Monday, May 19, 2025
Kbank Laos โอน รับ จ่าย

ກຽມ​​ໂຕລວຍ! ​ປີ 2019 ໄຊຍະຕັ້ງເປົ້າສົ່ງອອກສິນຄ້າໃຫ້ບັນລຸ 272 ຕື້ກວ່າກີບ

ໃນໄລຍະ 1 ປີຜ່ານມາການພັດທະນາອຸດສາຫະກຳ ແລະການຄ້າແຂວງ ໄຊຍະບູລີ ໄດ້ສືບຕໍ່ຂະຫຍາຍຕົວຢ່າງຕໍ່ເນື່ອງ ແລະໝັ້ັ້ນຄົງ, ຕາງໜ່າການຄ້າໄດ້ຮັບການຂະຫຍາຍຕົວຢ່າງເປັນລະບົບຈາກຕົວເມືອງໄປສູ່ເຂດຊົນນະບົດຫ່າງໄກສອກຫຼີກ, ການຄ້າຂາຍຊາຍແດນໄດ້ມີບັນ ຍາກາດຄຶກຄື້ນຍ້ອນໄດ້ຮັບການເອົາໃຈໃສ່ໃນການປັບປຸງບັນດາກົນໄກ ແລະລະບຽບຫຼັກການຕ່າງໆເຮັດໃຫ້ມູນຄ່າການຄ້າຊາຍແດນມີປະລິ ມານເພີ່ມຂຶ້ນໃນແຕ່ລະປີ, ຂະບວນການຜະລິດເປັນສິນຄ້າຂອງປະຊາຊົນຍັງມີບາດກ້າວຂະຫຍາຍຕົວຢ່າງຟົດຟື້ນໃນນັ້ນການຜະລິດທີ່ເປັນເອກະລັກຂອງທ້ອງຖິ່ນ, ປະຊາຊົນບັນເຜົ່າໄດ້ປະກົດເປັນໜໍ່ແໜງຂຶ້ນຢ່າງກວ້າງຂວາງ, ເຮັດໃຫ້ຈຳນວນໜຶ່ງໄດ້ກາຍເປັນຕົວແບບ ແລະໄດ້ຮັບການຢັ້ງຢືນກາໝາຍໂອດ໊ອບແຫ່ງຊາດຫຼາຍຜະລິດຕະພັນພ້ອມນີ້ບັນດາທຸລະກິດຂະໜາດນ້ອຍ ແລະ ກາງໄດ້ຂະຫຍາຍຕົວເພີ່ມຂຶ້ນມີທຸລະກິດໃໝ່ເກີດຂຶ້ນຢ່າງຫຼວງຫຼາຍ.

ທ່ານ ບຸນຊູ ວິໄລສັກ ຮອງຫົວໜ້າພະແນກອຸດສາຫະກຳ ແລະ ການຄ້າ ແຂວງໄຊຍະບູລີເປີດເຜີຍວ່າໃນໄລຍະຜ່ານມາການສົ່ງອອກສິນ ຄ້າໄປຕ່າງປະເທດຂອງແຂວງໄຊຍະບູລີ, ແມ່ນໄດ້ຮັບການປຸງແຕງເປັນຜະລິດຕະພັນສຳເລັດຮູບ ແລະເຄິ່ງສຳເລັດຮູບເພີ່ມຂຶ້ນທັງເຮັດໃຫ້ມູນຄ່າການສົ່ງອອກສິນຄ້າມີຈຳນວນເພີ່ມຂຶ້ນ, ຖ້າທຽບໃສ່ໄລຍະຜ່ານມາທີ່ສົ່ງອອກເປັນວັດຖຸດິບ, ສ່ວນການນຳເຂົ້າສິນຄ້າຈາກຕ່າງປະ ເທດແມ່ນໄດ້ຕິດຕາມຄຸ້ມຄອງເປັນພິເສດ, ເພື່ອບໍ່ໃຫ້ກະທົບຕໍ່ການຜະລິດ ແລະຄວາມຮຽກຮ້ອງຕ້ອງການພາຍໃນແຕ່ການນຳເຂົ້າສິນຄ້າສ່ວນໃຫ່ຍແມ່ນອຸປະກອນເພື່ອຮັບໃຊ້ແກ່ການຜະລິດເຄື່ອງໃຊ້ສອຍປະຈຳວັນ.

