ສະຖາບັນພັດທະນາຝີມືແຮງງານນານາຊາດ ໄດ້ຈັດເຝິກອົບຮົມ ລະຫວ່າງວັນທີ່ 21-25 ມັງກອນ ທີ່ຈັງຫວັດຊຽງຣາຍ ປະເທດໄທ. ເພື່ອພັດທະນາຝີມືແຮງງານນານາຊາດ ໃນການພັດທະນາຄວາມຮ່ວມມືທາງດດ້ານເສດຖະກິດ ໃນອະນຸພູມິພາກລຸ່ມແມ່ນ້ຳຂອງ ເຊິ່ງມີຜູ້ເຂົ້າຮ່ວມທັງໝົດ 17 ຄົນ. ໃນຫົວຂໍ້ “ການປະຍຸກໃຊ້ງານໄມໂຄຣຄອນໂທຣເລີພື້ນຖານດ້ວຍ Arduino Board (Microcontroller Basic with Arduino Board ).
ຜູ້ເຂົ້າຮ່ວມເຝິກອົບຮົມເຫຼົ່ານີ້, ເປັນຕົວແທນມາຈາກພາກລັດ ແລະພາກທຸລະກິດຕ່າງໆ ເຊັ່ນ: ກຸ່ມບໍລິສັດ ມາລີນີ, ບໍລິສັດໄອທີຊ໋ອບ, ບໍລິສັດ ຫຼວງປະເສີດກໍ່ສ້າງ, ບໍລິສັດ ສົ່ງເສີມກະສິກຳຂາອອກ-ຂາເຂົ້າ ຈຳກັດ, ວິທະຍາໄລສະຫວັນນະເຂດບໍລິຫານທຸລະກິດ, Laoio Company, ທະນາຄານພັດທະນາລາວ ແລະພາກສ່ວນອື່ນນຳດ້ວຍ.
ໃນນີ້, ຜູ້ເຂົ້າເຝິກອົບຮົມ ໄດ້ຮຽນຮູ້ຫຼັກຂອງການທຳງານ ສາມາດຂຽນໂປຣແກຼມ ເພື່ອທຳງານຮ່ວມກັບບອດ Arduino ແລະສາມາດນຳບອດໄປຕໍ່ໃຊ້ງານ ໃນການຄວບຄຸມອຸປະກອນຕ່າງໆໄດ້. ຕົວຢ່າງໃນການປະຍຸກໃຊ້ Arduino ໃນຊີວິດປະຈຳວັນ ເຊັ່ນ ລະບົບເປີດ-ປິດໄຟໃນບ້ານອັດຕະໂນມັດ, ລະບົບນ້ຳຫົດດອກໄມ້ອັດຕະໂນມັດ, ລະບົບເປີດ-ປິດ ປະຕູອັດຕະໂນມັດ, ລະບົບເຄື່ອງຊັກຜ້າຢອກຫຼຽນ ຫຼືໃຊ້ຄວບຄຸມຄວາມໄວ ແລະທິດທາງການໝຸນຂອງມໍເຕີ້ ແລະອື່ນໆ.
Hits: 5
