Monday, July 15, 2024
Lenovo

ປະ​ທານກວດ​ກາພັກ-ລັດ “ບຸນ​ທອງ ຈິດ​ມະ​ນີ” ​ລົງ​ຕິດ​ຕາມ​ໂຄງ​ການກໍ່​ສ້າງ​ທາງ​ລົດ​ໄຟ ລາວ-ຈີນ ຢ່າງ​ໃກ້​ຊິດ!

ທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກຄະນະເລຂາທິການສູນກາງພັກຮອງນາຍົກລັດຖະມົນຕີປະທານຄະນະກວດກາສູນກາງພັກ ແລະ ອົງການກວດກາລັດຖະບານທັງເປັນຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງໄດ້ຕ້ອນຮັບການເຂົ້າຢ້ຽມຂໍ່ານັບຂອງຄະນະຜູ້ແທນວິສາຫະ ກິດລົດໄຟແຫ່ງຊາດຈີນຊຶ່ງນໍາໂດຍ ທ່ານ ຊຸນ ຮວຍຊິນ ປະທານຄະນະກວດກາລັດວິສາຫະກິດລົດໄຟແຫ່ງຊາດຈີນ ພ້ອມດ້ວຍຄະນະໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ, ເພື່ອແລກປ່ຽນບົດຮຽນສອງຝ່າຍລະຫວ່າງຄະນະສະເພາະກິດກວດກາໂຄງການກໍ່ສ້າງທາງລົດໄຟລາວ-ຈີນ ກັບຄະ ນະກວດກາລັດວິສາຫະກິດລົດໄຟແຫ່ງຊາດຈີນ, ໃນວັນທີ 26 ມັງກອນທີ່ຄະນະກວດກາສູນກາງພັກ.

ໃນໂອກາດນີ້ , ທ່ານ ບຸນທອງ ຈິດມະນີ ໄດ້ສະແດງຄວາມຕ້ອນຮັບພ້ອມທັງຕີລາຄາສູງຕໍ່ການມາຢ້ຽມຢາມ ແລະເຮັດວຽກຕິດຕາມ, ກວດກາໂຄງການກໍ່ ສ້າງທາງລົດໄຟ ລາວ-ຈີນ, ຊຶ່ງສະແດງເຖິງຄວາມເປັນຫ່ວງເປັນໄຍຂອງສອງພັກ-ສອງລັດທີ່ຍາມໃດກໍໃຫ້ຄວາມສໍາຄັນ ແລະ ເອົາໃຈໃສ່ໃນການຕິດຕາມ, ກວດກາໂຄງການກໍ່ສ້າງທາງລົດໄຟລາວ-ຈີນ ເພື່ອໃຫ້ກາຍເປັນເສັ້ນທາງທີ່ປອດໃສ, ຂາວສະອາດ ແລະ ດໍາເນີນໄປດ້ວຍຄວາມສະດວກ, ປະຕິບັດຕາມແຜນ ການ ແລະ ສໍາເລັດຕາມເວລາທີ່ໄດ້ກໍານົດໄວ້. ຈາກນັ້ນ, ທ່ານ ຊຸນ ຮວຍຊິນ ຕາງໜ້າໃຫ້ກັບຄະນະສະແດງຄວາມຂອບໃຈຕໍ່ທ່ານ ບຸນທອງ ຈິດມະນີ ທີ່ໄດ້ໃຫ້ ການຕ້ອນຮັບຢ່າງອົບອຸ່ນ.

