ເຈົ້າຄອງນະຄອນຫຼວງວຽງຈັນອອກຄຳສັ່ງແນະນຳເລກທີ 0001/ຈນວ ລົງວັນທີ 24 ມັງກອນ 2019 ຊີ້ນຳໃຫ້ພາກສ່ວນກ່ຽວຂ້ອງກໍຄືພໍ່ແມ່ປະຊາຊົນກຽມສະກັດກັ້ນ ແລະ ຕອບໂຕ້ພະຍາດໄຂ້ຍຸງຫຼາຍເພື່ອບໍ່ໃຫ້ມີການລະບາດໃຫຍ່ຄືໃນປີ 2013.

ໃນຄຳສັ່ງແນະນຳດັ່ງກ່າວມີການກຳນົດມາດຕະການຕ່າງໆ ລວມທັງສັ່ງໃຫ້ແຕ່ລະບ້ານແຕ່ງໜ່ວຍກວດກາໜອນນ້ຳຍຸງບ້ານລະ 5-10 ຄົນ ຂຶ້ນກັບບ້ານນ້ອຍບ້ານໃຫຍ່ ແລະ ຕິດຕາມກວດກາແຕ່ລະຄົວເຮືອນອາທິດລະ 1 ຄັ້ງ, ໃຫ້ພະແນກສາທາລະນະສຸກນະຄອນຫຼວງສ້າງທະນາຄານປາກິນຍຸງໄວ້ໃຫ້ປະຊາຊົນ ແລະ ສົ່ງເສີມການລ້ຽງປາກິນຍຸງ, ໃຫ້ເຈົ້າເມືອງໃນ 9 ຕົວເມືອງກຳນົດເປົ້າໝາຍທີ່ເປັນຈຸດສຸມເຊິ່ງມີຫຼາຍກໍລະນີໃນປີຜ່ານມາ ພ້ອມກັນລົງຈັດຕັ້ງປະຕິບັດແຕ່ຫົວທີໃນການອະນາໄມຮັກສາສິ່ງແວດລ້ອມ, ກຳຈັດແຫຼ່ງເພາະພັນຍຸງລາຍ ກ່ອນລະດູຝົນຈະມາຮອດ, ເມື່ອພົບບ້ານໃດ ຫຼື ສະຖານທີ່ໃດມີຄວາມສ່ຽງທີ່ຈະເກີດການລະບາດ ເຊັ່ນ: ມີຄວາມໜາແໜ້ນຂອງໜອນນ້ຳຍຸງລາຍ, ຖ້າມີກໍລະນີຄົນເປັນໄຂ້ຍຸງລາຍຕ້ອງມີການເປີດຂະບວນການທຳລາຍແຫຼ່ງເພາະພັນພ້ອມທັງປະສານໄປຍັງຫ້ອງການສາທາເມືອງເພື່ອລົງມາຄວບຄຸມ

ທີ່​ມາ: ຂ​ປ​ລ

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

Hits: 5

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້