ສະແດງອອກໃນໜຶ່ງປີຜ່ານມາ ແຂວງໄຊຍະບູລີ ສາມາດສົ່ງອອກສິນຄ້າໄປຕ່າງປະເທດບັນລຸໄດ້ 31 ລ້ານກວ່າ ໂດລາ, ປະມານ 263,5 ຕື້ກີບ ທຽບໃສ່ແຜນການປະຕິບັດໄດ້ 98,57% ທຽບໃສ່ໄລຍະດຽວຂອງປີຜ່ານມາເພີ່ມຂຶ້ນ 3,50% ໃນນັ້ນສິນຄ້າທີ່ສົ່ງອອກຫຼາຍກວ່າໝູ່ແມ່ນຜົນຜະລິດກະສິກຳ ແລະ ສິນຄ້າທີ່ເປັນທ່າແຮງຂອງການສົ່ງອອກຂອງແຂວງຍັງແມ່ນສາລີ, ມັນຕົ້ນ, ໝາກເດືອຍ, ສ່ວນການນຳເຂົ້າສິນຄ້າບັນລຸໄດ້ທັງໝົດ 17 ລ້ານກວ່າໂດລາ ຫຼື ປະມານ 144,5 ຕື້ກີບ ທຽບໃສ່ແຜນການປີ 94,66% ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 149,59% ສິນຄ້າທີ່ນຳເຂົ້າສ່ວນຫຼາຍແມ່ນໝວດສະບຽງອາຫານ, ເຄື່ອງນຸ່ງ ແລະ ການນຳເຂົ້າສິນຄ້າຮັບໃຊ້ໂຄງການກໍ່ສ້າງພື້ນຖານໂຄງລ່າງຂອງແຂວງ.

ທ່ານ ບຸນຊູ ວິໄລສັກ ຍັງກ່າວຕື່ມວ່າເພື່ອເຮັດໃຫ້ແຜນພັດທະນາວຽກງານອຸດສາຫະກຳ ແລະ ການຄ້າ 5 ປີກໍ່ຄືແຜນການປີ 2019 ໃຫ້ບັນລຸຕາມຈຸດປະສົງເປົ້າໝາຍພະແນກອຸດສາຫະກໍາ ແລະ ການຄ້າຕ້ອງໄດ້ເອົາໃຈໃສ່ຊຸກຍູ້ສົ່ງເສີມຈັດຕັ້ງປະຕິບັດແຜນງານຕ່າງໆເຊັ່ນ: ຊຸກຍູ້ເຮັດໃຫ້ການສົ່ງອອກສິນຄ້າໄປຕ່າງປະເທດໃຫ້ບັນລຸ 32 ລ້ານກ່ວາໂດລາ ຫຼື ປະມານ 272 ຕື້ກີບ, ຄຸ້ມຄອງການນຳເຂົ້າສິນຄ້າຈາກຕ່າງປະເທດໃຫ້ຢູ່ໃນລະດັບ 18 ລ້ານກວ່າໂດລາປະ ມານ153 ຕື້ກີບ.

