Monday, July 15, 2024
Lenovo

ກ້າວ​ສູ່​ຄວາມທັນ​ສ​ະ​ໄໝ! ສູນສຸຂະພາບແມ່ ແລະເດັກ ເປີດນໍາໃຊ້ສື່ສັງຄົມອອນລາຍກ່ຽວກັບສຸຂະພາບຈະເລີນພັນ

ວັນທີ 5 ມິີນາ 2019 ນີ້, ສູນສຸຂະພາບແມ່ ແລະ ເດັກ ກະຊວງສາທາລະນະສຸກ ຮ່ວມກັບອົງການ ສາກົນບໍລິການປະຊາຊົນ ຫຼື PSI/Lao ໄດ້ຈັດພິທີເປີດນໍາໃຊ້ເວັບໄຊ໌ ແລະສື່ສັງຄົມອອນລາຍ ກ່ຽວກັບສຸຂະພາບຈະເລີນພັນ, ການວາງແຜນຄອບຄົວ “ຮັກມີແຜນ” ໂດຍໃຫ້ກຽດເຂົ້າຮ່ວມຂອງທ່ານ ດຣ ບຸນເພັງ ພິລາວົງ ຫົວໜ້າກົມອະນາໄມ ແລະສິ່ງແວດລ້ອມ, ທ່ານ ດຣ ອານົນ ເຊືອກວົງສ ຫົວໜ້າ ສູນສຸຂະພາບແມ່ ແລະເດັກ, ທ່ານ ສີຫາມະໂນ ບັນນະວົງ ຮອງຜູ້ອໍານວຍການ PSI/Lao, ມີຜູ້ຕາງໜ້າຈາກສູນກາງຊາວໜຸ່ມ, ສະຫະພັນແມ່ຍິງ ແລະພາກສ່ວນກ່ຽວຂ້ອງເຂົ້າຮ່ວມ.

“ຮັກມີແຜນ” ເປັນເວັບໄຊ ແຫຼ່ງການຮວບຮວມຂໍ້ມູນ, ເພື່ອຕອບສະໜອງຂໍ້ມູນຂ່າວສານ ແລະໃຫ້ຄໍາປຶກສາດ້ານສຸຂະພາບຈະເລີນພັນ ໃຫ້ແກ່ໄວໜຸ່ມ ແລະ ປະຊາຊົນລາວ ໄດ້ເຂົ້າເຖິງຂໍ້ມູນຂ່າວສານໄດ້ຢ່າງວ່ອງໄວ ແລະສະດວກສະບາຍໂດຍຜ່ານ ເວັບໄຊ໌, ວິດີໂອ ແລະສື່ສັງຄົມອອນລາຍ www.hukmiplan.com ແລະ Facebook Page/hukmiplan. ເວັບໄຊ໌ ນີ້ ປະກອບດ້ວຍຂໍ້ມູນກ່ຽວກັບສຸຂະພາບຈະເລີນພັນ, ການວາງແຜນ, ການມີຊີວິດທີ່ປອດໄພ ແລະສຸຂະພາບດີ, ສິດທິທາງເພດ, ຮູບແບບຕ່າງໆຂອງວິທີຄຸມກໍາເນີດ, ສິ່ງທີ່ຄວນປະຕິບັດເວລາຖືພາ ແລະຍັງເປັນບ່ອນທີ່ສາມາດສອບຖາມກ່ຽວກັບບັນຫາຕ່າງໆກ່ຽວກັບສຸຂະພາບຈະເລີນພັນ. ນອກນີ້ຍັງມີວິດີໂອ ກ່ຽວກັບການວາງແຜນຄອບຄົວ, ສຸຂະພາບຈະເລີນພັນຈໍານວນ 21 ເລື່ອງ 5 ພາສາຄື: ພາສາລາວ, ມົ້ງ, ກຶມມຸ, ລະແວ ແລະພາສາ ອາຂ່າ ລວມທັງໝົດມີ 105 ວິດີໂອ.

ຄຽງຄູ່ກັນກັບເວັບໄຊ໌ດັ່ງກ່າວ ຍັງມີ Inbox Facebook messengers ແລະ ເບີສາຍດ່ວນ 020 55566617 ທີ່ໃຫ້ຄໍາປຶກສາກ່ຽວກັບການລຸລູກແບບປອດໄພ, ດູແລຫຼັງການລຸລູກ ພ້ອມທັງໃຫ້ຄໍາປຶກສາກ່ຽວກັບ ການວາງແຜນຄອບຄົວໃຫ້ກັບໄວໜຸ່ມທຸກໆຄົນ.

ທັງນີ້ ກໍເພື່ອເຮັດໃຫ້ບຸກຄົນໃນຫຼາກຫຼາຍຊົນເຜົ່າໃນທົ່ວປະເທດ ໄດ້ມີໂອກາດເຂົ້າເຖິງ ຂໍ້ມູນຂ່າວສານດ້ານສຸຂະພາບຈະເລີນພັນໄດ້ຢ່າງວ່ອງໄວ, ສະດວກສະບາຍ, ແນໃສ່ເພື່ອສ້າງ ແລະແລະເສີມຂະຫາຍການຍອມຮັບ ແລະຖອ້ລົມກ່ຽວກັບສຸຂະພາບຈະເລີນພັນໃນສັງຄົມໄດ້ຫຼາຍຂຶ້ນ, ເພື່ອໃຫ້ທຸກຄົນສາມາດຮຽນຮູ້ວິທີປ້ອງກັນ ແລະການມີເພດສໍາພັນແບບປອດໄພ, ຫຼີກເວັ້ນການຖືພາແບບບໍ່ຕັ້ງໃຈ ແລະພະຍາດຕິດຕໍ່ທາງເພດສໍາພັນ, ເພື່ອໃຫ້ໄວໜຸ່ມຍິງ-ຊາຍ ເຂົ້າໃຈກ່ຽວກັບສິດທິທາງເພດ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),