ຕົວເລກນັກທ່ອງທ່ຽວທີ່ເຂົ້າມາສປປ.ລາວໝົດປີ 2018 ມີ 4,18 ລ້ານກວ່າຄົນ
ຕາມການລາຍງານຂອງຂະແໜງການກ່ຽວຂ້ອງ ຕົວເລກນັກທ່ອງທ່ຽວຕ່າງປະເທດທີ່ເຂົ້າມາທ່ອງທ່ຽວໃນສປປ.ລາວໃນຮອບໜຶ່ງປີຜ່ານມາ (ມັງກອນ-ທັນວາ 2018) ມີຈຳນວນທັງໝົດ 4.186.000 ກວ່າຄົນເພີ່ມຂຶ້ນ 8,2 ສ່ວນຮ້ອຍເມື່ອທຽບກັບປີ 2017.
ໃນຈຳນວນດັ່ງກ່າວນີ້ ນັກທ່ອງທ່ຽວທີ່ຫຼາຍກວ່າໝູ່ແມ່ນມາຈາກພາກພື້ນອາຊີ-ປາຊີຟິກ ມີ 3.942.000 ກວ່າຄົນ ເພີ່ມຂຶ້ນ 8 ສ່ວນຮ້ອຍ ໂດຍທີ່ຈາກຣາຊະອານາຈັກໄທ ແມ່ນຫຼາຍກວ່າໝູ່ ມີ 1.929.000 ກວ່າຄົນ ເພີ່ມຂຶ້ນ 7 ສ່ວນຮ້ອຍ, ຕາມດ້ວຍສສ.ຫວຽດນາມ 867.000 ກວ່າຄົນ ຫຼຸດລົງ 3 ສ່ວນຮ້ອຍ ແລະ ສປ.ຈີນ 805.000 ກວ່າຄົນ ເພີ່ມຂຶ້ນ 26 ສ່ວນຮ້ອຍ. ສ່ວນ ເກົາຫຼີໃຕ້ ມີຈຳນວນນັກທ່ອງທ່ຽວທີ່ມາທ່ຽວລາວຫຼາຍເປັນອັນດັບສີ່ ມີ 174.000 ກວ່າຄົນ ເພີ່ມຂຶ້ນ 2 ສ່ວນຮ້ອຍ.
ທີ່ມາ: ຂປລ