ທາງບໍລິສັດ ເບຍລາວ ຈໍາກັດ ໄດ້ຈັດງານເພື່ອສືບຕໍ່ມີສ່ວນຮ່ວມໃນການສະເຫຼີມສະຫຼອງບຸນປີໃໝ່ລາວໃຫ້ຄຶກຄື້ນ ແລະມ່ວນຊື່ນ ໂດຍຜ່ານການຈັດກິດຈະກໍາຕ່າງໆ ພ້ອມດຽວກັນນັ້ນ, ຍັງໄດ້ມີການເປີດໂຕຮູບໂສມໃໝ່ຂອງກະປ໋ອງເບຍລາວ ຮຸ່ນພິເສດ ເພື່ອໃຫ້ຜູ້ບໍລິໂພກໄດ້ສະສົມ ແລະສະຫຼອງບຸນປີໃໝ່ລາວໄປພ້ອມກັນ.
ຮູບໂສມຂອງກະປ໋ອງເບຍລາວປີນີ້ ໄດ້ແຮງບັນດານໃຈຈາກກິດຈະກໍາເດັ່ນໆ ແລະຮີດຄອງປະເພນີຂອງລາວເຮົາ. Beerlao Limited Edition Can 2019 ມີໃຫ້ເລືອກສະສົມເຖິງ 3 ລວດລາຍ ຄື:
1. ຮູບໄວໜຸ່ມຜູ້ຊາຍກໍາລັງຫຼິ້ນກີຕ້າ: ໄດ້ສື່ເຖິງຄວາມມ່ວນຊື່ນ ແລະບົ່ງບອກໃຫ້ເຫັນເຖິງຄົນລາວ ທີ່ມີດົນຕີເປນສື່ກາງ ໃນການສະເຫຼີມສະຫຼອງບຸນປະເພນີຕ່າງໆ ແລະເພື່ອໃຫ້ແທດເໝາະກັບຍຸກສະໄໝ ຈຶ່ງໄດ້ເລືອກໃຊ້ເຄື່ອງດົນຕີສາກົນເປັນຕົວແທນ.
2. ຮູບແມ່ຍິງຍໍມືນົບ: ບົ່ງບອກເຖິງຂະນົມທໍານຽມ, ຄວາມຮູ້ບຸນຄຸນ ແລະການຖະໜອມຖ່ອມຕົນ ແລະເປັນເອກະລັກທີ່ຈົບງາມຂອງຄົນລາວ.
3. ຮູບແມ່ຍິງກໍາລັງຫົດນໍ້າ: ສະແດງເຖິງບຸນປະເພນີອັນດີງາມທີ່ມີເອກະລັກສະເພາະຕົວຂອງປວງຊົນລາວທີ່ພົ້ນເດັ່ນ ທີ່ປະຕິບັດມາຕັ້ງແຕ່ສະໄໝກ່ອນຈົນເຖິງປັດຈຸບັນ.
ທີ່ມາ: ວາລະສານ ມະຫາຊົນ