Thursday, July 18, 2024
Lenovo

ຂໍ້​ຫ້າມ! ສິ່ງ​ທີ່ “ຄູ” ບໍ່​ຄວນ​ເຮັດເວ​ລາ​ສອ​ນ

ນາຍຄູແມ່ນຜູ້ທີ່ສອນ ລູກຫລານລາວ ໃຫ້ເປັນພົນລະເມືອງ ທີ່ດີມີຄຸນສົມບັດສິນທຳ ປະຕິວັດ ຮັກບ້ານເກີດ ເມືອງນອນຮັກປະເທດຊາດ, ຄູເປັນພໍ່ແມ່ຜູ້ທີ່ສອງຂອງລູກຫລາຍລາວ.  

ດັ່ງນັ້ນ, ຄູຕ້ອງເປັນແວ່ນແຍງໃຫ້ແກ່ລູກຫລານລາວ ນັບຕັ້ງແຕ່ການປາກເວົ້າ, ທ່າທີກິລິຍາມາລະຍາດ, ກິນຢູ່ນຸ່ງຖື… ເວົ້າລວມແລ້ວແມ່ນຮອບດ້ານ. ສິ່ງທີ່ຄູຈະຕ້ອງຫລິກເວັ້ນ ແລະ ບໍ່ອານຸຍາດໃຫ້ເຮັດເດັດຂາດກໍຄື:

1. ບໍ່ສວຍໃຊ້ໜ້າທີ່ຕຳ ແໜ່ງໄປໃນທາງທີ່ຜິດກົດໝາຍ, ລະບຽບການ, ບໍ່ສ້າງ ຄວາມຫຍຸ້ງຍາກໃຫ້ແກ່ນັກຮຽນ ແລະ ປະຊາຊົນ.

2. ບໍ່ໂລບມາກໂລພາ, ບໍ່ມີຄວາມສັດຊື່ໃນການຊອກຮູ້ຮ່ຳຮຽນ, ການຄົ້ນຄວ້າວິທະຍາສາດ, ການປະຕິບັດໜ້າທີ່ການສິດສອນ ແລະ ສຶກສາ.

3. ບໍ່ຂູ່ເຂັນ, ບັງຄັບ, ລຳອຽງ, ເລືອກປະຕິບັດ, ຕໍ່ວ່າ ກັບນັກຮຽນ. ບໍ່ສົມຮູ້ຮ່ວມຄິດ, ປົກປິດພວກຄົນບໍ່ດີໃນ ການສິດສອນ, ຮ່ຳຮຽນ, ການຝຶກຝົນຂອງນັກຮຽນ ແລະ ເພື່ອນຮ່ວມງານ.

4. ບໍ່ລ່ວງລະເມີດຮ່າງກາຍ, ກຽດສັກສີ, ຄວາມເປັນມະນຸດຂອງນັກຮຽນ, ເພື່ອນຮ່ວມງານ. ບໍ່ເຮັດສິ່ງທີ່ ແຕະ  ຕ້ອງເຖິງໜ້າວຽກ, ການ ເຄື່ອນໄຫວຂອງເພື່ອນຮ່ວມງານ ແລະ ຜູ້ອື່ນໆ.

5. ບໍ່ຈັດຕັ້ງການສອນເພີ່ມເຕີມ, ຮຽນເພີ່ມເຕີມ ທີ່  ຜິດກັບລະບຽບວິໄນ.

6. ບໍ່ສູບຢາ, ດື່ມເຫລົ້າ-ເບຍ ຢູ່ໃນໂມງການ ແລະ ຢູ່ ໃນຫ້ອງການ, ໃນໂຮງຮຽນ ແລະ ສະຖານທີ່ບໍ່ໄດ້ຮັບອະ ນຸຍາດກໍຄືຢູ່ໃນການເຄື່ອນໄຫວຕ່າງໆຢູ່ໃນໂຮງຮຽນ.

7. ບໍ່ນຳໃຊ້ໂທລະສັບໃນເວລາລວມ, ເວລາຂຶ້ນຫ້ອງ, ເວລາສອບເສັງ…

8. ບໍ່ສ້າງກຸ່ມກ້ອນພັກ ພວກ ທ້ອງຖິ່ນເຮັດໃຫ້ແຕກ ແຍກຄວາມສາມັກຄີພາຍໃນ.

9. ບໍ່ສວຍໂອກາດໃນ ເວລາສິດສອນໂຄສະນາ ຊວນເຊ່ືອທີ່ຄັດກັບທັດສະນະແນວທາງຂອງພັກ-ລັດ.

10. ບໍ່ຫລົບຫລີກໜ້າ ທີ່ຄວາມຮັບຜິດຊອບ, ປະລະໜ້າທີ່, ປະລະໜ້າວຽກຕາມ ລຳເພີໃຈ, ໄປການບໍ່ໄປຊ້າເລິກໄວ, ປະໂມງສອນ, ຕັດຮອນ ຫລື ເລັ່ງລັດຫລັກສູນການສອນ, ບໍ່ຝາຝືນລະບຽບວິໄນວິຊາສອນ ແລະ ຂອງໂຮງຮຽນ.

11. ບໍ່ຈັດຕັ້ງ ແລະ ບໍ່ເຂົ້າ ຮ່ວມການເຄື່ອນໄຫວຕ່າງໆ ທີ່ເຮັດໃຫ້ເສື່ອມເສຍອິດທິພົນບົດບາດຂອງຄູ ເຊ່ັນ: ຫລິ້ນເບ້ຍເຈ້ຍໄພ້, ໂສເພນີ, ງົມງາຍ, ບໍ່ນິຍົມ ແລະ ໂຄສະນາວັດທະນະທຳທີ່ເປັນພິດໄພ./.

ທີ່​ມາ: ໜັງ​ສື​ພິມ​ລາວ​ພັດ​ທະ​ນາ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.