ສົບ ຄືຄົນທີ່ຕາຍ ມີນ້ຳເຫຼືອງໄຫຼຍ້ອຍອອກມາ
ຜີ ຄືຄວາມຊົ່ວ, ກິເລດທັງຫຼາຍ ແລະອະບາຍຍະມຸກເປັນຕົ້ນ.
ອະບາຍຍະມຸກ ຄື ຜີທີ່ສິງຢູ່ໃນເຮືອນຮ່າງຂອງມະນຸດນັ້ນເອງ ມີແຕ່ຈະນຳຄວາມພິນາດມາໃຫ້ ອະບາຍຍະມຸກເປັນປາກທາງແຫ່ງຄວາມຈິບຫາຍວາຍວອດ, ເປັນປາກທາງແຫ່ງຄວາມເສື່ອມ ແລະເປັນປາກທາງແຫ່ງຄວາມຫາຍະນະ.
ຜີຕົວທີ່ 1 ມັກກິນເຫຼົ້າເປັນນິດໄສ ບໍ່ມັກກິນເຂົ້າປາເປັນອາຫານ.
ຜີຕົວທີ່ 2 ມັກທ່ຽວກາງຄືນ ບໍ່ຮັກລູກຮັກເມຍ ແລະຮັກຄົນໃກ້ຊິດ.
ຜີຕົວທີ່ 3 ມັກທ່ຽວໜ້າຮ້ານ ປາກົດໂຕຢູ່ທຸກວົງດົນຕີ ແລະຕາມຜັບບາ.
ຜີຕົວທີ່ 4 ຄົບຄົນຊົ່ວມົ້ວກັບໂຈນ ໜີບໍ່ພົ້ນຄຸກຕະລາງ
ຜີຕົວທີ່ 5 ມັກຫຼິ້ນການພະນັນ ເປັນຕົ້ນ ເບ້ຍ, ເຈ້ຍໄພ້,ຕີໄກ່, ໄຮໂລ…
ຜີຕົວທີ່ 6 ຂີ້ຄ້ານໃນການເຮັດຢູ່ທຳກິນ ມີທັງໜີ້ສິນ ແລະຄວາມທຸກຍາກ.
ຖ້າຄົນລາວບໍ່ມີ 6 ສິ່ງນີ້, ຈະເລີນ, ກ້າວໜ້າ ຮຸ່ງເຮືອງແນ່ນອນ.
