນ​ຢ່າງ​ເປັນ​ເຈົ້າ​ການ ເຂົ້າ​ຮ່ວມ​ການ­ເຄື່ອນ­ໄຫວ​ໃນ​ຂອບ​ການ​ຮ່ວມ​ມື​ຂອງ​ພາກ​ພື້ນ ແລະ ສາ­ກົນ​ຢ່າງ​ຫ້າວ­ຫັນ ນອກ​ນັ້ນ ບັນ­ດາ​ສຳ­ນັກ­ງານ​ການ​ທູດ​ລາວ​ປະ­ຈຳ​ຕ່າງ­ປະ­ເທດ ໄດ້​ເອົາ­ໃຈ­ໃສ່​ເຄື່ອນ​ໄຫວ​ການ​ທູດ​ການ­ເມືອງ ການ​ທູດ​ເສດ­ຖະ­ກິດ ແລະ ການ​ທູດ​ວັດ­ທະ­ນະ­ທຳ​ຢ່າງ​ຕັ້ງ­ໜ້າ ອັນ​ໄດ້​ປະ­ກອບ­ສ່ວນ​ທີ່​ສຳ­ຄັນ​ເຂົ້າ ໃນ​ການ​ສົ່ງ­ເສີມ​ການ​ພົວ­ພັນ​ຮ່ວມ​ມື​ລະ­ຫວ່າງ​ລາວ​ກັບ​ຕ່າງ­ປະ­ເທດ ສາ­ມາດ​ປົກ​ປ້ອງ​ສິດ­ຜົນ­ປະ­ໂຫຍດ​ຂອງ​ຊາດ​ໃນ​ລະ­ດັບ​ອັນ​ແນ່­ນອນ ແລະ ທັງ​ເປັນ​ການ​ຍາດ​ແຍ່ງ​ການ​ຊ່ວຍ­ເຫຼືອ​ສາ­ກົນ ດຶງ​ດູດ​ການ​ລົງ­ທຶນ ແລະ ການ​ພົວ­ພັນ​ດ້ານ​ເສດ­ຖະ­ກິດ ປັດ­ຈຸ­ບັນ​ລາວ​ເຮົາ​ມີ​ສາຍ​ພົວ­ພັນ​ການ​ທູດ​ກັບ 141 ປະ­ເທດ ແລະ ມີ​ສຳ­ນັກ­ງານ​ຕາງ­ໜ້າ​ປະ­ຈຳ​ຢູ່​ຕ່າງ­ປະ­ເທດ 40 ແຫ່ງ ໃນ​ນັ້ນ ມີ​ສະ­ຖານ­ທູດ 26 ແຫ່ງ ສຳ­ນັກ­ງານ​ຜູ້­ຕາງ­ໜ້າ​ຖາ­ວອນ ປະ­ຈຳ​ອົງ​ການ­ຈັດ­ຕັ້ງ​ສາ­ກົນ 3 ແຫ່ງ ແລະ ສະ­ຖານ​ກົງ­ສຸນ 11 ແຫ່ງ.

    ສຳ­ລັບ​ທິດ​ທາງ​ແຜນ­ການ​ຈຸດ​ສຸມ​ປີ 2019 ສືບ­ຕໍ່​ປັບ­ປຸງ​ແກ້​ໄຂ​ຂໍ້­ຄົງ­ຄ້າງ​ໃນ​ປີ­ຜ່ານ­ມາ ແລະ ສືບ­ຕໍ່​ຢືດ​ໝັ້ນ​ປະ­ຕິ­ບັດ​ນະ­ໂຍ­ບາຍ​ການ​ຕ່າງ­ປະ­ເທດ ຕາມ​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ X ຂອງ​ພັກ ຢ່າງ​ໜັກ​ແໜ້ນ​ຄ່ອງ​ແຄ້ວ​ນິ້ມ​ນວນ ແລະ ມີ​ຈຸດ​ສຸມ.

    ໂອ­ກາດ​ນີ້ ທ່ານ ສະ­ເຫຼີມ​ໄຊ ກົມ​ມະ​ສິດ ໄດ້​ຮຽກ­ຮ້ອງ​ໃຫ້​ພະ­ນັກ­ງານ-ລັດ­ຖະ­ກອນ​ກະ­ຊວງ​ການ​ຕ່າງ­ປະ­ເທດ ຈົ່ງ​ສືບ­ຕໍ່​ຊຸກ­ຍູ້​ສົ່ງ­ເສີມ​ຜົນ­ສຳ­ເລັດ​ທີ່​ຍາດ​ມາ​ໄດ້ ແລະ ເອົາ­ໃຈ­ໃສ່​ຜັນ​ຂະ­ຫຍາຍ​ແນວ­ທາງ​ນະ­ໂຍ­ບາຍ​ຕ່າງ­ປະ­ເທດ ຕາມ​ທິດ​ທາງ​ມະ­ຕິ X ຂອງ​ສູນ​ກາງ​ພັກ​ວາງ​ອອກ ແລະ ມະ­ຕິ​ກອງ​ປະ­ຊຸມ​ວຽກ​ງານ​ການ​ຕ່າງ­ປະ­ເທດ​ທົ່ວ​ປະ­ເທດ ຄັ້ງ​ທີ 13 ໃຫ້​ມີ​ຜົນ­ສຳ­ເລັດ​ຢ່າງ​ຈົບ­ງາມ ຊຸກ­ຍູ້​ໃຫ້​ແຕ່​ລະ​ພາກ­ສ່ວນ ເອົາ­ໃຈ­ໃສ່​ກະ­ກຽມ​ເນື້ອ​ໃນ​ສຳ­ລັບ​ກອງ​ປະ­ຊຸມ​ວຽກ​ງານ​ການ​ຕ່າງ­ປະ­ເທດ ຄັ້ງ​ທີ 14 ປີ 2019.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.