ພິທີມອບ-ຮັບເຄື່ອງຊ່ວຍເຫຼືອ ຈາກສະພາກາຊາດໄທ ໄດ້ຈັດຂຶ້ນ ວັນທີ 5 ມີນາ 2019 ທີ່ນະຄອນຫຼວງວຽງຈັນ, ໃຫ້ກຽດມອບໂດຍ ທ່ານ ພົນໂທ ດຣ ອຳນາດ ບາຫຼີ, ຜູ້ອຳນວຍການ ສຳນັກງານ ບັນເທົາທຸກ, ສະພາກາຊາດໄທ ແລະ ຮັບໂດຍທ່ານ ດຣ ກາວີ ພອນ ສຸດທິ ຫົວໜ້າກອງຊ່ວຍເຫຼືອບັນເທົາທຸກ ອົງການກແດງລາວ, ມີບັນດາອາສາສະໝັກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ການຊ່ວຍເຫຼືອດັ່ງກ່າວ ເປັນການປະຕິບັດຕາມການກອບການຮ່ວມມືລະຫວ່າງ ອົງການກາແດງລາວ ແລະ ສະພາກາຊາດໄທ ຊຶ່ງການຊ່ວຍເຫຼືອ ມີໄລຍະເວລາແຕ່ປີ 2019-2022 ທີ່ສອງຝ່າຍໄດ້ຮ່ວມລົງມືເຊັນສັນຍາ, ທັງເປັນການກະກຽມຄວາມພ້ອມໃນການຮັບມືກັບໄພພິບັດ ແລະໃຫ້ການຊ່ວຍເຫຼືອປະຊາຊົນຜູ້ທຸກຍາກຂາດເຂີນ, ຜູ້ປະສົບໄພພິບັດຢູ່ ສປປ ລາວ, ແລະ ຜ່ານມາສະພາກາຊາດໄທ ໄດ້ໃຫ້ການຊ່ວຍເຫຼືອປະຊາຊົນຕໍ່ເນື່ອງຫຼວງຫຼາຍເປັນຕົ້ນແມ່ນ: ນໍ້າຖ້ວມປະຊາຊົນ ເມືອງສະໜາມໄຊ ເປັນວັດຖຸສິ່ງຂອງເກືອບ 10 ລ້ານບາດ.
ສ່ວນການຊ່ວຍເຫຼືອຄັ້ງນີ້ ປະກອບມີ: ເຮືອກູ້ໄພ ພ້ອມດ້ວຍເຄື່ອງຈັກ 3 ຊຸດ ມູນຄ່າ 42.120 ໂດລາ, ຄອມພິວເຕີ 55 ຊຸດ ມູນຄ່າ 16.000 ໂດລາ, ເຄື່ອງນຸ່ງຫົ່ມໃໝ່ ຈຳນວນ 5.868 ຜືນ ແລະຢາຖຸແຂ້ວ 21 ແກັດ ມູນຄ່າ 45.252 ໂດລາ, ລວມມູນຄ່າທັງໝົດ 103,372 ໂດລາ.