ເພື່ອບັນລຸຕາມແຜນທີ່ຕັ້ງໄວ້ຕ້ອງດຶງດູດນັກທຸລະກິດພາຍໃນ ແລະຕ່າງປະເທດເຂົ້າມາລົງທຶນໃນດ້ານອຸດສາຫະກຳ ແລະຫັດຖະກຳໃຫ້ຫຼາຍຂຶ້ນ, ເພື່ອຂະຫຍາຍການຜະລິດພານໃນ ແລະ ຫຼຸດຜ່ອນການສົ່ງອອກສິນຄ້າໄປຕ່າງປະເທດເປັນວັດຖຸດິບຄຽງຄູ່ກັນນັ້ນຕ້ອງໄດ້ປັບປຸງບັນດາໂຮງງານເຂົ້ົາສູ່ມາດຕະຖານທີ່ກະຊວງອຸດສາຫະກຳ ແລະ ການຄ້າກຳນົດໄວ, ເພີ່ມທະວີກການຮ່ວມມືກັບບັນດາປະເທດເຊັ່ນຈີນ, ຫວຽດນາມ ແລະ ໄທ, ເພື່ອຂະຫຍາຍຕະຫຼາດການສົ່ງອອກສິນຄ້າໄປຕ່າງປະເທດໃຫ້ຫຼາຍຂຶ້ນໂດຍສະເພາະສິນຄ້າກະສິກຳທີ່ແຂວງໄຊຍະບູລີມີທ່າແຮງຄືສາລີ, ໝາກເດືອຍ ແລະ ອື່ນໆອີກ, ທ່ານຮອງຫົວໜ້າພະແນກກ່າວ.

ທີ່​ມາ: facebook.com/1951689711535685

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ພຣະທາດແມວສີ ເມືອງລອງ ແຂວງຫຼວງນ້ຳທາ

"ພະທາດແມວສີ" ທີ່ຕັ້ງຢູ່ບ້ານສະ, ເມືອງ ລອງ, ແຂວງຫຼວງນໍ້າທາ ຢູ່ຈອມພູສູງ ຫ່າງຈາກລະດັບນໍ້າທະເລ 1,000 ກວ່າແມັດ, ທິດເໜືອ ຕິດກັບປ່າໄມ້ ທິດໃຕ້ຕິດກັບ ທາງໄປບ້ານສະ, ທິດຕາເວັນອອກຕິດກັບປ່າໄມ້ ທິດຕາເວັນຕົກຕິດກັບ ແມ່ນໍ້າຂອງເຊິ່ງເປັນຊາຍແດນຂັ້ນລະຫວ່າງ ລາວ-ມຽນມາ

ວັດສຸວັນນະຄີລີ ນະຄອນຫຼວງພະບາງ

"ວັດສຸວັນນະຄີລີ" ທີ່ຕັ້ງຢູ່ ບ້ານຊຽງທອງ-ຄີລີ ຖະໜົນສັກກະລິນ, ຕິດກັບວັດປາກຄານ ຄໍາມຸງຄຸນ, ເປັນອີກວັດທີ່ຊາວໄທພວນ ຈາກຊຽງຂວາງ ເປັນຜູ້ສ້າງຂຶ້ນ ເພື່ອເປັນອະນຸສອນແກ່ກອງທັບຊາວພວນ ທີ່ສູ້ຮົບ ກັບກອງທັບຂອງພະມ້າ.

ວິທີລົງທະບຽນແຈ້ງເຂົ້າປະເທດໄທຜ່ານ DTAC ເຮັດໄດ້ງ່າຍໆ ດ້ວຍຕົວເອງຜ່ານມືຖື

ພາຍຫຼັງທີ່ໄດ້ມີການແຈ້ງການໃຫ້ຮູ້ກ່ຽວກັບການເດີນທາງເຂົ້າປະເທດໄທ ຕ້ອງໄດ້ລົງທະບຽນຜ່ານ TDAC ລ່ວງໜ້າກ່ອນ ບໍ່ເກີນ 3 ມື້, ຕັ້ງແຕ່ວັນທີ 1 ພຶດສະພາ 2025 ເປັນຕົ້ນມາ, ຫຼາຍຄົນອາດຈະຍັງບໍ່ທັນຮູ້ວິທີລົງທະບຽນເທື່ອ ມື້ນີ້ ອິນໄຊລາວ ຈະມາບອກວິທີລົງທະບຽນໃຫ້ຮູ້ຢ່າງລະອຽດ ພ້ອມລິ້ງລົງທະບຽນ ດັ່ງນີ້