ນະຄອນຫລວງວຽງຈັນ ສປປ ລາວ ປີນີ້ ນອກຈາກຈະມີສິນຄ້າຫລາກຫລາຍ ລາຄາຖືກມາໃຫ້ເລືອກຊື້ກັນແລ້ວ ທຸລະກິດແນວໃຫ່ມ ຢ່າງ Food Truck ກໍເປັນທີ່ຫນ້າສົນໃຈບໍ່ຫນ້ອຍຫນ້າ ໂດຍໃນແຕ່ລະມື້ມີຜູ້ເຂົ້າຊົມລົດຕົ້ນແບບ Food Truck ທີ່ເກີດຈາກຄວາມຮ່ວມມື ລາວ-ໄທ ເປັນຈຳນວນຫລາຍ ລວມເຖິງການສອບຖາມແນວທາງການເຮັດທຸລະກິດແນວນີ້ ຈາກຮ້ານອາຫານແລະເຄື່ອງດື່ມ ແບບ Food Truck ທີ່ຈອດຢູ່ຫນ້າງານດ້ວຍ ເຊັ່ນກັນ
ພິເສດໄປກວ່ານັ້ນ ຍັງມີການຈັບຄູ່ທຸລະກິດລະຫວ່າງ Siam Auto Event Car ແລະ Kolao Group ລວມເຖິງການຈັດງານສຳມະນາໃນງານ Top Thai Brands 2019 ໃນວັນທີ 8 ມີນາ ທີ່ຜ່ານມາ ກ່ຽວກັບການລົງທຶນໃນລົດ Food Truck ເຊິ່ງໄດ້ຮັບຄວາມສົນໃຈທັງຈາກນັກທຸລະກິດ ແລະ ຄົນທົ່ວໄປທີ່ຕ້ອງການຫາອາຊີບ ທີ່ລົງທຶນບໍ່ຫລາຍປານໃດ.
ທ່ານນາງ ຍານີ ສີມີໄຊ ຜູ້ອຳນວຍການສຳນັກງານສົ່ງເສີມການຄ້າໃນຕ່າງ ປະຈຳ ນະຄອນຫລວງວຽງຈັນ ກ່າວວ່າ ປະເທດການຈັບຄູ່ຮ່ວມທຸລະກິດຄັ້ງນີ້ຈະຊ່ວຍລາຄາລົດ Food Truckໄດ້ຫລາຍ ເພາະໃຊ້ລົດທີ່ຜະລິດໃນລາວ ແລະ ໃຊ້ເທັກນິກການຕົກແຕ່ງໂດຍບໍລິສັດໄທ ການທີ່ເລືອກຈັບຄູ່ 2 ບໍລິສັດນີ້ເພາະວ່າບໍລິສັດ Siam Auto Event Car ເປັນບໍລິສັດ ຜະລິດລົດທFood Truck ທີ່ໃຫ່ຍ ແລະ ຄົບວົງຈອນທີ່ສຸກໃນປະເທດໄທ.
ນອກຈາກນີ້ຍັງໄດ້ຖືກຄັດເລືອກຈາກກະຊວງການຄ້າໃຫ້ເປັນຕົວແທນຂອງປພເທດເພື່ອສົ່ງອອກໄປປະເທດຕ່າງໆໃນອາຊຽນ ແລະ ບໍລິສັດ kolao Group ເອງກໍເປັນບໍລິສັດ ຜະລິດລົດໃນ ສປປ ລາວ ທີ່ໄດ້ຮັບຄວາມນິຍົມ ແລະ ໄດ້ຮັບຄວາມໄວ້ວາງໃຈ ຈາກຄົນລາວ ທີ່ໄດ້ຮັບຄວາມນິຍົມ ແລະ ໄດ້ຮັບຄວາມໄວ້ວາງໃຈຈາກຄົນລາວ ໃນການເລືອກໃຊ້ລົດຈາກບໍລິສັດນີ້ນຳ.
