Monday, July 22, 2024
Lenovo

“Top Thai Brands 2019” ສປປ.ລາວ ສູ່ “Food Truck” ທຸລະກິດຮູບແບບໃໝ່ ທີ່ໜ້າລົງທຶນ

“DITP” ໄທ ຮ່ວມກັບ ກົມສົ່ງເສີມການຄ້າລາວ  ຈັດງານ Top Thai Brands 2019” ງານສະແດງສຸດຍອດແບຣນໄທ ແລະ ສຸດຍອດເຄືອຂ່າຍໄທ – ລາວ ໂດຍມີຜູ້ປະກອບການໄທ ແລະ ສປປ ລາວ ຫລາຍກວ່າ 200 ບູ້ດ ເພື່ອສ້າງຄວາມສຳພັນທີ່ດີໃນດ້ານການຄ້າກັນລະຫວ່າງປະເທດ ແລະ ຍັງຮ່ວມສ້າງຄວາມຍິ່ງໃຫ່ຍໃຫ້ເກັບເສດຖະກິດພູມີພາກ AEC ຈັດຂື້ນລະຫວ່າງ ວັນທີ 6 – 10  ມີນາ 2019  ທີ່ LAO ITECC  ນະຄອນຫລວງວຽງຈັນ ສປປ ລາວ

ທ່ານນາງ ຍານີ ສີມີໄຊ ອັກຄະລາດສະທູດທີ່ປຶກສາ ຝ່າຍພານິດ ສຳນັກງານສົ່ງເສີມການຄ້າໃນຕ່າງປະເທດ ທີ່ ວຽງຈັນ ສະຖານເອກອັກຄະລາດສະທູດແຫ່ງລາດຊະອານາຈັກໄທ ກ່າວວ່າ “ກົມສົ່ງເສີມການຄ້າລະຫວ່າງປະເທດ ກະຊວງພານິດ ແຫ່ງຣາດຊະອານາຈັກໄທ ຮ່ວມກັບກົມສົ່ງເສີມການຄ້າ ກະຊວງອຸດສາຫະກຳ ແລະ ການຄ້າ ສປປ.ລາວ ຈັດງານວາງສະແດງສິນຄ້າ Top Thai Brands 2019 ສຸດຍອດ ແບຣນໄທ ສຸດຍອດເຄື່ອຄ່າຍ ໄທ – ລາວ ລະຫວ່າງວັນທີ 6-10 ມີນາ2019 ທີ່ Lao ITECC (ຕຶກເກົ່າ) ນະຄອນຫຼວງວຽງຈັນ ສປປ.ລາວ ການຈັດງານຄັ້ງນີ້ເພື່ອປະຊາສໍາພັນສິນຄ້າ ແລະ ບໍລິການ ສຸດຍອດແບຣນໄທໃຫ້ເປັນທີ່ຮູ້ຈັກ ແລະ ເຊື່ອໝັ່ນ ຕະຫຼອດເຖີງການສ້າງຄວາມຕ້ອງການໃນຕະຫຼາດ ສປປ.ລາວ ແລະ ສະໜັບສະໜູນ ແລະ ສົ່ງເສີມໃຫ້ເກີດພະລັງຮ່ວມມືກັນສູງສຸດຂອງຜູ້ປະກອບການ ໄທ ແລະ ສປປ.ລາວ”

ປີນີ້ເຮົາມີທຸລະກິດກ່ຽວກັບ Food Truck ມາຮ່ວມພາຍໃນງານ ເຊີ່ງເປັນທຸລະກິດໃໝ່ທີ່ໜ້າລົງທຸນ ບູ໊ດ Food Truck ທຸກແບຣນພ້ອມທີ່ຈະໃຫ້ຄຳປຶກສາ ແນະນຳກ່ຽວກັບການລົງທຶນ ເຊິ່ງເຊື່ອວ່າຈະເປັນທະລະກິດຮູບແບບໃໝ່ໃນ ສປປ.ລາວ ທີ່ໜ້າສົນໃຈ ແລະ ຈະຂະຫຍາຍຕົວຕໍ່ໄປຢ່າງຕໍ່ເນື່ອງ ກໍ່ໃຫ້ເກີດຄວາມຮ່ວມມືຂອງສອງປະເທດຫຼາຍຂື້ນ ແລະ ທຸລະກິດຈະຂາຍຂອງອອນໄລ ເຊີ່ງກໍາລັງເປັນທີ່ນິຍົມທົ່ວໂລກ ຈາກຜູ້ປະກອບການຂອງໄທມາແບ່ງປັນເທັກນິກ ແຊປະສົບການທີ່ເຮັດໃຫ້ຕົນເອງປະສົບຄວາມສຳເລັດໃນທຸລະກິດຂາຍຂອງອອນໄລ

