ຖ້າເຈົ້າເປັນຄົນລາວ ແລ້ວເຈົ້າບໍ່ເຄີຍໄປທ່ຽວບຸນຊ້າງ ຢູ່ແຂວງໄຊຍະບູລີ ຖືວ່າ ເຈົ້າຍັງບໍ່ຮູ້ຈັກອະນາຈັກລາວລ້ານຊ້າງຢ່າງພຽງພໍເລີຍ!.
ແລະມື້ນີ້, ແອັດຈະພາໄປຮູ້ຈັກທີ່ມາຂອງບຸນຊ້າງ ວ່າຈັດມາຈັກເທື່ອແລ້ວ!
ງານມະຫະກຳບຸນຊ້າງ ປະຈຳປີ 2019 ນີ້, ຈະຈັດຂຶ້ນກາງເດືອນກຸມພາ ລະຫວ່າງ 23-28/2/2019 ຖ້ານັບກໍເປັນຄັ້ງທີ່ 13 ເຊິ່ງມີປະຫວັດການຈັດມາຕາມເມືອງຕ່າງໆດັ່ງນີ້:
ຄັ້ງທີ່ 1 ຈັດຂຶ້ນທີ່ ເມືອງປາກລາຍ ເມື່ອປີ 2007.
ຄັ້ງທີ່ 2 ຈັດຂຶ້ນທີ່ ເມືອງຫົງສາ ເມືອປີ 2008.
ຄັ້ງທີ່ 3 ຈັດຂຶ້ນທີ່ ເມືອງໄຊຍະບູລີ ເມື່ອປີ 2009.
ຄັ້ງທີ່ 4 ຈັດຂຶ້ນທີ່ ເມືອງຫົງສາ ເມືອປີ 2010.
ຄັ້ງທີ່ 5 ຈັດຂຶ້ນທີ່ ເມືອງປາກລາຍ ເມື່ອປີ 2011.
ຄັ້ງທີ່ 6 ຈັດຂຶ້ນທີ່ ເມືອງໄຊຍະບູລີ ເມືອປີ 2012.
ຈາກຄັ້ງທີ່ 6 ເປັນຕົ້ນມາ ເມືອງໄຊຍະບູລີກໍ່ ໄດ້ເປັນເມືອງເຊິ່ງເປັນຕົວແທນຂອງແຂວງຈັດງານມະຫະກຳບຸນຊ້າງຕະຫລອດມາທຸກໆປີ ຈົນຮອດປະຈຸບັນນີ້ ກໍ່ເນື່ອງຈາກວ່າ ມີຄວາມພ້ອມດ້ານສະຖານທີ່ ແລະສິງອຳນວຍຄວາມສຳດວກຕ່າງໆ ໃຫ້ແກ່ຊ້າງ ຜູ້ຄົນທີ່ມາທ່ຽວເບິ່ງ
ດັ່ງນັ້ນຈຶ່ງເປັນປະເພນີບຸນປາງໃຫຍ່ຂອງແຂວງໄຊຍະບູລີ ທີ່ມີຊ້າງມາໂຮມໂຕກັນແບບນີ້ ເຊິ່ງເປັນສິ່ງດຶງດຸດ ເປັນສິ່ງເອກອ້າງ ແລະສ້າງຊື່ສຽງໃຫ້ແຂວງໄຊຍະບູລີ ກໍ່ຄືປະເທດລາວເຮົາ ແລະຈະສຶບເປັນປະເພນີ ທີ່ມີການຈັດຂຶ້ນທຸກໆກາງເດືອນກຸມພາ ຂອງທຸກໆປີ ຕະຫລອດໄປ.
ແລະໃນງານນີ້,
ການບາສີສູ່ຂວັນຊ້າງ ເປັນກິດຈະກຳທີ່ສະແດງເຖິງວັດທະນະທຳທີ່ເປັນເອກະລັກ ເຊິ່ງຕິດພັນກັບການດຳລົງຊີວິດຂອງປະຊາຊົນຕັ້ງແຕ່ອາດີດຈົນເຖິງປັດຈຸບັນ, ປະຊາຊົນຜູ້ລ້ຽງຊ້າງຖືວ່າຊ້າງເປັນສະມາຊິກໃນຄອບ ຄົວ ເຊິ່ງເປັນທີ່ມາຂອງການບາສີສູ່ຂວັນຊ້າງ ເພື່ອເປັນການຂໍຄະມາ ພາຍຫຼັງທີ່ໄດ້ໃຊ້ແຮງງານຊ້າງ ເພື່ອໃຫ້ຊ້າງມີອາຍຸໝັ້ນຂວັນຍືນ.
