ແຂວງບໍລິຄໍາໄຊ ເປີດ​ງານ​ຕະຫຼາດ​ນັດ​ຂາຍ​ສິນ​ຄ້າ​ ຕິດ​ພັນ​ກັບ​ບຸນ​ນະ​ມັດ​ສະ​ການ​ວັດ​ພຣະ​ທາດ ​ພຣະ​ບາດ-ໂພນ​ສັນ​ປະ​ຈຳ​ປີ 2019 ໂດຍໃຫ້ກຽດເຂົ້າຮ່ວມຂອງທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ, ທ່ານ ບຸນ​ສົງ ເພັດ​ຈະ​ເລີນ ເຈົ້າ​ເມືອງ​ທ່າ​ພະ​ບາດ, ມີບັນດາການນໍາຂອງແຂວງ, ຂັ້ນເມືອງ ແລະພາກ​ສ່ວນ​ທີ່​ກ່ຽວ​ຂ້ອງເຂົ້າຮ່ວມ.

ທ່ານ ເຈົ້າ​ເມືອງ​ທ່າ​ພະ​ບາດ ໃຫ້ຮູ້ວ່າ: ການຈັດງານ​ໃນ​ຄັ້ງ​ນີ້​ວ່າ: ເປັນ​ງານ​ໜື່ງ​ທີ່​​ເຄີຍ​ສືບ​ທອດ​ກັນ​ມາ​ໃນ​ທຸກໆ​ປີ​ຢ່າງ​ຕໍ່​ເນື່ອງ ແລະ ຖື​ວ່າ​ເປັນ​ງານ​​ປາງບຸນ​ໃຫ​ຍ່​ອັນ​ໜື່ງ​ຂອງ​ປະ​ຊາ​ຊົນ​ຊາວ​ແຂວງ​ບໍ​ລິ​ຄຳ​ໄຊ ກໍຄື ຊາວ​ເມືອງ​ທ່າ​ພະ​ບາດ ເພື່ອ​ເຄົາ​ລົບ​ສາ​ກາ​ລະ​ບູ​ຊາ​ຮອຍ​ພຣະ​ພຸດ​ທະ​ບາດ ແລະວັດ​ພຣະ​ບາດ​ໂພນ​ສັນ.

ພ້ອມ​ດຽວ​ກັນ​ນີ້​ທາງ​ອຳ​ນາດ​ການ​ປົກ​ຄອງ​ເມືອງ ກໍໄດ້​ຖື​ໂອ​ກາດ​ຈັດ​ງານ​ຕະຫຼາດ​ນັດ​ຂາຍ​ສິນ​ຄ້າ​ເພື່ອ​ເປັນ​ການ​ເປີດ​ໂອ​ກາດ​ຊ່ອງ​ທາງ​ໃຫ້​ແກ່​ພໍ່​ແມ່​ປະ​ຊາ​ຊົນ​ບັນ​ດາ​ເຜົ່າ​ຕະຫຼອດ​ຮອດ​ຜູ້​ປະ​ກອບ​ການ​ດຳ​ເນີນ​ທຸ​ລະ​ກິດ​ຕ່າງໆ​ໄດ້​ນຳ​ເອົາ​ຜົນ​ຜະ​ລິດ ແລະຜະ​ລິດ​ຕະ​ພັນ​ທີ່​ເປັນ​ພູມ​ປັນ​ຍາ​ຂອງ​ຊາວ​ບ້ານ​ເຂົ້າ​ມາ​ວາງ​ສະ​ແດງ ແລະ ຈຳ​ໜ່າຍ​ເພື່ອ​ໃຫ້​ຜູ້​ມາ​ທ່ຽວ​ງານ​ດັ່ງ​ກ່າວ​ໄດ້​ຊື່ ເພື່ອ​ເປັນ​ຂອງ​ຕ້ອນ-ຂອງຝາກ ແລະ ຂອງ​ໃຊ້​ໃນ​ຄອບ​ຄົວ, ທັງ​ເປັນ​ການ​ເປີດ​ໂອ​ກາດ​ໃຫ້​ແກ່​ຜູ້​ປະ​ກອບ​ການ​ໄດ້​ມີ​ການ​ພົບ​ປະ ແລະ ແລກ​ປ່ຽນ​ຮຽນ​ຮູ້​ໃນ​ການ​ພັດ​ທະ​ນາ​ສິນ​ຄ້າ​ຂອງ​ຕົນ​ໃຫ້​ນັບ​ມື້​ນັບ​ໂດດ​ເດັ່ນ​ທາງ​ດ້ານ​ປະ​ລິ​ມານ ແລະຄຸນ​ນະ​ພາບ​ສູງ​ຂຶ້ນ​ທັງ​ພາຍ​ໃນ ແລະຕ່າງ​ປະ​ເທດ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

​ງານ​ຕະຫຼາດ​ນັດ​ປີນີ້ ​ມີ​ຈຳ​ນວນ​ບັນ​ດາ​​ຫ້າງ​ຮ້ານ​ທີ່​ເຂົ້າ​ຮ່ວມ​ວາງ​ສະ​ແດງ ແລະຈຳ​ໜ່າຍສິນຄ້າ​ທັງ​ໝົດ 124 ຮ້ານ, ໃນນີ້ ມີ​ຫ້າງ​ຮ້ານ, ໂຮງ​ງານ ທີ່​ຖຶກ​ເຊີນ​ມາຈາກ​ຕ່າງ​ເມືອງ ​ແລະຕ່າງ​ແຂວງ 30 ຮ້ານ ແລະໄດ້ແບ່ງ​ອອກ​ເປັນ 4 ໂຊນ​ຄື: ໂຊນ​ຂາຍ​ສິນ​ຄ້າ​ຫັດ​ຖະ​ກຳ​ຂອງ​ບັນ​ດາ​ກຸ່ມ​ຜະ​ລິດ​ຕະ​ພັນ, ໂຊນ​ຮ້ານ​ອາ​ຫານ ແລະ ເຄື່ອງ​ດື່ມ, ໂຊນ​ຮ້ານ​ຄ້າ​ຂາຍ​ເຄື່ອງ​ທົ່ວ​ໄປ ແລະໂຊນ ຕົນ​ຕີ ແລະເຄື່ອງຫຼິ້ນ​ຕ່າງໆ, ໂດຍ​ສະ​ເລ່ຍ​ມູນ​ຄ່າທັງ​ໝົດ 12 ຕື້​ກວ່າ​ກີບ.

ງານ​ບຸນ​ຈະ​ດຳ​ເນີນ​ໄປ​ຮອດ​ວັນ​ທີ່ 20 ເດີ​ພີ່​ນ້ອງ! ຈຶ່ງ​ປິ​ດ​ລົງ.

Hits: 8

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້