ນອກຈາກນີ້ ພາຍໃນງານຍັງມີສິນຄ້າ ແລະ ການບໍລິການຂອງໄທ ທີ່ມີຄຸນນະພາບ ແລະ ມາດຕະຖານ ສາມາດສົ່ງຕໍ່ສູ່ປະເທດເພື່ອນບ້ານ ລວມເຖີງນະວັດຕະກຳສິນຄ້າ ແລະ ການບໍລິການຮູບແບບ ໃໝ່ໆໄດ້ແກ່: ອາຫານ ແລະ ເຄື່ອງດື່ມ, ຜະລິດຕະພັນເພື່ອສຸຂະພາບ ແລະ ຄວາມງາມ, ເຄື່ອງໜັງ, ສິນຄ້າສຳລັບເດັກ, ສິນຄ້າອື່ນໆ ແລະ ຂອງໃຊ້ໃນຄົວເຮືອນ ລວມທັງໝົດຫຼາຍກວ່າ 200 ບູ້ດ ການເຈລະຈາທຸລະກິດ ແລະ ສຳມະນາ ແລະ ພົບກັບກິດຈະກຳພິເສດຫຼາຍຢ່າງເຊັ່ນ: ກິດຈະກໍາ Work Shop ເຊັ່ນ: ການເຮັດນໍ້າເພື່ອສຸຂະພາບ, ການເຮັດພວງກະແຈໜັງ, ການເພັ່ນເລັບ, ການເຮັດໂຄມໄຟປະດິດ, ການປັ້ນດິນ ແລະ ອື່ນໆອິກຫຼາຍຢ່າງ

ຮ່ວມສົນທະນາກັບຜູ້ປະກອບການລຸ້ນໃໝ່ ລວມເຖີງດາລາສິນລະປິນຊື່ດັງຫຼາຍທ່ານມາຮ່ວມໃນງານນຳເຊັ່ນ: ວັນທີ  7 ມີນາ ພົບກັບ ໄມ ພິລົມພອນ ນັກຮ້ອງທີ່ປ່ຽນໂຕເອງມາເຮັດທຸລະກິດ ຈະມາຮ່ວມສົນທະນາພ້ອມບອກເຄັດລັບດີໆໃນການເຮັດທຸລະກິດໃນຫົວຂໍ້ “ປາແດກເງິນລ້ານ ຈາກຄົວບ້ານສູ່ຄົວໂລກ” ວັນທີ8 ມີນາ ສົນທະນາແລກປ່ຽນປະສົບການ ຈາກນັກທຸລະກິດ ສປປ.ລາວ ພົບກັບ ໂຈໂຈ້ ມີຣາໂຄລ ໃນຫົວຂໍ້ “ທຸລະກິດຄອບຄົວ ເຕີບໃຫຍ່ຢ່າງຢັ້ງຢືນ” ແລະ ວັນທີ9 ມີນາ ພົບກັບ ວຸດທິທອນ ມິລິນພະຈິນດາ (ວຸດດີ້) ພິທີກອນຊື່ດັງຈາກປະເທດໄທ ມາຮ່ວມສົນທະນາ ແລະ ບອກເທັກນິກດີໆໃນການດໍາເນີນທຸລະກິດ ໃນຫົວຂໍ້ “ ຊີວິດ ມຸມມອງ ທຸລະກິດ ແລະ ເປົ້າໝາຍ

ນອກຈາກສາລະໜ້າຮູ້ດີໆທີ່ຈະໄດ້ຮັບພາຍໃນງານແລ້ວ ເຮົາຍັງມີຄວາມບັນເທີງຕ່າງໆຫຼາກຫຼາຍເຊັ່ນ: ວັນທີ 6 ມີນາ ພິທີເປີດງານພົບກັບສິນລະປິນຊື່ດັ່ງຈາກປະເທດໄທ ເກັ່ງ ທະຊະຢະ, ມິນິຄອນເສິດຈາກ ໄມ ພິລົມພອນ, ແພັດ ເພັດດາວອນ, ເພັນຕ້າຊິອ໋ອນ ແລະ ໃບເຕີຍ ອາສະຫຍາມ

ທ່ານນາງ ຍານີ ກ່າວວ່າ: ການຈັດງານໃນຄັ້ງນີ້ຫວັງວ່າ ຈະມີນັກທຸລະກິດທີ່ເຂົ້າຮ່ວມງານ ຜູ້ເຂົ້າຊົມງານທົ່ວໄປປະກອບດ້ວຍ ໜ່ວຍງານພາກລັດ ແລະເອກະຊົນ ທີ່ກ່ຽວຂ້ອງ ຕະຫຼອດຮອດປະຊາຊົນທົ່ວໄປປະມານ 70,000ຄົນ ແລະ ຄາດວ່າຈະມີເງິນພາຍໃນຫຼາຍກວ່າ 50 ລ້ານບາດ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.