ບໍລິສັດໄຟຟ້ານໍ້າເທີນ 2 ຈະມອບທຶນການສຶກສາ ໃຫ້ນັກສຶກສາລາວ ຈຳນວນ 3 ທຶນ ໃນປີ 2019 ພາຍໃຕ້ໂຄງການ “ທຶນການສຶກສາເພື່ອອານາຄົດ” ເຊິ່ງການສອບເສັງຄັດເລືອກ ຄັ້ງທຳອິດໄດ້ຈັດຂຶ້ນໃນວັນທີ 30 ພະຈິກ 2018 ຜ່ານມາ ຢູ່ນະຄອນຫລວງວຽງຈັນ, ແຂວງຫລວງພະບາງ, ສະຫວັນນະເຂດ ແລະ ແຂວງຈຳປາສັກ.
ຜ່ານການສອບເສັງຄັດເລືອກ ສາມາດຄັດເລືອກນັກຮຽນສາຍພາສາຝຣັ່ງ ໄດ້ທັງໝົດ 9 ຄົນ ຫລັງຈາກນັ້ນ, ຈະຄັດເລືອກເອົາ 3 ຄົນ ໃນຕົ້ນເດືອນກຸມພາ ທີ່ຈະມາເຖິງນີ້ ເພື່ອໄປສຶກສາຕໍ່ທີ່ປະເທດຝຣັ່ງ ໃນເດືອນກັນຍາ 2019 ເປັນເວລາ 2 ປີ ຢູ່ມະຫາວິທະຍາໄລ ເຕັກໂນໂລຊີ ຂອງຝຣັ່ງ ໃນລະດັບຊັ້ນສູງ.
ນອກນັ້ນ, ພວກເຂົາຍັງສາມາດຮຽນຕໍ່ໄດ້ອີກ 1 ປີ ເພື່ອໃຫ້ບັນລຸເຖິງລະດັບປະລິນ ຍາຕີ. ພ້ອມດຽວກັນນັ້ນ, ບໍລິສັດໄຟຟ້ານໍ້າເທີນ 2 ຍັງໄດ້ຄັດເລືອກເອົານັກສຶກສາລາວ ທີ່ບໍ່ແມ່ນນັກ ຮຽນສາຍພາສາຝຣັ່ງ 12 ຄົນ ມາຮຽນພາສາຝຣັ່ງ ຢູ່ສະຖາບັນຝຣັ່ງ ນະຄອນຫລວງວຽງຈັນ, ເປັນເວລາ 1 ປີ ຈາກນັ້ນ ຈະໄດ້ຄັດເລືອກເອົາ 2 ຄົນ ເພື່ອໄປສຶກສາຕໍ່ທີ່ປະເທດຝຣັ່ງ ໃນປີ 2020.
Cr.KPL
Hits: 1
