ບໍ່ດົນມານີ້, ທີ່ຫ້ອງການ ເມືອງສະໜາມໄຊ ແຂວງອັດຕະປື, ໄດ້ຈັດພິທີມອບ-ຮັບ ພາຫະນະຮັບໃຊ້ ແລະ ອຸປະກອນຈຳນວນໜຶ່ງ ລວມມູນຄ່າທັງໝົດ 1 ຕື້ກວ່າກີບ ໃຫ້ເມືອງດັ່ງກ່າວ, ເພື່ອເປັນການສືບຕໍ່ຊ່ວຍເຫລືອອຸທົບກະໄພ ແລະ ຫລັງຟື້ນຟູໄພພິບັດນ້ຳຖ້ວມ ຢູ່ແຂວງ ອັດຕະປື.
ຍ້ອນສັນເຂື່ອນໄຟຟ້າເຊປຽນ-ເຊນ້ຳນ້ອຍແຕກ, ເພື່ອປະຕິບັດຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບ 276 ຫສນຍ, ລົງວັນທີ 18 ກຸມພາ 2019 ແລະ ອີງຕາມການຊີ້ນຳ ຂອງກະຊວງແຮງງານ ແລະ ສະຫວັດດີການສັງຄົມ (ຮສສ) ໃນການມອບ-ຮັບ ພາຫະນະ ແລະ ອຸປະກອນຮັບໃຊ້ ໃຫ້ເມືອງສະໜາມໄຊ, ແຂວງອັດຕະປື. ພາຫະນະ ແລະ ອຸປະກອນ ຮັບໃຊ້ໃນຄັ້ງນີ້, ປະກອບມີ: ລົດໃຫຍ່ 2 ຄັນ, ລົດຈັກ 8 ຄັນ, ໂທລະໂຄ່ງ 5 ຊຸດ ແລະ ໂປເຈັກເຕີ 5 ຊຸດ.
ທີ່ມາ: ຂປລ
Hits: 4
