Friday, April 25, 2025
Kbank Laos โอน รับ จ่าย

ສາລະວັນ ພ້ອມເລັ່ງປັບປຸງແກ້ໄຂ ເອື້ອອຳນວຍແກ່ນັກທ່ອງທ່ຽວ

ທ່ານ ສົມໃຈ ອຸ່ນຈິດ  ຫົວຫນ້າພະແນກຖະແຫລງຂ່າວ  ວັດທະນະທຳ ແລະ ທ່ອງທ່ຽວແຂວງສາລະວັນ  ໃຫ້ສຳພາດຕໍ່ນັກຂ່າວ ໃນບໍ່​ດົນ​ມານີ້ວ່າ:  ຜ່ານມາອົງການປົກຄອງແຂວງ  ໄດ້ຖືສຳຄັນການພັດທະ ນາແຫລ່ງ ທ່ອງທ່ຽວ  ທີ່ເປັນບູລິມະສິດຂອງແຂວງ ໂດຍດຶງເອົາພາກທຸລະກິດ  ແລະ ປະຊາຊົນເຂົ້າມາມີສ່ວນ ຮ່ວມ.  ພ້ອມທັງ ໄດ້ແກ້ໄຂບັນຫາການເຂົ້າ-ອອກເມືອງຂອງນັກທ່ອງທ່ຽວ  ໃຫ້ມີຄວາມສະດວກສະ ບາຍ  ແລະ ຄ່ອງຕົວ, ເອົາໃຈໃສ່ຄຸ້ມ ຄອງລາ ຄາ  ແລະ ປັບປຸງຂອດບໍລິການຂອງຜູ້ປະກອບການໂຮງ ແຮມ,  ເຮືອນພັກ, ຮ້ານອາຫານໃຫ້ເຫມາະສົມ  ແລະ ປະທັບໃຈນັກທ່ອງທ່ຽວ.

ການພັດທະນາວຽກງານທ່ອງທ່ຽວ  ຢູ່ແຂວງສາລະວັນ ປັດຈຸບັນ  ມີສະຖານທີ່ທ່ອງທ່ຽວທັງ ໝົດ 96 ແຫ່ງ  ໃນນັ້ນ, ເປັນສະຖານທີ່ທ່ອງທ່ຽວທຳມະຊາດ  53 ແຫ່ງ, ວັດທະນະທຳ 37 ແຫ່ງ  ແລະ ປະຫວັດສາດ 6 ແຫ່ງ ເຊັ່ນ:  ຕາດເລາະ, ຕາດຮັງ ແລະ ອຸທິຍານພູຜາສຸກ  ເປັນສຳຄັນ ເພື່ອດຶງດູດນັກທ່ອງ ທ່ຽວ  ໃຫ້ເຂົ້າມາທ່ຽວພາຍໃນແຂວງນັບມື້ຫລາຍຂຶ້ນ,  ໄດ້ສົມທົບກັບພາກສ່ວນກ່ຽວຂ້ອງຄຸ້ມຄອງລາຄາສິນ ຄ້າ  ຢູ່ຕາມທ້ອງຕະຫລາດບໍ່ໃຫ້ເຫນັງຕີງ  ເຊິ່ງເປັນການເອົາປຽບ ນັກທ່ອງ ທ່ຽວ.  ພ້ອມທັງປຸກລະດົມຊຸກຍູ້ ແລະ ສົ່ງເສີມ ໃຫ້ພາກເອກະຊົນເຂົ້າມາມີສ່ວນຮ່ວມພັດທະນາແຫລ່ງທ່ອງທ່ຽວຕ່າງໆ ໃຫ້ດີຂື້ນ. ສ່ວນສະຖານ  ທີ່ທ່ອງທ່ຽວທີ່ໄດ້ຮັບຄວາມນິຍົມຈາກນັກທ່ອງທ່ຽວ ໃນປັດຈຸບັນ ແມ່ນນ້ຳຕົກຕາດເລາະ ແລະ ຕາດຮັງ.

ທີ່​ມາ: ຂ​ປ​ລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ພຣະເຈົ້າແສນແຊ່!ພຣະພຸດທະຮູບອົງສັກສິດຂອງແຂວງບໍ່ແກ້ວ

ພຣະເຈົ້າແສນແຊ່ ທີ່ປະດິດສະຖານໄວ້ທີ່ ວັດສີບຸນເຮືອງ, ເມືອງຕົ້ນເຜິ້ງ, ແຂວງບໍ່ແກ້ວ ເ້ປັນອີກໜຶ່ງພຣະພຸດທຸຮູບອົງສັກສິດ ທີ່ປະຊາຊົນຊາວແຂວງບໍ່ແແກ້ວໃຫ້ຄວາມເຄົາລົບນັບຖື.

ວັດວິຊຸນນະຣາດ (ພຣະທາດໝາກໂມ) ນະຄອນຫຼວງພຣະບາງ

#ວັດວິຊຸນ ເປັນວັດທີ່ເກົ່າແກ່ໃນຫຼວງພະບາງ ສ້າງຕັ້ງຂຶ້ນໃນປີ 1512 ໃນສະໄໝຂອງ ເຈົ້າຊີວິດວິຊຸນນະລາດ (1501-1520) ໂຄງຫຼັງຄາມີສອງຊັ້ນ, ເປັນຊົງສິລະປະແບບຊາວພວນ, ມີ 12 ເສົາ, ລວງສູງ 30 ແມັດ. ໃນຂອບເຂດວັດວິຊຸນມີສະຖາປັດຕິຍະກໍາທີ່ລະອຽດອ່ອນທີ່ຊົງຄຸນຄ່າ ແລະ ງົດງາມ.

Vietjet ເປີດ​ຖ້ຽວ​ບິນ​ໄປ​ເກາະ​ໂກນ​ດ່າວ, ສະ​ເໜີ​ທາງ​ເລືອກ​ທີ່ຫຼາກຫຼາຍ​ ​ໃນການ​ທ່ອງ​ທ່ຽວ​ຫວຽດນາມ​ໃນ​ລະດູ​ຮ້ອນ​ນີ້

(ນະຄອນຫຼວງວຽງຈັນ, ວັນທີ 23 ເມສາ 2025) – Vietjet ເປີດຕົວ 2 ເສັ້ນທາງໂດຍກົງໃໝ່ເຊື່ອມຕໍ່ຮ່າໂນ້ຍ ແລະ ນະຄອນໂຮ່ຈີມິນ ກັບເກາະໂກນດ່າວ ເກາະທີ່ມີທຳມະຊາດສວຍງາມຂອງປະເທດຫວຽດນາມ, ການເປີດຕົວເສັ້ນທາງໃໝ່ນີ້ຈະຊ່ວຍປັບປຸງການເຊື່ອມຕໍ່ພາຍໃນຂອງສາຍການບິນ ​ແລະ ສະໜອງ​ຄວາມ​ສະດວກ​ໃຫ້​ນັກ​ທ່ອງ​ທ່ຽວ​ເຂົ້າ​ເຖິງ​ສະຖານທີ່ສຳຄັນດ້ານ​ປະຫວັດສາດ ​ແລະ ຈຸດໝາຍປາຍທາງອັນສັກສິດ​ຂອງ​ຫວຽດນາມ.