ຂໍຂອບໃຈນຳຜູ້ສະໜັບສະໜູນ

ທີ່ນະຄອນຫລວງວຽງຈັນ, ໄດ້ມີພິທີເປີດພິພິທະພັນວຽງຈັນສິລະປະຮ່ວມສະໄໝ ຢ່າງເປັນທາງການ, ໂດຍການເຂົ້າຮ່ວມຂອງທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ມີການນຳພັກ-ລັດ, ອາດີດການນຳ, ພ້ອມດ້ວຍແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ. ພິພິທະພັນວຽງຈັນສິລະປະຮ່ວມສະໄໝ ຕັ້ງຢູ່ບ້ານຊ້າງຄູ້ ເມືອງໄຊທານີ ຖະໜົນໄກສອນພົມວິຫານ (ເສັ້ນທາງ 13 ໃຕ້) ນະຄອນຫລວງວຽງຈັນ.

ທ່ານ ພິຊິດ ໄຊຍະທິດ ປະທານພິພິຕະພັນ ວຽງຈັນສິລະປະຮ່ວມສະໄໝ ກ່າວວ່າ:

ຮູ້ສຶກພາກພູມໃຈທີ່ຈະໄດ້ເປັນສ່ວນໜຶ່ງ ໃນການປະກອບສ່ວນສ້າງສີສັນ, ສ້າງແຮງບັນດານໃຈ ແລະ ປະ ກອບສ່ວນ ເຂົ້າໃນການສົ່ງເສີມວຽກງານການທ່ອງທ່ຽວຂອງລາວ, ເພື່ອດຶງດູດເອົານັກທ່ອງທ່ຽວເຂົ້າມາປະເທດລາວ ໂດຍສະເພາະແມ່ນນະຄອນຫລວງວຽງຈັນ, ພ້ອມທັງໄດ້ນໍາເອົາຜົນງານທີ່ສະສົມມາເປັນເວລາຫລາຍສິບປີ ດ້ວຍຄວາມມັກ, ຄວາມຮັກ ແລະ ຄວາມຫລົງໄຫລໃນທໍາມະຊາດ, ປະສົມປະສານກັບຈິນຕະນາການ ແລະ ແນວຄິດອັນລໍ້າເລີດຂອງນັກອອກແບບ, ນັກວິຈິດສິນ ແລະ ນັກແກະສະຫລັກອັນປານີດ ຈໍານວນຫລາຍພັນຜົນງານມາວາງສະແດງ, ຮັກສາໄວ້ໃຫ້ຄົນລາວ ແລະ ຄົນຕ່າງປະເທດໄດ້ເຂົ້າມາທ່ຽວຊົມ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທີ່​ມາ: ຂ​ປ​ລ

Hits: 4

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້