Wednesday, July 9, 2025
Kbank Laos โอน รับ จ่าย

ຂໍ​ໃຫ້​ລຸ​ລ່ວງ! ໂຍທາເລັ່ງແກ້ໄຂສະພາບການສັນຈອນແອອັດໃນຕົວເມືອງ

ກະຊວງໂຍທາທິການ ແລະ ຂົນສົ່ງ (ຍທຂ) ຮ່ວມກັບພາກສ່ວນທີ່ກ່ຽວຂ້ອງຕ່າງໆ ພວມເລັ່ງຈັດລະບຽບການສັນຈອນບາງເສັ້ນທາງຄືນໃໝ່ ໂດຍການຕິດປ້າຍສັນຍານ ແລະ ເຄື່ອງໝາຍຈະລາ ຈອນຕາມເສັ້ນທາງ ເພື່ອຫລຸດຜ່ອນການສັນຈອນແອອັດໃນຕົວເມືອງ, ທັງປູກຈິດສຳນຶກໃນການຂັບຂີ່ປອດໄພໃຫ້ນັກຮຽນ, ນັກສຶກສາ ຕະຫລອດຮອດປະຊາຊົນຜູ້ໃຊ້ລົດໃຊ້ຖະໜົນມີສະຕິຕື່ນຕົວປະຕິບັດລະບຽບການຈະລາຈອນໃຫ້ດີຂຶ້ນ.

ທ່ານ ສັນຕິສຸກ ສິມມາລາວົງ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ ໄດ້ລາຍງານໃຫ້ຮູ້ໃນກອງປະຊຸມສາມັນຄົບຄະນະພັກກະຊວງໂຍທາທິການ ແລະ ຂົນສົ່ງ ຄັ້ງທີ 14 ໃນວັນທີ 31 ມັງກອນນີ້ວ່າ: ໃນໄລຍະຜ່ານມາ ກະຊວງ ຍທຂ ໄດ້ນຳພາປັບປຸງຄຸນນະພາບ ແລະ ຄວາມປອດໄພການຂົນສົ່ງໂດຍສານ ແລະ ການຂົນສົ່ງສິນຄ້າ ດ້ວຍການຄົ້ນຄວ້າຮ່າງນິຕິກຳຕ່າງໆ ພ້ອມທັງຂະຫຍາຍການບໍລິການຂົນສົ່ງໃຫ້ໄປທົ່ວເຖິງໃນຂອບເຂດທົ່ວປະເທດ ແລະ ເຊື່ອມໂຍງກັບບັນດາປະເທດໃກ້ຄຽງຕາມສັນຍາສອງຝ່າຍຄື: ລາວ-ຫວຽດນາມ, ລາວ-ຈີນ, ລາວ-ໄທ, ລາວ-ກຳປູເຈຍ.

ປັດຈຸບັນ ມີລົດຂົນສົ່ງໂດຍສານປະຈຳທາງລະຫວ່າງແຂວງທັງໝົດ 71 ສາຍທາງ ແລະ ສາຍທາງຂົນສົ່ງລະຫວ່າງປະເທດມີ 83 ສາຍທາງ. ພ້ອມດຽວກັນນັ້ນ, ຍັງໄດ້ປັບປຸງຫັນການຄຸ້ມຄອງພາຫະນະ ແລະ ການຂັບຂີ່ເປັນທັນສະໄໝນຳໃຊ້ລະບົບໄອທີຄຸ້ມຄອງ ແລະ ເຊັນບົດບັນທຶກຄວາມເຂົ້າໃຈກັບກົມພາສີເພື່ອເຊື່ອມຕໍ່ລະບົບການແຈ້ງພາສີປະຕູດຽວໃນການອະນຸຍາດເຕັກນິກພາຫະນະ ແລະ ອື່ນໆ.

ທີ່​ມາ: ໜັງ​ສື​ພິມ​ ລາວ​ພັດ​ທະ​ນາ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

ຢ່າມົວເຮັດວຽກຈົນລືມໄປທ່ຽວ ກັບ 5 ສະຖານທີ່ທ່ຽວໃນລະດູຝົນ

ເມື່ອເວົ້າເຖິງລະດູຝົນແລ້ວ ຫຼາຍຄົນອາດຄິດວ່າ ບໍ່ເໝາະສຳລັບການທ່ອງທ່ຽວ ຫຼື ແຄ້ມປິ້ງ ເພາະຝົນເຮັດໃຫ້ການເດີນທາງລຳບາກ, ປຽກ ແລະ ເປື້ອນ ແຕ່ຮູ້ບໍ່ວ່າຊ່ວງຝົນນີ້ລະ ເປັນອີກລະດູການທີ່ໜ້າທ່ຽວທີ່ສຸດໂດຍສະເພາະທ່ຽວທຳມະຊາດ ເພາະເຮົາຈະໄດ້ສຳຜັດກັບອາກາດທີ່ເຢັນສະບາຍ, ໃບໄມ້ທີ່ຂຽວງາມ, ໝອກທີ່ຈາງໆ ໃນຍາມເຊົ້າ, ຝົນຝອຍທີ່ຍ້ອຍລົງມາ ເຮັດໃຫ້ຮູ້ສຶກດີ ຜ່ອນຄາຍໄດ້ຫຼາຍທີ່ສຸດ.

“ວັດໂຕະໂມະ” ເມືອງປະທຸມພອນ ແຂວງຈຳປາສັກ

ວັດໂຕະໂມະ ທີ່ຕັ້ງຢູ່ບ້ານໂຕະໂໝະທ່າ, ເມືອງປະທຸມພອນ, ແຂວງຈຳປາສັກ ແມ່ນກຸ່ມສະຖານບູຮານ ທີ່ຕັ້ງຢູ່ທາງທິດຕາເວັນອອກຂອງແມ່ນໍ້າຂອງ ແລະ ຢູ່ຫ່າງຈາກວັດພູໄປທາງທິດຕາເວັນ ອອກສ່ຽງໃຕ້ 11ກມ ຮ່ອງຮອຍຂອງສະຖານບູຮານແຫ່ງນີ້ໄດ້ກະແຈກກະຈາຍຢູ່ຕາມພັກທັງສອງທີ່ໄດ້ຮັບການກໍ່ສ້າງຂື້ນຢູ່ໃນ ກາງປ່າທີ່ເຕັມໄປດ້ວຍຕົ້ນໄມ້ໃຫຍ່, ເທິງແຄມຝັ່ງຫ້ວຍນ້ຳໂຕະໂມະ ທີ່ເປັນອີກສາຂາໜຶ່ຂອງແມ່ນໍ້າຂອງ. ວັດໂຕະໂມະເປັນວັດ ແຫ່ງດຽວຂອງຊາວຂະແມທີ່ຕັ້ງຢູ່ທາງຝັ່ງຊ້າຍຂອງແມ່ນ້ຳຂອງ.