Saturday, July 19, 2025
Kbank Laos โอน รับ จ่าย

ເຈົ້າຄອງອອກຄຳສັ່ງ​ແນະ​ນຳ ກຽມ​ເຮັດ​ສົງ​ຄາມ​ກັບ​ຍຸງ​ລາຍ

ເຈົ້າຄອງນະຄອນຫຼວງວຽງຈັນອອກຄຳສັ່ງແນະນຳເລກທີ 0001/ຈນວ ລົງວັນທີ 24 ມັງກອນ 2019 ຊີ້ນຳໃຫ້ພາກສ່ວນກ່ຽວຂ້ອງກໍຄືພໍ່ແມ່ປະຊາຊົນກຽມສະກັດກັ້ນ ແລະ ຕອບໂຕ້ພະຍາດໄຂ້ຍຸງຫຼາຍເພື່ອບໍ່ໃຫ້ມີການລະບາດໃຫຍ່ຄືໃນປີ 2013.

ໃນຄຳສັ່ງແນະນຳດັ່ງກ່າວມີການກຳນົດມາດຕະການຕ່າງໆ ລວມທັງສັ່ງໃຫ້ແຕ່ລະບ້ານແຕ່ງໜ່ວຍກວດກາໜອນນ້ຳຍຸງບ້ານລະ 5-10 ຄົນ ຂຶ້ນກັບບ້ານນ້ອຍບ້ານໃຫຍ່ ແລະ ຕິດຕາມກວດກາແຕ່ລະຄົວເຮືອນອາທິດລະ 1 ຄັ້ງ, ໃຫ້ພະແນກສາທາລະນະສຸກນະຄອນຫຼວງສ້າງທະນາຄານປາກິນຍຸງໄວ້ໃຫ້ປະຊາຊົນ ແລະ ສົ່ງເສີມການລ້ຽງປາກິນຍຸງ, ໃຫ້ເຈົ້າເມືອງໃນ 9 ຕົວເມືອງກຳນົດເປົ້າໝາຍທີ່ເປັນຈຸດສຸມເຊິ່ງມີຫຼາຍກໍລະນີໃນປີຜ່ານມາ ພ້ອມກັນລົງຈັດຕັ້ງປະຕິບັດແຕ່ຫົວທີໃນການອະນາໄມຮັກສາສິ່ງແວດລ້ອມ, ກຳຈັດແຫຼ່ງເພາະພັນຍຸງລາຍ ກ່ອນລະດູຝົນຈະມາຮອດ, ເມື່ອພົບບ້ານໃດ ຫຼື ສະຖານທີ່ໃດມີຄວາມສ່ຽງທີ່ຈະເກີດການລະບາດ ເຊັ່ນ: ມີຄວາມໜາແໜ້ນຂອງໜອນນ້ຳຍຸງລາຍ, ຖ້າມີກໍລະນີຄົນເປັນໄຂ້ຍຸງລາຍຕ້ອງມີການເປີດຂະບວນການທຳລາຍແຫຼ່ງເພາະພັນພ້ອມທັງປະສານໄປຍັງຫ້ອງການສາທາເມືອງເພື່ອລົງມາຄວບຄຸມ

ທີ່​ມາ: ຂ​ປ​ລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.