ເພື່ອເປັນການສົ່ງເສີມມໍລະດົກທາງວັດທະນະທຳລ້ຳຄ່າສູແມ່ຍິງລາວ ທັງເປັນການສົ່ງເສີມແມຍິງລາວຮູ່ນໃໝ່ອະນຸຮັກວັດທະນະທາທາງດານການນຸ່ງຖື ແລະສະແດງຄວາມສາມາດຂອງຕົນຢູເທິງເວທີໃຫ້ສັງຄົມໄດ້ເຫັນ.
ບໍ່ດົນຜານມານີ້ ບໍລິສັດກຣິດຕະພົງກຣຸບຈາກັດ ໂດຍໄດ້ ຮັບການຊີ້ນຳຈາກພະແນກຖະ ແຫຼງຂ່າວ ວັດທະນະທຳ ແລະ ທ່ອງທຽວ ນະຄອນຫຼວງວຽງຈັນ (ຖວທ ນວ) ຈັດພິທີຄັດເລືອກນາງສາວ ນວ ປະຈຳປີ 2019 ຂຶ້ນທີ່ໂຮງແຮມ ແລນມາກ ມີທ່ານ ນາງ ອໍລະໄທ ສັນຕິຄົງຄາ ຜູ້ອໍານວຍການບໍລິສັດກຣິດຕະພົງກຣຸບ ຈຳກັດ ທັງເປັນປະທານການຈັດງານຄັດ ເລືອກນາງສາວ ນວ ປະຈຳປີ 2019,
ທ່ານ ສາລີ ນັນທະວົງ ຫົວໜ້າຂະແໜງວັດທະນະທຳ ພະແນກ ຖວທ ນວ, ພ້ອມດ້ວຍຜູ້ຕາງໜ້າຈາກອົງການຈັດຕັ້ງມະຫາຊົນຄະນະກຳມະການ ແລະ ມວນຊົນເຂົ້າຮ່ວມ.
ການຄັດເລືອກຄັ້ງນີ້ມີນາງສາວເຂົ້າຮ່ວມທັງໝົດ 85 ຄົນ ໂດຍຜ່ານການຄັດເລືອກຈາກຄະ ນະກຳມະການໃນຮອບນີ້ ເພື່ອໄປຄັດຕໍ່ໃນຮອບສຸດທາຍມີ 20 ຄົນ ຄື:
ນາງ ລິກສະຢາ ໄຊສົມພູ, ນາງ ນ້ຳຝົນ ພູມານີວົງ, ນາງ ຄູນສະຫວັນ ໂພທິວັນ, ນາງ ທອງມະນີ ເພຍເທບ, ນາງ ເມລາລີ ພັນທະວົງ, ນາງ ເກດມະນີ ວົງປະເສີດ, ນາງ ສຸພາລັກ ແສງພະຈັນ, ນາງ ສົ້ມທອງ ວົງສະໝອນ, ນາງ ວັນນິສາ ສົມໝາຍຮັກ, ນາງ ກ້ອຍ ມາລາວົງແສງພະຈັນ, ນາງ ພຸດອານົງ ສີດາຄາ, ນາງ ສີທອງ ເລົ່າບຸນແພງທະໝັ້ນ, ນາງ ຄາຫຼ້າ ຈັນທະລັງສີ, ນາງ ມີເຊວ ຈັນວັນເພັງ, ນາງ ຕາບຸ່ຍ ພານຸວົງ, ນາງ ເພັດວັດສາ ລິນດາພອນ, ນາງ ຊາລາ ພິມມະສອນ, ນາງ ມັອດ ວິໄລ ອິນທະສອນ, ນາງ ພັດທະນາ ຄິດາພອນ ແລະນາງ ທິບສະຫວັນ ມະນີດອນ ໂດຍທັງ 20 ນາງສາວຈະໄປເກັບຕົວ ແລະຮວມເຄື່ອນ ໄຫວກິດຈະກຳຕາງໆຂອງລາຍການຄັດເລືອກນາງສາວ ນວ ປະຈຳປີ 2019.
ສຳລັບຮອບຄັດເລືອກ ຊະນະເລີດຈະໄດຈັດຂຶ້ນວັນທີ 6 ເມສາ 2019 ໂດຍຈະຄັດເອົາພຽງ 7 ຄົນ ເພື່ອເປັນນາງສັງຂານແຫ່ໃນບຸນປີໃໝ່ລາວ ປະຈຳປີ 2019, ນອກນີ້ ຜູ້ທີ່ໄດ້ຊະນະເລີດຍັງຈະ ໄປຄັດເລືອກຕໍ່ລາຍການ Miss Chinese ຢູ່ HongKong ປະເທດຈີນ ແລະຮອງຊະນະເລີດ 2 ຄົນ ຈະໄປຄັດເລືອກລາຍການ Miss Asian Pacific ຢູ່ຕ່າງປະເທດຕື່ມອີກ.
ທີ່ມາ: ໜັງສືພິມເສດຖະກິດ-ສັງຄົມ