ໃນວັນດຽວກັນທີ່ຄະນະກວດກາສູນກາງພັກ, ກໍໄດ້ມີກອງປະຊຸມພົບປະສອງຝ່າຍ, ຝ່າຍລາວນໍາໂດຍ ທ່ານ ຄໍາສຸກ ບຸນຍະວົງ ຮອງປະທານຄະນະກວດກາສູນກາງພັກ ແລະ ອົງການກວດກາລັດຖະບານ, ຮອງຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ຫົວໜ້າຄະນະສະເພາະກິດຕິດຕາມ,ກວດກາການປະຕິບັດສັນຍາໂຄງການກໍ່ສ້າງທາງລົດໄຟ ລາວ-ຈີນ ພ້ອມດ້ວຍຄະນະ, ຝ່າຍຈີນນຳໂດຍທ່ານ ຊຸນ ຮວຍຊິນ ປະທານຄະນະກວດກາລັດວິສາຫະກິດລົດ ໄຟແຫ່ງຊາດຈີນພ້ອມດ້ວຍຄະນະ, ຊຶ່ງທັງສອງຝ່າຍຕ່າງກໍໄດ້ລາຍງານສະພາບການຕິດຕາມ, ກວດກາການກໍ່ສ້າງທາງລົດໄຟໃນຄວາມຮັບຜິດຊອບຂອງຕົນ ໃຫ້ກັນຊາບໂດຍສະເພາະຝ່າຍລາວໄດ້ສົ່ງເສີມບໍລິສັດ ແລະ ແຮງງານພາຍໃນຂອງລາວໃຫ້ມີປະສົບການ ແລະ ນໍາໃຊ້ວັດຖຸອຸປະກອນພາຍໃນຂອງລາວໃຫ້ຫຼາຍເທົ່າທີ່ຈະຫຼາຍໄດ້.

ມາຮອດປັດຈຸບັນ, ແຮງງານລາວປະກອບສ່ວນເຂົ້າໃນໂຄງການຈໍານວນ 4.299 ຄົນ, ບໍລິສັດຂອງລາວມີ 6 ບໍລິສັດ ທີ່ໄດ້ຜ່ານການຄັດເລືອກຈາກບໍລິ ສັດທາງລົດໄຟ ລາວ-ຈີນ ຊຶ່ງປັດຈຸບັນກໍາລັງດໍາເນີນການກໍ່ສ້າງຕາມຄວາມຮັບຜິດຊອບຂອງຕົນ, ດ້ານການປ້ອງກັນຄວາມສະຫງົບແມ່ນໄດ້ເອົາໃຈໃສ່ເປັນພິເສດເພື່ອຮັບປະກັນຄວາມປອດໄພໃຫ້ແກ່ການກໍ່ສ້າງ, ອຸປະກອນກໍ່ສ້າງບໍ່ໃຫ້ຕົກເຮ່ຍເສຍຫາຍ ແລະ ບັນຫາອື່ນໆ. ດັ່ງນັ້ນ, ໃນຕໍ່ໜ້າ ທັງສອງຝ່າຍຈະສືບຕໍ່ຮ່ວມມືກັນໃນການຕິດຕາມ, ກວດກາໂຄງການກໍ່ສ້າງເສັ້ນທາງລົດໄຟ ລາວ-ຈີນ ໃຫ້ແໜ້ນແຟ້ນຂຶ້ນກວ່າເກົ່າເພື່ອເຮັດໃຫ້ການກໍ່ສ້າງມີຄວາມເປັນລະ ບຽບຮຽບຮ້ອຍ, ຮັບປະກັນດ້ານລະບອບ, ລະບຽບ, ເຮັດໃຫ້ໂຄງການກໍ່ສ້າງທາງລົດໄຟ ລາວ-ຈີນ ເປັນໂຄງການປອດໃສ, ຂາວສະອາດອັນນໍາມາສູ່ຄວາມຜາສຸກໃຫ້ແກ່ທັງສອງປະເທດກໍຄືປະຊາຊົນສອງຊາດ ລາວ-ຈີນ ເພື່ອປະກອບສ່ວນເຂົ້າໃນການສ້າງເປັນຄູ່ຮ່ວມຊາຕາກໍາລາວ-ຈີນ ທີ່ມີຄວາມໝາຍຍຸດທະ ສາດໃນອະນາຄົດ.

ທີ່​ມາ: ນສພ ເສດຖະກິດ-ສັງຄົມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),