ເມື່ອເວົ້າເຖິງແຫລ່ງທ່ອງທ່ຽວທາງທຳມະຊາດ ທັງ ຫ້ວຍນໍ້າລຳເຊ, ພູຜາປ່າດົງ ແລະເຫວຖໍ້າ ຢູ່ປະເທດລາວ ເຮົາ ຕັ້ງແຕ່ເໜືອຕະຫລອດໃຕ້ນັບວ່າມີຈຳນວນຫຼວງ ຫຼາຍ ເຊິ່ງລ້ວນແຕ່ມີຄວາມ ສວຍສົດງົດງາມ ແລະ ໜ້າທ່ຽວຊົມ. ແຕ່ຖ້າເວົ້າເຖິງ ຄວາມເປັນທຳມະຊາດທາງດ້ານສາຍນໍ້າ ແລະ ເໝາະແກ່ການລ່ອງເຮືອ-ແພຊົມຜາສູງ ແລະ ແກ້ງຕາດຕາມສອງຟາກຝັ່ງໃນວັນພັກ ຜ່ອນຂອງຊາວເມືອງແບບຊຸມເຮົາເຈົ້າຂ້ອຍ ຂໍແນະນຳ ແຫລ່ງທ່ອງທ່ຽວ “ຫາດ ດອນກາງ” ເມືອງເຟືອງ ແຂວງວຽງຈັນ ເຊິ່ງເປັນສະຖານທີ່ທີ່ພວມໄດ້ຮັບຄວາມ ນິຍົມຈາກນັກທ່ອງທ່ຽວຫຼາຍຂຶ້ນ.
ແຫລ່ງທ່ອງທ່ຽວຫາດດອນກາງ ແມ່ນຫາດຊາຍສາຍນໍ້າລີກທີ່ຕັ້ງຢູ່ຫ່າງຈາກ ເທສະບານເມືອງ ປະມານ 3 ກິໂລແມັດ ແລະ ຫ່າງຈາກ ນະຄອນຫຼວງວຽງຈັນປະມານ 122 ກິໂລແມັດໄປ ຕາມເສັ້ນທາງເລກ 13 ເໜືອ ແລ້ວລ້ຽວຊ້າຍເຂົ້າ ທາງແຍກເມືອງຫີນເຫີບ ດ້ວຍຫົນທາງທີ່ສະດວກ ສະບາຍຈົນເຖິງສະຖານທີ່ ທ່ອງທ່ຽວ.
ທ່ານ ວັນນາ ແສງພະ ຈັນ ຜູ້ຈັດການບໍລິການແຫຼ່ງ ທ່ອງທ່ຽວດັ່ງກ່າວໃຫ້ຮູ້ວ່າ: ແຫລ່ງທ່ອງທ່ຽວຫາດດອນກາງ ໃນເມື່ອກ່ອນຍັງບໍ່ມີ ຄວາມຟົດຟື້ນ ແຕ່ພາຍຫຼັງໄດ້ເລີ່ມພັດທະນາ ແລະ ເປີດໃຫ້ບໍລິການຕັ້ງແຕ່ປີ 2018 ເປັນຕົ້ນມານັບວ່າໄດ້ຮັບ ຄວາມສົນໃຈຫຼາຍຂຶ້ນ ເພາະ ວ່າເປັນການພັດທະນາແບບມີສ່ວນຮ່ວມ ແລະ ຍັງຄົງ ຮັກສາຄວາມສົມບູນທາງ ທຳມະຊາດໄວ້. ໃນໄລຍະປີ ຜ່ານມາມີນັກທ່ອງທ່ຽວເຂົ້າ ໄປທ່ຽວຊົມ ຮ່ວມກິດຈະກຳ ຕ່າງໆປະມານ 4.000 ກວ່າ ຄົນ, ໃນນັ້ນນັກທ່ອງທ່ຽວ ຈາກນະຄອນຫຼວງວຽງຈັນ ປະມານ 40%. ໃນປີ 2019 ນີ້ໄດ້ມີການໂຄສະນາຜ່ານ ສື່ທາງໂທລະພາບ, ວິທະຍຸ ແລະ ສື່ອອນລາຍຕ່າງໆ ເພີ່ມຂຶ້ນ ເຊິ່ງຄາດວ່າ ຈະ ດຶງດູດນັກທ່ອງທ່ຽວໃຫ້ ເຂົ້າມາທ່ຽວຊົມບໍ່ຕໍ່າກວ່າ 5.000 ຄົນ ແລະ ຈະໄດ້ຈັດ ກິດຈະກຳສົ່ງເສີມການທ່ອງ ທ່ຽວໃຫ້ຫຼາຍຂຶ້ນ ໂດຍສະ ເພາະໃນວັນທີ 9-10 ກຸມພາ ນີ້ຈະໄດ້ມີການຈັດມະຫະກຳທ່ອງທ່ຽວຫາດດອນກາງຄັ້ງທີ 3 ຂຶ້ນ, ປີນີ້ພິເສດ ກວ່າທຸກປີ ເພາະຈະມີຕະ ຫລາດນັດຂາຍສິນຄ້າຂອງ ເມືອງ ແລະ ການສະແດງ ຕ່າງໆຈາກນັກສິລະປິນທັງ ພາຍໃນ ແລະຕ່າງປະເທດເພື່ອເປັນການສົ່ງເສີມເສດຖະກິດທ້ອງຖິ່ນ ແລະ ເພື່ອສະເຫຼີມສະຫຼອງປີທ່ອງທ່ຽວ ລາວ-ຈີນໃຫ້ມີບັນຍາຟົດຟື້ນອີກດ້ວຍ.
ທີ່ມາ: ໜັງສືພິມລາວພັດທະນາ