Monday, July 22, 2024
Lenovo

ເຢຍລະມັນອະນຸມັດເງິນ 50 ລ້ານເອີໂຣ ໃຫ້ ສປປ ລາວ ບັນລຸເປົ້າໝາຍການພັດທະນາແບຍຍືນຍົງ

Lots of cash money. Euros. euro money banknotes. Money Euro background

ລັດຖະບານ ສ. ເຢຍລະມັນເຫັນດີອະນຸມັດເງີນ 50 ລ້ານ ເອີໂຣ ຫຼືເທົ່າກັບ 487 ກວ່າຕື້ກີບ ເພື່ອສະໜັບສະໜູນ ຊ່ວຍເຫຼືອ ສປປ ລາວ ບັນລຸເປົ້າ ໝາຍການພັດທະນາແບຍຍືນຍົງ.

ງົບປະມານດັ່ງກ່າວຈະຖືກນໍາໃຊ້ເຂົ້າໃນການຈັດຕັ້ງປະຕິບັດບັນດາໂຄງການດັ່ງຕໍ່ໄປນີ້: ການພັດທະນາຊົນນະບົດ, ຊັບພະຍາກອນທໍາມະຊາດ ແລະ ສີ່ງແວດລ້ອມ, ການພັດທະນາເສດຖະກິດແບບຍືນຍົງ ແລະ ການຟື້ນຟູພື້ນຖານໂຄງລ່າງຢູ່ແຂວງອັດຕະປື. 

ພິທີເຊັນສັນຍາການຮ່ວມມືຈັດຂື້ນໃນລະຫວ່າງການຢ້ຽມຢາມຂອງຄະນະຜູ້ແທນເຢຍລະມັນເຊີ່ງນໍາໂດຍ ທ່ານ ນໍເບີດ ບາດໂທ Norbert Barthle ຮອງລັດຖະມົນຕີ ການຮ່ວມມືເສດຖະກິດ ແລະ ການພັດທະນາ ສ ເຢຍລະມັນ. 

ສັນຍາການຮ່ວມມືດັ່ງກ່າວເຊັນໃນວັນທີ 28 ກຸມພາ ຜ່ານມານີ້ ໂດຍ ທ່ານ ດຣ ກິແກ້ວ ຈັນທະບູລີ ຮອງລັດຖະມົນຕີແຜນການ ແລະ ການລົງທືນ ແລະ ທ່ານ ເຈນ ລືດເຄນເຮີມ Jens Lütkenherm ເອກອັກຄະລັດຖະທູດ ສ. ເຢຍລະມັນ ປະຈໍາ ສປປ ລາວ. 

ສັນຍາການຮ່ວມມືທາງດ້ານການເງີນ, ເຕັກນິກ ໄລຍະປີ 2018-2020 ລະຫວ່າງລັດຖະບານ ສປປ ລາວ ແລະ ລັດຖະບານ ສ ເຢຍລະມັນໄດ້ເຫັນດີເປັນເອກະສັນໃນລະຫ່ວາງກອງປະຊຸມປືກສາຫາລືການຮ່ວມມືສອງຝ່າຍໃນເດືອນ ກັນຍາ ປີ 2018 ທີ່ນະຄອນຫຼວງແບັກແລງ Berlin ສ. ເຢຍລະມັນ.

ທີ່​ມາ: ຂ​ປ​ລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.