ທ່ານນາງ ພູຣິຊາ ມະຍຸຣາງກູນ ຜູ້ຈັດການ ບໍລິສັດ Siam Auto Event Car ຈຳກັດ ກ່າວວ່າຢາກນຳສະເຫນີ ສີ່ງດີໆ ໃຫ້ພີ່ນ້ອງ ສປປ ລາວ ແລະ ພູມໃຈ ທີ່ການເຮັດທຸລະກິດຮ່ວມກັນເປັນຄັ້ງທຳອິດ ແຕ່ປະສົບຄວາມສຳເລັດເປັນຢ່າງດີ ຍິ່ງກວ່ານັ້ນຄືສາມາດສ້າງອາຊີບໃຫ້ກັບ ພີ່ນ້ອງ ສປປລາວ ອີກດ້ວຍ.
ພະນັກງານປະຈຳບູ້ດ Food Truck ໃນງານ Top Thai Brands 2019 ບອກວ່າ ຕັ້ງແຕ່ມື້ທຳອິດທີ່ເປີດງານ ກໍໄດ້ຮັບຄວາມສົນໃຈພໍສົໃຄວນ ຈາກບັນດາພໍ່ຄ້າແມ່ຄ້າ ເພາະເປັນຫານລົງທຶນ ທຸລະກິດໃນຕົ້ນທຶນທີ່ຕໍ່າ ຖ້າທຽບກັບການໄປຊື້ດິນ ເປີດຮ້ານຂອງຕົນເອງພຽງແຕ່ຊື້ລົດຄັນດຽວກໍສາມາດຂາຍໄດ້ເລີຍ.
ຄວາມຮ່ວມມືດັ່ງກ່າວ ປະສົບຄວາມສຳເລັດຢ່າງເປັນທາງການ ໃນວັນທີ 4 ມີນາ ທີ່ຜ່ານມາ ທີ່ ສຳນັກງານສົ່ງເສີມການຄ້າໃນຕ່າງປະເທດ ປະຈຳນະຄອນຫລວງວຽງຈັນ ໂດຍພິທີເຊັນສັນຍາຄວາມຮ່ວມມື (MOU) ລະຫວ່າງ ບໍລິສັດ Siam Auto Event Car ຈຳກັກ ຜູ້ຜະລິດລົດ Food Truck ໃນປະເທດໄທ ກັບ ບໍລິສັດ Kolao Group ບໍລິສັດຜູ້ຜະລິດລົດໃນ ສປປ ລສວ ກ່ຽວກັບຄວາມຮ່ວມມືໃນການຜະລິດລົດ Food Truck ໃນ ສປປ ລາວ ເຊິ່ງຈະໄດ້ໃຊ້ລົດທີ່ຜະລິດໃນ ສປປ ລາວ ແລະ ການຕົກແຕ່ງທີ່ນຳມາຈາກປະເທດໄທ ເພື່ອລົດຕົ້ນທຶນ ໃນການນຳເຂົ້າລົດ.
ດ້ວຍເຫດຜົນນີ້ທາງ ສຳນັກງານສົ່ງເສີມການຄ້າໃນຕ່າງປະເທດຈື່ງເລືອກທີ່ຈະດຶງທັງ 2 ບໍລິສັດ ໃຫ້ມາເຮັດທຸລະກິດຮ່ວມກັນ ນອກຈາກນີ້ທັງ 2 ບໍລິສັດ ຍັງໄດ້ຮ່ວມມືກັນຜະລິດລົດ Food Truck ຕົ້ນແບບໃນ ສປປ ລາວ ລົດຄັນດັ່ງກ່າວ ໃຊ້ລົດຈາກບໍລິສັດໂຄລາວ ແລະ ໃຊ້ໂຄງຮ່າງຈາກບໍລິສັດ Siam Auto Event Car ໂດຍ ລົດຄັນດັ່ງກ່າວໄດ້ນຳມາສະແດງໃນງານ Top Thai Brands 2019 ເຊິ່ງໄດ້ຮັບຜົນຕອບຮັບເປັນຢ່າງດີ